അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കേരള മുഖ്യമന്ത്രി പിണറായി വിജയനും തെലങ്കാന മുഖ്യമന്ത്രി രേവന്ത് റെഡ്ഡിയും തമ്മിലുള്ള വാക്പോരിൽ പിണറായി വിജയനെ പിന്തുണച്ച് നടനും സോഷ്യൽ മീഡിയ വ്യക്തിത്വവുമായ സന്തോഷ് പണ്ഡിറ്റ്. രേവന്ത് റെഡ്ഡിക്കെതിരെ മുഖ്യമന്ത്രി നടത്തിയ കടുത്ത പരാമർശത്തിൽ തെറ്റൊന്നുമില്ലെന്നും, അർഹിച്ച മറുപടിയാണ് അദ്ദേഹത്തിന് ലഭിച്ചതെന്നും സന്തോഷ് പണ്ഡിറ്റ് തന്റെ ഫേസ്ബുക്ക് കുറിപ്പിലൂടെ വ്യക്തമാക്കി.
ഒരു മുഖ്യമന്ത്രി എന്ന നിലയിൽ രേവന്ത് റെഡ്ഡി സംസാരിക്കുമ്പോൾ മാന്യത പുലർത്തണമെന്നും ഒരാൾക്ക് ബഹുമാനം കൊടുത്താലേ അത് തിരിച്ചു ലഭിക്കുകയുള്ളൂ എന്നും പണ്ഡിറ്റ് ഓർമ്മിപ്പിച്ചു. ഇങ്ങോട്ട് മര്യാദ കാണിക്കാത്തവരോട് അങ്ങോട്ടും അത് കാണിക്കേണ്ട ആവശ്യമില്ലെന്ന നിലപാടാണ് അദ്ദേഹം പങ്കുവെച്ചത്. രേവന്ത് റെഡ്ഡിയുടെ പേരെടുത്ത് പറയാതെയായിരുന്നു പണ്ഡിറ്റിന്റെ വിമർശനം.
രേവന്ത് റെഡ്ഡിയെ ‘ഡാഷ് മോനെ’ എന്ന് മുഖ്യമന്ത്രി വിശേഷിപ്പിച്ചത് സോഷ്യൽ മീഡിയയിൽ വലിയ ചർച്ചയായിരുന്നു. എന്നാൽ ഇതിൽ വിമർശിക്കേണ്ടതായി ഒന്നുമില്ലെന്നാണ് പണ്ഡിറ്റിന്റെ പക്ഷം. “ചുമ്മാ ചൊറിയാൻ വന്നു കടി മേടിച്ചു” എന്ന് പരിഹസിച്ച അദ്ദേഹം, പിണറായി വിജയന്റെ മറുപടി കൃത്യമായിരുന്നു എന്നും കൂട്ടിച്ചേർത്തു.
