അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.സി.എം.ആര്.എല്-എക്സാലോജിക് സാമ്പത്തിക ഇടപാടുമായി ബന്ധപ്പെട്ട കള്ളപ്പണക്കേസില് പ്രതിപക്ഷനേതാവ് പിണറായി വിജയന്റെ മകള് ടി.വീണ എന്ഫോഴ്സ്മെന്റ് ഡയറക്ടറേറ്റിനു (ഇ.ഡി) മുന്നില് ചോദ്യം ചെയ്യലിന് ഹാജരായി. വീണയെ ഇ.ഡി വിശദമായി ചോദ്യം ചെയ്യും. ചോദ്യം ചെയ്യലിന് ഒടുവില് എന്തു സംഭവിക്കുമെന്നതാണ് ആകാംഷയോടെ കേരളം ഉറ്റുനോക്കുന്നത്. ഇ.ഡി തയ്യാറാക്കിയ ചോദ്യങ്ങള്ക്കെല്ലാം ഉത്തരമുണ്ടായാല് വീണയ്ക്ക് തിരിച്ചിറങ്ങാം. അതല്ല, ചോദ്യങ്ങള്ക്കെല്ലാം ഉത്തരമില്ലാതായാല് വീണയെ അറസ്റ്റ് ചെയ്യുമെന്നതാണ് നടപടി. തുടര്ന്ന് കോടതിയില് ഹാജരാക്കി ജാമ്യത്തില് വിടാം. എന്നാല്, ജാമ്യം കിട്ടുമോ എന്നതാണ് മറ്റൊരു ചോദ്യം.
ഈമാസം 12ന് കൊച്ചി ഓഫിസില് ചോദ്യംചെയ്യലിന് ഹാജരാകാന് ഇ.ഡി വീണയ്ക്കു നേരത്തെ നോട്ടിസ് നല്കിയിരുന്നു. ആരോഗ്യപ്രശ്നങ്ങള് കാണിച്ച് മെയില് അയച്ചതിനെ തുടര്ന്നാണ് ഇന്ന് ഹാജരാകാന് വീണ്ടും നോട്ടീസ് നല്കിയത്. വീണയുടെ ചോദ്യം ചെയ്യലിനെ തുടര്ന്ന് ശക്തമായ സുരക്ഷയാണ് ഇ.ഡി ഓഫിസില് ഒരുക്കിയിരിക്കുന്നത്. ഒരു സാമ്പത്തിക കുറ്റകൃത്യവുമായി ബന്ധപ്പെട്ട് ഇഡി. ഓഫീസില് പ്രതിയെ വിളിച്ചു വരുത്തി ചോദ്യം ചെയ്യുമ്പോള് അതിശക്തമായ സുരക്ഷ ഒരുക്കിയിരിക്കുന്നത് ആര്ക്കാണ് ?. ഇഡി.ക്കോ, അതോ ടി. വീണക്കോ. വീണയ്ക്കാണെങ്കില്, അതാണ് കേസില് വീണയുടെ അച്ഛന്റെയും അച്ഛന്റെ പാര്ട്ടിയുടെയും ഇടപെടല്.
പാര്ട്ടി ഇതുവെ സംരക്ഷിച്ചത് പിണറായി വിജയന് എന്ന പ1ാെളിറ്റ്ബ്യൂറോ അംഗത്തെയല്ല. അദ്ദേഹത്തിന്റെ മകളെയാണെന്ന് ഇതിലൂടെ വ്യക്തമായിരിക്കകുയാണ്. കാരണം, വീണയെ ചോദ്യം ചെയ്യാന് വിളിപ്പിച്ചപ്പോള്, പാര്ട്ടിക്കാര്ക്ക് വഴി തടയുകയോ, ഇ.ഡി. ഓഫീസ് ആക്രമിക്കുകയോ, മുട്ടി എറിയുകയോ ചെയ്യണ്ട. ചോദ്യം ചെയ്യല് നടക്കട്ടേയെന്ന നിലപാടിലേക്കെത്തി. എന്നാല്, അധികാരത്തിലിരിക്കുമ്പോള് കേന്ദ്രസര്ക്കാര് ഇ.ഡി.യെ ഉപയോഗിച്ച് പിണറായി വിജയനെ ആക്രമിക്കാന് ശ്രമിക്കുന്നു എന്നാണ് പാര്ട്ടി പറഞ്ഞിരുന്നത്. എ്തു വിലകൊടുത്തും അതിനെ ചെറുക്കുമെന്നു പറഞ്ഞവര് ഇപ്പോള് മൊനത്തിലായിരിക്കുന്നു.
