അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ചെമ്മീന്‍ നല്ല ക്രിസ്പിയായി പൊരിച്ചെടുക്കാന്‍ ഈ ഒരു മസാലക്കൂട്ട് പരീക്ഷിച്ചാലോ. കുട്ടികൾക്കും മുതിർന്നവർക്കും ഒരുപോലെ ഇഷ്ടപെടും.
ചേരുവകള്‍ :
ചെമ്മീന്‍ – 1/2 കിലൊ
ചുവന്നുള്ളി – 5-6 എണ്ണം
ഇഞ്ചി – 2 ഇഞ്ച് വലിപ്പത്തില്‍
വെളുത്തുള്ളി – 2 (വലുത്)
തക്കാളി – 1 (ചെറുത്)
കറിവേപ്പില – 2 തണ്ട്
കാശ്മീരി മുളകുപൊടി – 3 ടീസ്പൂണ്‍
മഞ്ഞള്‍പൊടി – 1/4 ടീസ്പൂണ്‍
ഉപ്പ് – ആവശ്യത്തിന്
വെളിച്ചെണ്ണ – 3-4 ടേബിള്‍സ്പൂണ്‍
തയ്യാറാക്കുന്ന വിധം :
ചെമ്മീന്‍ വൃത്തിയാക്കി നന്നായി കഴുകിയെടുക്കുക. ചുവന്നുള്ളിയും ഇഞ്ചിയും വെളുത്തുള്ളിയും തക്കാളിയും കറിവേപ്പിലയും ചേര്‍ത്ത് ഒട്ടും വെള്ളം ചേര്‍ക്കാതെ അരച്ചെടുക്കുക. ഇതിലേക്ക് കാശ്മീരി മുളകുപൊടിയും മഞ്ഞള്‍പൊടിയും ആവശ്യത്തിന് ഉപ്പും നന്നായി ഇളക്കി ചേര്‍ക്കുക. ഇനി കഴുകിയെടുത്ത ചെമ്മീന്‍ ഒട്ടുംതന്നെ വെള്ളമില്ലാതെ ഈ മസാലക്കൂട്ടിലേക്ക് ചേര്‍ത്ത് നന്നായി ഇളക്കി യോജിപ്പിക്കുക. 1/2 മണിക്കൂറെങ്കിലും മസാല പിടിക്കാനായി മാറ്റിവെക്കുക. ശേഷം വെളിച്ചെണ്ണയില്‍ പൊരിച്ചെടുക്കാം. പൊരിക്കുമ്പോള്‍ കുറച്ച് കറിവേപ്പില കൂടി ചേര്‍ക്കുക മണവും രുചിയും കൂടും.
