അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.നിയമസഭാ തിരഞ്ഞെടുപ്പിന് കളം ഒരുങ്ങുമ്പോള് തൃശൂരിലെ രാഷ്ട്രീയ സമവാക്യങ്ങള് മാറ്റിമറിക്കാന് കോണ്ഗ്രസിന്റെ അപ്രതീക്ഷിത നീക്കം. കാലങ്ങളായി എല്.ഡി.എഫിന്റെ കോട്ടയായി അറിയപ്പെടുന്ന കൈപ്പമംഗലം മണ്ഡലം ഇത്തവണ പിടിച്ചെടുക്കാന് പൊളിറ്റിക്കല് സൈക്കോളജിസ്റ്റും സുപ്രീംകോടതി-ഹൈക്കോടതി അഭിഭാഷകനുമായ അഡ്വ. അവനീഷ് കോയിക്കരയെ യു.ഡി.എഫ് സ്ഥാനാര്ത്ഥിയായി രംഗത്തിറക്കാനാണ് കോണ്ഗ്രസ് ആലോചിക്കുന്നത്. കഴിഞ്ഞ തവണ ഘടകകക്ഷിയില് നിന്ന് ഏറ്റെടുത്ത് ശോഭ സുബിനെ മത്സരിപ്പിച്ചെങ്കിലും മണ്ഡലത്തില് ഇരുപത്തി രണ്ടായിരത്തില് അധികം വോട്ടിന്റെ ഭൂരിപക്ഷത്തില് എല്.ഡി.എഫ് വിജയിച്ചിരുന്നു. ഈ വലിയ വോട്ട് വിടവ് നികത്തുകയാണ് ഇത്തവണത്തെ ലക്ഷ്യം.
എ.ഐ.സി.സി നിര്ദ്ദേശ പ്രകാരം സുനില് കനഗോലു ടീം നടത്തിയ രഹസ്യ സര്വേയിലും കൈപ്പമംഗലം ‘ഉറപ്പില്ലാത്ത മണ്ഡലങ്ങളുടെ’ പട്ടികയിലാണ്. ഇടത് കോട്ടയില് വിള്ളല് വീഴ്ത്താന് ഒരു ‘മാജിക്കല്’ സ്ഥാനാര്ത്ഥി വേണമെന്ന കനഗോലുവിന്റെ വിലയിരുത്തലാണ് അവനീഷ് കോയിക്കര എന്ന പേരിലേക്ക് നേതൃത്വം എത്തിയത്. രാഷ്ട്രീയ തന്ത്രങ്ങള് മെനയുന്നതില് അസാമാന്യ വൈഭവമുള്ള അവനീഷ് കോയിക്കരയ്ക്ക് മണ്ഡലത്തില് യുഡിഎഫ് അനുകൂല ചലനമുണ്ടാക്കാന് കഴിയുമെന്നാണ് വിലയിരുത്തല്. കേവലം ഒരു അഭിഭാഷകന് എന്നതിലുപരി, കഴിഞ്ഞ അഞ്ച് വര്ഷമായി തിരഞ്ഞെടുപ്പ് ഗോദയില് സ്ഥാനാര്ത്ഥികള്ക്ക് ശാസ്ത്രീയ പരിശീലനം നല്കി അവരെ വിജയത്തിലെത്തിക്കുന്നതില് ശ്രദ്ധേയമായ റെക്കോര്ഡാണ് ഇദ്ദേഹത്തിനുള്ളത്.
അവനീഷിന്റെ പരിശീലനം ലഭിച്ച 1823 പേര് വിവിധ തിരഞ്ഞെടുപ്പുകളില് ജനവിധി തേടിയതില് 1638 പേരെയും വിജയപീഠത്തില് എത്തിക്കാന് അദ്ദേഹത്തിന് കഴിഞ്ഞു എന്നതും ശ്രദ്ധേയം. സങ്കീര്ണ്ണമായ രാഷ്ട്രീയ സാഹചര്യങ്ങളെ സൈക്കോളജിക്കല് രീതിയില് സമീപിക്കുന്ന അവനീഷ് എത്തുന്നതോടെ മണ്ഡലത്തിലെ ഏഴ് ഗ്രാമപഞ്ചായത്തുകളിലും മുന്നേറ്റം സൃഷ്ടിക്കാന് കഴിയുമെന്ന് യുഡിഎഫ് കണക്കുകൂട്ടുന്നു. പതിവ് പ്രചാരണ ശൈലികള്ക്ക് പകരം ശാസ്ത്രീയമായ തന്ത്രങ്ങളിലൂടെ കൈപ്പമംഗലത്തെ ‘ബാലികേറാമല’ കീഴടക്കാന് ഈ രാഷ്ട്രീയ വിജയശില്പിക്ക് കഴിയുമെന്നാണ് നേതൃത്വത്തിന്റെ കണക്കുകൂട്ടല്.
അങ്കമാലി സ്വദേശിയായ അവനീഷ് കോണ്ഗ്രസിന്റെ മുന് വിദ്യാര്ത്ഥി നേതാവായിരുന്നു. 2019ല് നടന്ന പാര്ലമെന്റ് തിരഞ്ഞെടുപ്പില് പാര്ട്ടിയുടെ കേരളത്തിലെ വാട്സാപ്പ് പ്രചാരണത്തിനും നേതൃത്വം നല്കി. ശശി തരൂരിന്റെ നിര്ദ്ദേശപ്രകാരമായിരുന്നു സ്റ്റേറ്റ് ഡിജിറ്റല് മീഡിയ സെല്ലിന്റെ അംഗമാക്കിയത്. സൈക്കോലീഗല് കണ്സള്ട്ടന്റ്, ഓര്ഗനൈസേഷണല് സൈക്കോളജിസ്റ്റ്, മാസ്റ്റര് മൈന്ഡ് ട്രെയിനര്, സൈക്കോസ്പിരിച്വല് മെന്റര് എന്നീ നിലകളിലും അഡ്വ. അവനീഷ് കോയിക്കര സുപരിചിതനാണ്. നിയമത്തില് ബിരുദധാരിയും സൈക്കോളജി, മാനേജ്മെന്റ്, ജേണലിസം എന്നിവയില് ബിരുദാനന്തര ബിരുദധാരിയുമാണ്.
CONTENT HIGH LIGHTS; UDF’s ‘master plan’ to capture Kaippamangalam: Will political psychologist Adv. Avanish Koikkara become a candidate?
