അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ജിത്തു സതീശൻ മംഗലത്ത് രചനയും സംവിധാനവും നിര്വ്വഹിച്ച ‘സംഭവം അധ്യായം ഒന്ന്’ എന്ന ചിത്രം മികച്ച അഭിപ്രായം ആണ് തിയേറ്ററുകളിൽ നിന്നും ലഭിച്ചത്. മിസ്റ്ററി ഫാന്റസി ത്രില്ലര് ഗണത്തില് പെടുന്ന ചിത്രത്തിൽ അസ്കർ അലി ആണ് നായകനായി എത്തിയത്. കേരള – തമിഴ്നാട് അതിര്ത്തിയിലുള്ള ഒരു വനപ്രദേശത്താണ് ചിത്രത്തിൻ്റെ കഥ നടക്കുന്നത്. തിയേറ്ററിൽ മികച്ച വിജയം കൊയ്ത സിനിമ ഇപ്പോൾ സ്ട്രീമിങ്ങിന് ഒരുങ്ങുകയാണ്.
#SambhavamAdhyayamOnnu from April 15 on #JioHotstar pic.twitter.com/yVXC59LceS
— G.O.A.T𓃵🦉 (@QuereshiAbraam) April 9, 2026
ഏപ്രിൽ 15 നാണ് സംഭവം സ്ട്രീമിങ് ആരംഭിക്കുന്നത്. ജിയോ ഹോട്ട്സ്റ്റാറിലൂടെയാണ് ചിത്രം സ്ട്രീം ചെയ്യുന്നത്. മലയാളം, ഹിന്ദി, തമിഴ്, തെലുങ്ക്, കന്നഡ ഭാഷകളിൽ സിനിമ പ്രേക്ഷകർക്ക് മുന്നിലെത്തും. അസ്ക്കർ അലി, വിനീത് കുമാർ, സിദ്ധാർത്ഥ് ഭരതന്, അസീം ജമാൽ, സെന്തിൽ കൃഷ്ണ എന്നിവരാണ് പ്രധാന അഭിനേതാക്കൾ. നല്ല സിനിമ പ്രൊഡക്ഷൻസിൻ്റെ ബാനറിൽ ഫഹദ് സിദ്ദിഖ്, ഫറാസ് മറ്റപ്പള്ളി, ഫയസ് മുഹമ്മദ്, എന്നിവർ നിർമ്മിക്കുന്ന ഈ ചിത്രത്തിൻ്റെ കോ പ്രൊഡ്യൂസർ നവീൻ ഊട്ടയും, എക്സിക്യൂട്ടീവ് പ്രൊഡ്യൂസര് ആഷ്ന റഷീദുമാണ്. ചായാഗ്രഹണം നവീൻ നജോസ്, എഡിറ്റിംഗ് അർജുൻ പ്രകാശ്, ബാക്ക്ഗ്രൗണ്ട് സ്കോർ ഗോഡ്വിൻ തോമസ്.
ഓഡിയോഗ്രഫി വിഷ്ണു ഗോവിന്ദ്, മേക്കപ്പ് പട്ടണം റഷീദ്, വസ്ത്രാലങ്കാരം സമീറ സനീഷ്, കലാസംവിധാനം സുജിത്ത് കൊല്ലനണ്ടി, സംഘട്ടനം അഷ്റഫ് ഗുരുക്കൾ, സ്റ്റിൽസ് നിദാദ് കെ എൻ, ചീഫ് അസോസിയേറ്റ് ഡയറക്ടേഴ്സ് മെൽബിൻ മാത്യു, അനൂപ് മോഹൻ, പ്രൊഡക്ഷൻ കൺട്രോളർ പ്രവീൺ എടവണ്ണപ്പാറ. പാലക്കാട്, തിരുവനന്തപുരം, വൈക്കം, വെള്ളൂർ എന്നിവിടങ്ങളിലായിട്ടാണ് ഈ ചിത്രത്തിൻ്റെ ചിത്രീകരണം പൂർത്തിയായത്.
