അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ചരിത്രം തിരുത്തിക്കുറിച്ചു കൊണ്ട് പാലാ നഗരസഭയുടെ ചെയർപേഴ്സണായി 21 വയസ്സുകാരി ദിയ പുളിക്കക്കണ്ടം ചുമതലയേറ്റു. രാജ്യത്തെ തന്നെ ഏറ്റവും പ്രായം കുറഞ്ഞ നഗരസഭാ അധ്യക്ഷ എന്ന റെക്കോർഡുമായാണ് ദിയ ചുമതലയേറ്റത്. നഗരസഭയിൽ സ്വതന്ത്രരായി വിജയിച്ച പുളിക്കക്കണ്ടം കുടുംബത്തിലെ മൂന്ന് അംഗങ്ങളുടെ നിലപാടായിരുന്നു ഭരണമാറ്റത്തിൽ നിർണ്ണായകമായത്. കുടുംബം മുന്നോട്ടുവെച്ച നിബന്ധനകൾ യുഡിഎഫ് നേതൃത്വം അംഗീകരിച്ചതോടെയാണ് പിന്തുണ നൽകാൻ തീരുമാനമായത്. ധാരണപ്രകാരം ആദ്യ ടേമിൽ ദിയ പുളിക്കക്കണ്ടം അധ്യക്ഷയാകും. കോൺഗ്രസ് വിമതയായി വിജയിച്ച മായ രാഹുലാണ് ഉപാധ്യക്ഷ.
യുവതലമുറയ്ക്ക് ഭരണനേതൃത്വത്തിൽ വലിയ പ്രാധാന്യം നൽകുന്ന ഈ തീരുമാനം കേരള രാഷ്ട്രീയത്തിൽ തന്നെ വലിയ ചർച്ചകൾക്ക് വഴിതുറന്നിരിക്കുകയാണ്. പാലായുടെ വികസന പ്രവർത്തനങ്ങളിൽ പുതിയ ഊർജ്ജം കൊണ്ടുവരാൻ തനിക്ക് സാധിക്കുമെന്ന് ദിയ പുളിക്കക്കണ്ടം ചുമതലയേറ്റ ശേഷം മാധ്യമങ്ങളോട് പറഞ്ഞു.