അതോസമയം, സി.എം.ആര്.എല്-എക്സാലോജിക് കേസില് കരിമണല് കമ്പനിയുടെ ജോയിന്റ് മാനേജിങ് ഡയറക്ടര് ശരണ് എസ്.കര്ത്ത, മാനേജിങ് ഡയറക്ടര് എസ്.എന്.ശശിധരന് കര്ത്തയുടെ ഭാര്യയും സിഎംആര്എല്, എം.പവര് ഇന്ത്യ ക്യാപ്പിറ്റല് ഇന്വെസ്റ്റ്മെന്റ്സ് എന്നിവയുടെ ഡയറക്ടറുമായ ജയ എസ്.കര്ത്ത എന്നിവരെ ഇ.ഡി ഇന്നലെ ചോദ്യം ചെയ്തിരുന്നു. വീണ മാനേജിങ് ഡയറക്ടറായ എക്സാലോജിക് സൊല്യൂഷന്സ് സേവനമൊന്നും നല്കാതെ സിഎംആര്എല് കമ്പനിയില്നിന്നു 2.78 കോടി രൂപ കൈപ്പറ്റിയെന്നും ഇവരുടെ സഹോദര സ്ഥാപനത്തിന്റെ അക്കൗണ്ടില്നിന്ന് 50 ലക്ഷം രൂപ വായ്പയായി നേടിയെന്നുമാണ് ഇ.ഡിയുടെ കേസ്.
ഈ തുക കള്ളപ്പണനിരോധന നിയമപ്രകാരം ‘കുറ്റകൃത്യത്തിലൂടെ സമ്പാദിച്ച പണ’ത്തിന്റെ പരിധിയില് വരുമെന്നാണ് ഇ.ഡിയുടെ വാദം. പ്രതികളുടെ വീടുകളിലും സ്ഥാപനങ്ങളിലും ഇ.ഡി പരിശോധന നടത്തിയിരുന്നു. ഇ.ഡിയും സീരിയസ് ഫ്രോഡ് ഇന്വെസ്റ്റിഗേഷന് ഓഫിസും (എസ്.എഫ്.ഐ.ഒ) ഇതുവരെ സമാഹരിച്ച തെളിവുകളും മൊഴികളും വിശദമായി പരിശോധിച്ച ശേഷമാണ് ചോദ്യംചെയ്യല് നടപടിയിലേക്കു കടക്കുന്നത്. വീണ ഇന്ന് ഇഡിക്കുമുമ്പില് സമര്പ്പിക്കുന്ന രേഖകള്ക്ക് എത്രത്തോളം ബലമുണ്ടാകുമെന്ന് കണ്ടറിയണം. പാര്ട്ടിയെയം പ്രതിപക്ഷ നേതാവിനെയും ഒരുപോലെ പ്രതിരോധത്തിലാക്കുന്ന നടപടി കൂടിയാണ് ടി. വീണയെ ചോദ്യം ചെയ്യാന് വീളിപ്പിച്ചത്. ഇനി അറസ്റ്റു കൂടി നടന്നാല്, കേസ് മറ്റൊരു തലത്തിലേക്കു മാറും.
