അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.എംബിബിഎസ് വിദ്യാർഥികളുടെ ആത്മഹത്യ കൂടുതൽ കേരളത്തിൽ. നാഷണൽ മെഡിക്കൽ കമ്മീഷന്റെ കണക്ക് പ്രകാരം 2022 വരെയുള്ള അഞ്ച് വർഷത്തിനിടെ കേരളത്തിൽ ആത്മഹത്യ ചെയ്തത് 9 വിദ്യാർഥികൾ. രാജ്യത്താകമാനം 64 എംബിബിഎസ് വിദ്യാർഥികളും 58 ബിരുദാനന്തര മെഡിക്കൽ വിദ്യാർഥികളും ആത്മഹത്യ ചെയ്തതായാണ് കണക്ക്. പ്രശ്നപരിഹാരത്തിനായി എൻഎംസി ടാസ്ക് ഫോഴ്സ് രൂപീകരിച്ചു.
ആശങ്കപ്പെടുത്തുന്ന കണക്കുകളാണ് നാഷണൽ മെഡിക്കൽ കമ്മീഷൻ പുറത്തുവിട്ടിട്ടുള്ളത്. 2018നും 22നും ഇടയിൽ രാജ്യത്ത് ആത്മഹത്യ ചെയ്തത് 122 മെഡിക്കൽ വിദ്യാർഥികൾ. ഇതിൽ 64 എംബിബിഎസ് വിദ്യാർഥികൾ. 9 ആത്മഹത്യകൾ റിപ്പോർട്ട് ചെയ്യപ്പെട്ട കേരളമാണ് പട്ടികയിൽ ആദ്യം. തൊട്ട് താഴെ തമിഴ്നാട്, 8 ആത്മഹത്യകൾ. അഞ്ച് ആത്മഹത്യകൾ വീതം കർണാടക, ആന്ധ്രാപ്രദേശ്, ഗുജറാത്ത്, രാജസ്ഥാൻ എന്നീ സംസ്ഥാനങ്ങളിൽ ഉണ്ടായി.
58 ബിരുദാനന്തര മെഡിക്കൽ വിദ്യാർഥികളാണ് കഴിഞ്ഞ അഞ്ചു വർഷത്തിനിടെ ജീവിതവസാനിപ്പിച്ചത്. കർണാടക മഹാരാഷ്ട്ര സംസ്ഥാനങ്ങളിൽ 11 വീതവും ഗുജറാത്തിൽ 9 ഉം രാജസ്ഥാനിൽ 6 ഉം ആത്മഹത്യകൾ റിപ്പോർട്ട് ചെയ്തു. കേരളത്തിൽ ഒരു കേസ് മാത്രമാണ് റിപ്പോർട്ട് ചെയ്യപ്പെട്ടിട്ടുള്ളത്. കഴിഞ്ഞ അഞ്ച് വർഷത്തിനിടെ 153 എംബിബിഎസ് വിദ്യാർഥികളും 1,117 ബിരുദാനന്തര മെഡിക്കൽ വിദ്യാർഥികളും പഠനം പകുതിയിൽ ഉപേക്ഷിച്ചു. കൊഴിഞ്ഞു പോക്ക് കൂടുതൽ മഹാരാഷ്ട്രയിലും കർണാടകയിലും.
പഠനഭാരം, ജോലിഭാരം, ഉത്കണ്ഠ, പിന്തുണക്കുറവ്, ജീവിതസാഹചര്യങ്ങൾ തുടങ്ങിയവയാണ് ആത്മഹത്യയിലേക്ക് നയിക്കുന്നത് എന്നും മാനസിക സമ്മർദ്ദത്തിലൂടെ കടന്നുപോകുന്ന വിദ്യാർഥികൾക്ക് പിന്തുണയും സംരക്ഷണവും അടിയന്തരമായി നൽകേണ്ടതുണ്ടെന്നുമാണ് വിദഗ്ധരുടെ വിലയിരുത്തൽ. ഇതിന്റെ അടിസ്ഥാനത്തിലാണ് നാഷണൽ മെഡിക്കൽ കമ്മീഷൻ ടാസ്ക് ഫോഴ്സ് രൂപീകരിച്ചിട്ടുള്ളത്. പരിഹാര നിർദ്ദേശങ്ങൾ ഉൾപ്പെടുന്ന റിപ്പോർട്ട് മെയ് 31നകം ടാക്സ് ഫോഴ്സ് എൻഎംസിക്ക് സമർപ്പിക്കും.
Read more :
- മുഖ്യമന്ത്രിയും മന്ത്രിയും നേരിട്ട വിവേചനവും ജാതിയില്ലെന്ന അന്ധവിശ്വാസവും; വിവേചനരഹിത ദിനത്തിലെ ചില ഓർമ്മപ്പെടുത്തലുകൾ
- സംസ്ഥാനത്ത് ഇന്ന് ഉയർന്ന താപനില മുന്നറിയിപ്പ്; 12 ജില്ലകളിൽ യെല്ലോ അലർട്ട്
- റഷ്യയിലേക്ക് കടന്നുകയറാൻ ശ്രമിക്കുന്നവർ ഗുരുതര പ്രത്യാഘാതം ഓർക്കണം; വ്ളാഡിമിർ പുടിൻ
- അലക്സി നവൽനിയുടെ സംസ്കാരം ഇന്ന് മോസ്കോയിൽ നടക്കും
- റിയാസ് മൗലവി വധക്കേസിൽ വിധി പറയുന്നത് മാർച്ച് ഏഴിലേക്ക് മാറ്റി
അന്വേഷണം വാർത്തകൾ വാട്ട്സപ്പിൽ ലഭിക്കാൻ ഇവിടെ ക്ലിക്ക് ചെയ്യൂ
