അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കാലടി സംസ്കൃത സര്വ്വകലാശാലയുടെ ആറ് ഏക്കര് ഭൂമി സ്റ്റേഡിയം നിര്മ്മാണത്തിന് ഒരു സ്വകാര്യ ഏജന്സിക്ക് വിട്ടുകൊടുക്കാനുള്ള സിന്ഡിക്കേറ്റ് തീരുമാനം ഗവര്ണര് തടഞ്ഞതിന് തൊട്ട് പിന്നാലെ സര്ക്കാരിന്റെ കാലാവധി അവസാനിക്കുന്നതിനു മുമ്പ് 2021ല് വിജ്ഞാപനം ചെയ്തിരുന്ന അധ്യാപക തസ്തികകളില് തിരക്കിട്ട് നിയമനം നടത്തുവാനുള്ള തീരുമാനം നിര്ത്തിവയ്ക്കാന് ഗവര്ണര് സര്വകലാശാലയുടെ താല്ക്കാലിക വിസി
ഡോ: ഗീതാകുമാരിക്ക് നിര്ദ്ദേശം നല്കി.
പ്രൊഫസര്മാരുടെയും ഗസ്റ്റ് അധ്യാപകരുടെയും എണ്ണം വിദ്യാര്ത്ഥി-അധ്യാപക അനുപാതത്തേക്കാള് വളരെ കൂടുതലാണെന്നും, വിദ്യാര്ത്ഥികള് കുറഞ്ഞ യൂണിവേഴ്സിറ്റിയുടെ പ്രാദേശിക സെന്ററുകള് അടച്ചുപൂട്ടണമെന്നുമുള്ള അക്കൗണ്ടന്റ് ജനറലിന്റെ കഴിഞ്ഞ വര്ഷത്തെ ആഡിറ്റ് റിപ്പോര്ട്ട് മറച്ചുവെച്ച് 2021ല് വിജ്ഞാപനം ചെയ്ത അധ്യാപക തസ്തികകളില് സ്ഥിരം നിയമനങ്ങള് നടത്താന് വിസിയും സി.പി.എം സിന്ഡിക്കേറ്റ് അംഗങ്ങളും നടത്തുന്ന നീക്കം തടയണമെന്ന് ആവശ്യപ്പെട്ട് സേവ് യൂണിവേഴ്സിറ്റി ക്യാമ്പയിന് കമ്മിറ്റിയും സിന്ഡിക്കേറ്റിലെ ബി.ജെ.പി അംഗങ്ങളും ഗവര്ണര്ക്ക് നിവേദനം നല്കിയിരുന്നത് പരിഗണിച്ചാണ് ഗവര്ണര് നിയമന നടപടികള് നിര്ത്തി വയ്ക്കാന് വിസിക്ക് നിര്ദ്ദേശം നല്കിയത്.
വിജ്ഞാപനം അഞ്ച് വര്ഷം മുന്പുള്ളതായതുകൊണ്ട് പുനര് വിജ്ഞാപനം അനി വാര്യമാണെന്നും നിവേദനത്തില് ചൂണ്ടി ക്കാട്ടിയിരുന്നു. സാമ്പത്തിക തകര്ച്ച നേരിടുന്ന സര്വ്വകലാശാല വിരമിച്ച അധ്യാപകരുടെയും അനധ്യാപകരുടെയും പെന്ഷന് ആനുകൂല്യങ്ങള് കഴിഞ്ഞ രണ്ട് വര്ഷമായി തടഞ്ഞു വച്ചിരിക്കുമ്പോഴാണ് സി.പി.എം സിന്ഡിക്കേറ്റ് അംഗങ്ങളുടെ സമ്മര്ദ്ദങ്ങള്ക്ക് വി.സി സ്ഥിരമായി വഴങ്ങുന്നതെന്ന് സേവ് യൂണിവേഴ്സിറ്റി ക്യാമ്പയിന് കമ്മിറ്റി കുറ്റപ്പെടുത്തി.
സി.പി.എമ്മിന്റെ മാധ്യമ വക്താവ് അഡ്വ.കെ.എസ്. അരുണ്കുമാറിന്റെ നിയന്ത്രണത്തിലാണ് സര്വ്വകലാശാല പ്രവര്ത്തിക്കുന്നതെന്ന് വ്യാപകമായി ആക്ഷേപമുണ്ട്. കാലിക്കറ്റ് യൂണിവേഴ്സിറ്റിയിലെ സംസ്കൃത അധ്യാപികയായ ഡോ. കെ.കെ.ഗീതകുമാരിയെ മുന്ഗവര്ണര് ആരിഫ് മുഹമ്മദ് ഖാനാണ് താല്ക്കാലിക വി.സിയായി 2O24 മാര്ച്ചില് ‘സംസ്കൃത’യില് നിയമിച്ചത്.
CONTENT HIGH LIGHTS; The Governor has blocked the appointment of teachers at the Sanskrit University. This action comes after the backlash received by the Dindicate over the stadium issue.
