അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.മുണ്ടത്തിക്കോട് വെടിക്കെട്ട് പുരയിലുണ്ടായ സ്ഫോടനത്തിൽ അമിത അളവിൽ വെടിമരുന്ന് സൂക്ഷിച്ചിരുന്നോ എന്ന് വിശദമായി അന്വേഷിക്കുമെന്ന് മന്ത്രി വിഎൻ വാസവൻ അറിയിച്ചു.
തുടർച്ചയായുണ്ടാകുന്ന ഇത്തരം അപകടങ്ങൾ ഒഴിവാക്കാൻ വെടിക്കെട്ട് രീതികളിൽ മാറ്റം വരുത്തുന്നതിനെക്കുറിച്ച് സർക്കാർ ആലോചിക്കുന്നുണ്ട്.
വലിയ ശബ്ദമുള്ള വെടിക്കെട്ടുകൾക്ക് പകരം വർണ്ണങ്ങൾക്ക് പ്രാധാന്യം നൽകുന്ന രീതി നടപ്പിലാക്കാനാണ് ചർച്ചകൾ. ഇതിന്റെ ഭാഗമായി ഈ വർഷത്തെ തൃശ്ശൂർ പൂരത്തിലെ വെടിക്കെട്ടും ഒഴിവാക്കിയിട്ടുണ്ട്.
ദുരന്തത്തിൽ ഇതുവരെ 10 പേരുടെ മൃതദേഹങ്ങൾ പൂർണ്ണമായും ഒരാളെ ഭാഗികമായും തിരിച്ചറിഞ്ഞിട്ടുണ്ട്. ആകെ 29 ശരീര അവശിഷ്ടങ്ങളാണ് ഇതുവരെ ലഭിച്ചത്. ഇതിൽ നാല് പേരുടെ കാര്യത്തിൽ കൂടി ഇനിയും വ്യക്തത വരാനുണ്ട്.
സ്ഫോടനം നടന്ന സമയത്ത് 38 പേർ സ്ഥലത്തുണ്ടായിരുന്നുവെന്നാണ് കരുതുന്നത്. എന്നാൽ രേഖകൾ നശിച്ചതിനാൽ ആളുകളുടെ എണ്ണത്തിൽ ഇപ്പോഴും അവ്യക്തത തുടരുന്നു. പരിക്കേറ്റ നാലുപേരുടെ നില ഇപ്പോഴും ഗുരുതരമായി തുടരുകയാണ്.
