അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.മുന്‍ മുഖ്യമന്ത്രിയും സി.പി.എമ്മിന്റെ സ്ഥാപക നേതാവുമായി വി.എസ്. അച്ചുതാന്ദന്റെ ഓര്‍മ്മ നിലനിര്‍ത്താന്‍ വി.എസ്. സെന്റര്‍ സ്ഥാപിക്കും. തിരുവനന്തപുരത്താണ് വി.എസ്. സെന്റര്‍ വരുന്നത്. ഇതിനായി 20 കോടി വകയിരുത്തി. ധനമന്ത്രി കെ.എന്‍. ബാലഗോപാലാണ് തന്റെ ബജറ്റ് പ്രസംഗത്തില്‍ ഇതു പറഞ്ഞത്. വി.എസ്. അച്യുതാനന്ദന് നല്‍കുന്ന ആധവായി കൂടെ ഇതിനെ കാണുന്നുവെന്നും ധനമന്ത്രി പറഞ്ഞു. കേന്ദ്ര സര്‍ക്കാരിന്റെ ഭാഗത്തു നിന്നുള്ള തിരിച്ചടികളും ഞെരുക്കലുകളും ബജറ്റില്‍ തുറന്നു പറഞ്ഞു കൊണ്ടാണ് ധനമന്ത്രി കെ.എന്‍. ബാലഗോപാല്‍ 2026-27ലെ ബജറ്റ് പ്രസംഗം തന്നെ ആരംഭിച്ചത്. വോട്ട് ചോരി മാത്രമല്ല, നോട്ട് ചോരിയും നടത്തുന്നുണ്ടെന്നും കണക്കു നിരത്തി മന്ത്രി പറഞ്ഞു.
അംഗണവാടി വര്‍ക്കര്‍മാരുടെ പ്രതിമാസവേതനത്തില്‍ 1000 രൂപ വര്‍ധിപ്പിച്ചു. ഹെല്‍പ്പര്‍മാരുടെ പ്രതിമാസ വേതനത്തില്‍ 500 രൂപ വര്‍ധിപ്പിച്ചു. സര്‍ക്കാര്‍ ജീവനക്കാരുടെ ഡിഎ കുടിശിക പ്രശ്നം പരിഹരിക്കുമെന്ന് ധനമന്ത്രി അറിയിച്ചു. നികുതിദായകര്‍ക്ക് പുരസ്‌കാരത്തിനായി 5 കോടി മാറ്റി വച്ചു. സാക്ഷരതാ പ്രേരക് മാര്‍ക്ക് പ്രതിമാസം 1000 രൂപയുടെ വര്‍ധനവ്. സ്ത്രീ സുരക്ഷാ പെന്‍ഷന് 3820 കോടി നീക്കിവെക്കുന്നതായി മന്ത്രി അറിയിച്ചു. ക്ഷേമപെന്‍ഷന് 14,500 കോടിയും കണക്ട് സ്‌കോളര്‍ഷിപ്പിന് 400 കോടിയും നീക്കിവെച്ചു. ആശ വര്‍ക്കര്‍മാരുടെ ഓണറേറിയം 1000 രൂപ കൂട്ടുമെന്നും മന്ത്രി പറഞ്ഞു. സ്വപ്ന ബജറ്റ് അല്ല, പ്രായോഗികമായ ബറ്റാകും അവതരിപ്പിക്കുക എന്ന് ബജറ്റ് അവതരണത്തിിനു മുമ്പേ മന്ത്രി പറഞ്ഞിരുന്നു.
കാര്‍ഷിക, വ്യവസായ മേഖലകളില്‍ മികച്ച വളര്‍ച്ച രേഖപ്പെടുത്തിയത് സര്‍ക്കാരിന് ആത്മവിശ്വാസം നല്‍കുന്നുണ്ട്. അതേസമയം, കേന്ദ്ര വിഹിതത്തില്‍ ഉണ്ടായ കുറവുകള്‍ പരിഹരിക്കാന്‍ തനത് വരുമാനം വര്‍ധിപ്പിക്കുന്നതിനുള്ള ക്രിയാത്മക നിര്‍ദ്ദേശങ്ങളും ആറാമത്തെ ബജറ്റില്‍ ഉ്ടാകുമെന്ന പ്രതീക്ഷയാണുള്ളത്. നിയമസഭയില്‍ ധനമന്ത്രി ബജറ്റ് പ്രസംഗം നടത്തുകയാണ്.
CONTENT HIGH LIGHTS; VS Center 20 crores: Center in Thiruvananthapuram; Not only stealing votes, but also conducting currency manipulation; Finance Minister slams the Center
