അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
സോഷ്യൽമീഡിയ താരം അലിൻ ജോസ് പെരേരയെ പ്രശംസിച്ച് നടൻ ടിനി ടോം. സ്വന്തമായി വഴിവെട്ടി വന്നവനാണ് അലിൻ ജോസ് എന്നും ഒരു ദിവസം അവൻ ഉണ്ടാക്കുന്നത് അയ്യായിരം രൂപയ്ക്കു മുകളിലാണെന്നും ടിനി പറയുന്നു. അലിന് ഉദ്ഘാടകനാകുന്ന ആശുപത്രിയുടെ പോസ്റ്റർ പങ്കുവച്ചായിരുന്നു നടന്റെ കുറിപ്പ്.
‘‘അലിൻ ജോസ് പെരേര യഥാർഥത്തിൽ സ്വന്തമായി വഴിവെട്ടി വന്നവൻ. …എന്നെ ഞെട്ടിച്ച പോസ്റ്റർ ആണിത് അലിൻ ജോസ് പെരേര. യഥാർഥത്തിൽ പഠിക്കേണ്ട ഒരു വിഷയമാണിത്. .2 വരി എനിക്ക് രേഖപ്പെടുത്തണം എന്ന് തോന്നി, പലരും പറയുമായിരിക്കും എനിക്ക് എന്താ വട്ടാണോ എന്ന്, പറയുന്നവർ പറയട്ടേ.
ഇവരെ കുറിച്ച് എഴുതാനും ആരെങ്കിലും വേണ്ടേ. ഞാൻ പറയാനുള്ളത് പറയാറുണ്ട്. പല സ്ഥലങ്ങളിലും അവസരം കിട്ടാതെ അവസാനം നമ്മുടെയൊക്കെ ഭാഷയിൽ പറയുന്ന കോപ്രായങ്ങൾ കാണിച്ചു കാണിച്ചു, ദാ ഇപ്പോൾ ഒരു ഹോസ്പിറ്റലിന്റെ ഉദ്ഘാടകൻ വരെ ആയിരിക്കുന്നു.
അലിനെ തെറി പറയുന്നവർ ഒന്നോർക്കുക, എന്റെ അന്വേഷണത്തിൽ ഇവൻ ഒരു ദിവസം കുറഞ്ഞത് 5000 രൂപയെങ്കിലും ഉണ്ടാക്കുന്നുണ്ട്. നിങ്ങളോ, ഒരു കല്യാണ വീട്ടിൽ വിളിച്ചിട്ട് ഒരു തെരുവ് നായയെപോലെ അപമാനിച്ചു ഇറക്കി വിടുന്നത് കണ്ടിട്ട് എന്റെ കണ്ണ് നിറഞ്ഞിട്ടുണ്ട്. അലിൻ ദേശ ദ്രോഹം ചെയ്തിട്ടുണ്ടോ ഏതെങ്കിലും മോഷ്ടിച്ചിട്ടുണ്ടോ, ആരെയെങ്കിലും പീഡിപ്പിച്ചിട്ടിണ്ടോ…
നിങ്ങൾക്ക് അവനെ ഇഷ്ടമല്ലെങ്കിൽ അവനെ കാണേണ്ട വേണെമെങ്കിൽ വിമർശിച്ചോളൂ, എന്തിനാണ് അവനെ ഉപദ്രവിക്കുന്നത് അവനും ഒരു ജീവിയല്ലേ. .ഭൂമിയുടെ അവകാശിയല്ലേ എന്തെങ്കിലും കാണിച്ചു ജീവിക്കട്ടേ. പക്ഷേ അവനും ലോകം അറിയുന്ന ഒരു സെലിബ്രിറ്റി ആയിരിക്കുന്നു, നിങ്ങളോ കുറേ കാലം കഴിഞ്ഞു തിരിഞ്ഞു നോക്കുമ്പോൾ പറഞ്ഞ തെറികൾ മാത്രമായിരിക്കും ബാക്കി ഉള്ള സമയം നിങ്ങൾ നിങ്ങളെ തെളിയിക്കാൻ ശ്രമിക്കൂ. മെറ്റാ എഐയിൽ അലിൻ ജോസ് പെരേര എന്ന് ടൈപ്പ് ചെയ്തു നോക്കൂ, യഥാർഥത്തിൽ ഒറ്റയ്ക്ക് വഴി വെട്ടി വന്നവൻ.’’–ടിനി ടോമിന്റെ വാക്കുകൾ.
