അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ബാബു ജനാര്ദ്ദനന് തിരക്കഥ രചിച്ച് സംവിധാനം ചെയ്യുന്ന പുതിയ ചിത്രത്തില് ബോളിവുഡ് താരം ബബില് ഖാന് നായകനാകുന്നു. അന്തരിച്ച ബോളിവുഡ് നടന് ഇര്ഫാന് ഖാനിന്റെ മകന് കൂടിയാണ് ബബില് ഖാന്. അനില്കുമാര് ശിവദാസ് നിര്മ്മിക്കുന്ന ഈ ചിത്രത്തിന്റെ പൂജയും, ടൈറ്റില് ലോഞ്ചും മെയ് ഒമ്പത് ശനിയാഴ്ച്ച കൊച്ചിയില് നടക്കും. തൊണ്ണൂറുകളില് കേരളത്തിലേക്കു കുടിയേറിത്തുടങ്ങിയ ഭായിമാര് പിന്നീട് വലിയ രീതിയില് കേരളത്തിലെത്തി. അന്യ സംസ്ഥാന തൊഴിലാളികള് എന്നു വിളിച്ചു വരുന്ന ഇവര് ഇന്ന് നമ്മുടെ നാടിന്റെ നിര്ണ്ണായകമായ ഭാഗമായി മാറിയിരിക്കുന്നു.
ഇവരുടെ ജീവിതത്തെ കേന്ദ്രീകരിച്ചു കൊണ്ടാണ് ഈ ചിത്രത്തിന്റെ അവതരണം. ഇവര്ക്കിടയിലെ നാലു സുഹൃത്തുക്കളിലൂടെ രസകരവും ഒപ്പം ജീവിതഗന്ധിയായ മുഹൂര്ത്തങ്ങളിലൂടെ ക്ലീന് എന്റെര്ടൈനറായി അവതരിപ്പിക്കുകയാണ് ഈ ചിത്രം. അപര്ണ്ണാ ബാലമുരളിയും, അത്മീയയുമാണ് നായികാ നിരയിലുള്ളത്. ദീപക് പറമ്പോള്, ജഗദീഷ്, സുധീര് കരമന, ജോണി ആന്റെണി ദിനേശ് പ്രഭാകര്, ഉണ്ണിരാജാ, ജയശങ്കര്, എന്നിവരും പ്രധാന വേഷങ്ങളിലെത്തുന്നു.
സംഗീതം – നന്ദഗോപന്. വി
ഛായാഗ്രഹണം ഫാസില് നാസര് .
എഡിറ്റിംഗ് – സൂരജ് ഈ . എസ്
കലാസംവിധാനം – വിനോദ് പട്ടണക്കാടന് .
മേക്കപ്പ് – റഷീദ് അഹമ്മദ് .
ചീഫ് അസ്സോസ്സിയേറ്റ് ഡയറക്ടര്- സക്കീര് ഹുസൈന്.
ഡിസൈന്-തോട്ട് സ്റ്റേഷന്.
പ്രൊജക്റ്റ് ഡിസൈന്_ ഷംനാസ് എം അഷ്റഫ് .
പ്രൊഡക്ഷന് കണ്ട്രോളര്-ജോണ് കുടിയാന്മല.
മെയ് പത്തൊമ്പതിന് ജാര് ഖന്ധിലെ സിലിഗുരിയില് ചിത്രീകരണമാരം ഭിക്കുന്ന ഈ ചിത്രത്തിന്റെ ചിത്രീകരണം തുടര്ന്ന് കേരളത്തിലേക്കു ഷിഫ്റ്റ് ചെയ്യപ്പെടും. പെരുമ്പാവൂര് കൊച്ചി ഭാഗങ്ങളിലായാണ് കേരളത്തിലെ ചിത്രീകരണം. പി.ആര്.ഒ. വാഴൂര് ജോസ്.
