അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.പപ്പടത്തിനും, സാമ്പാറിനും അടിയുണ്ടാക്കുന്ന ഒരു നാടുണ്ട് കേരളത്തില്. അത് കൊല്ലമാണ്. എന്നാല്, കൊല്ലത്തു മാത്രമേ ഇങ്ങനെയൊക്കെ സംഭവിക്കൂ എന്ന് ചിന്തിച്ചാല് തെറ്റിപ്പോകും. കാരണം, എല്ലായിടത്തും ഭക്ഷണത്തിനു വേണ്ടിയുള്ള ഒറ്റപ്പെട്ടതും കൂട്ടമായുള്ള തല്ലും നടക്കുന്നുണ്ട്. വയനാട്ടില് മധു എന്ന ആദിവായിസെ കൂട്ടം ചേര്ന്ന് തല്ലിക്കൊന്നതും കേരളത്തിലാണ്. അപ്പോള് ഭക്ഷണത്തിനുള്ള കൂട്ടത്തല്ല് കൊല്ലത്തിന്റെ മാത്രം സ്വത്തല്ല. മലപ്പുറത്തെ കുറ്റിപ്പുറത്ത് ഇന്നലെ ഒരു കൂട്ടത്തല്ലുണ്ടായി. അത് കുറ്റിപ്പുറത്തുള്ള ‘ചോറും മീനും’ എന്ന ഹോട്ടലില് ആയിരുന്നു. കൂട്ടത്തല്ലില് ചോറുണ്ണാന് കയറിയവരും, ചോറുണ്ടുകൊണ്ടിരുന്നവരുമെല്ലാം മീന്കറിില് കുളിച്ചു. തല്ല് രൂക്ഷമായതോടെ പോലീസും വന്നു. ഹോട്ടല് ജീവനക്കാരും പ്രവാസികള് എന്നവകാശപ്പെട്ട ഒരു കൂട്ടം ചെറുപ്പക്കാരും തമ്മിലായിരുന്നു സംഘട്ടനം. മീന് കറിക്കും വറുത്തതിനും വിലകൂടുതല് എന്നതായിരുന്നു വിഷയം.
സംഭവം ഇങ്ങനെ
അവിടെ ഭക്ഷണം കഴിക്കാന് കയറിയ ഒരു കൂട്ടം യുവാക്കള് (ഭൂരിഭാഗവും പ്രവാസികളാണ്, ലീവിന് വന്നവരാണ് എന്നും പറയുന്നുണ്ട്) ഭക്ഷണം കഴിച്ചു കൊണ്ടിരിക്കുമ്പോള് തന്നെയാണ് മീനിന്റെ വിലയെ ചൊല്ലി തര്ക്കം നടക്കുന്നതും സപ്ലയറുടെ കോളറിനു കയറി പിടിക്കുന്നതും. മീനിന്റെ വില മീന് തരുമ്പോള് 200 എന്ന് പറഞ്ഞ, പിന്നെ 300 ആക്കി എന്നതാണ് ഇന്നലെ നടന്ന അടിയുടെ കാരണമായി പറയപ്പെടുന്നത്. ആദ്യം ഭക്ഷണം കഴിട്ടു കൊണ്ടിരുന്ന ഒരു ടേബിളില് നിന്നം ബില്ല് ഉയര്ത്തിക്കാട്ടി ഒരാള് വെയിറ്ററോട് ചോദിക്കുന്നുണ്ട്. അത് പരസ്പരം ചര്ച്ച ചെയ്ത് വീണ്ടും സമാധാനമായി കഴിക്കുന്നു. കുറച്ചു കഴിഞ്ഞ് വീണ്ടും ഭക്ഷണം കഴിക്കുന്നയാള് വെയിറ്ററോട് ചൂടായി സംസാരിച്ച് എഴുന്നേല്ക്കുന്നു. അപ്പോള് ഹോട്ടലിലെ മറ്റുള്ളവര് വന്ന് സമാധാനപ്പെടുത്തി ഇരുത്തുന്നു. കുറച്ചു നേരം കഴിഞ്ഞതും വെയിറ്ററുമായി ഭക്ഷണം കഴിക്കാനെത്തിയ ആ സംഘം കൈയ്യാങ്കളിയിലേക്ക് നീങ്ങുന്നു. തുടര്ന്ന് ഹോട്ടല് ജീവനക്കാരും ഭക്ഷണം കഴിക്കാനെത്തിയവരും തമ്മില് കൂട്ടത്തല്ലുണ്ടാകുന്നു. ഇതുമായി ബന്ധപ്പെട്ട് പോലീസ് സ്റ്റേഷനില് നിന്ന് രാത്രി പ്രതികരിച്ച ബ്ലോക്ക് പഞ്ചായത്ത് അംഗം അഷ്റഫ് തന്നെ പറഞ്ഞത് ഒരുകൂട്ടം മദ്യപാനികള് ആ ഹോട്ടലില് കയറി അടിയുണ്ടാക്കി എന്നാണ്. കൂടാതെ വ്യാപാരി വ്യവസായി നേതാവു ജൗഹര് എന്നയാളും സമാനമായ അഭിപ്രായമാണ് ഈ വിഷയത്തെക്കുറിച്ച് പറഞ്ഞത്.
