അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.പത്തനാപുരം: ചലച്ചിത്ര-സീരിയല്-നാടക നടിയും പത്താനപുരം ഗാന്ധിഭവനിലെ അംഗവുമായ ലൗലി ബാബുവിന്റെ മാതാവ് കുഞ്ഞമ്മ പോത്തന് (93) അന്തരിച്ചു. ഇന്ന് ഉച്ചയ്ക്ക് 2.15 നായിരുന്നു അന്ത്യം. 93 വയസ്സിന്റെ അവശതകളും അസുഖങ്ങളും നേരിട്ടിരുന്ന അമ്മയെ പരിചരിച്ച് മകള് ലൗലി എപ്പോഴും കൂടെയുണ്ടായിരുന്നു.
സ്വന്തം അമ്മയെ ഉപേക്ഷിക്കാനുള്ള ഭര്ത്താവിന്റെ പിടിവാശിക്ക് മുന്നില് മുട്ടുമടക്കാതെ അമ്മയെ നെഞ്ചോട് ചേര്ത്ത് പിടിച്ച ചേര്ത്തല എസ് എല് പുരം കുറുപ്പ് പറമ്പില് ലൗലി ബാബു 2024 ജൂലൈ 16 നാണ് ഗാന്ധിഭവനില് അഭയം തേടി എത്തിയത്.
ഒരുപാട് സ്ഥലങ്ങളില് അഭയം തേടാന് ശ്രമിച്ചെങ്കിലും അമ്മയെ ഒറ്റയ്ക്കാക്കി മടങ്ങാന് ലൗലി തയ്യാറല്ലായിരുന്നു. അങ്ങനെ തനിക്ക് കൂടി നില്ക്കാന് പറ്റിയ സ്ഥലം അന്വേഷിക്കുമ്പോഴാണ് ഗാന്ധിഭവനക്കുറിച്ചറിയുന്നത്.
