അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കൊച്ചി: ഇടതുപക്ഷത്തിനെതിരെ കേരളത്തിൽ മത്സരിക്കണോ വേണ്ടയോ എന്നു തീരുമാനിക്കേണ്ടത് രാഹുൽ ഗാന്ധിയാണെന്ന് മന്ത്രി പി.രാജീവ്. ബിജെപിക്കെതിരായ പോരാട്ടത്തിൽ എന്നും മുന്നില് നിൽക്കുന്നത് ഇടതുപക്ഷമാണ്. ആ ഇടതുപക്ഷത്തിനെതിരെയാണോ താൻ മത്സരിക്കേണ്ടത് എന്നാണ് രാഹുൽ ഗാന്ധി ആലോചിക്കേണ്ടത്. കോൺഗ്രസിന് ഒരു കാര്യത്തിലും സ്വന്തമായി നയമില്ലെന്നും മന്ത്രി ആരോപിച്ചു. കൊച്ചിയിൽ മാധ്യമപ്രവർത്തകരോടു സംസാരിക്കുകയായിരുന്നു അദ്ദേഹം.
കേന്ദ്ര സർക്കാരും ബിജെപിയും കേരള വിരുദ്ധ നിലപാട് സ്വീകരിക്കുമ്പോൾ സംസ്ഥാനത്ത് അതിന്റെ വക്താക്കളാവുകയാണു കോൺഗ്രസ്. വളഞ്ഞിട്ടാക്രമിച്ചിട്ടും ആരാണു കേരളത്തിനൊപ്പം നിൽക്കുന്നതെന്നു ജനങ്ങൾക്കു മനസ്സിലായതുകൊണ്ടാണ് തദ്ദേശ ഉപതിരഞ്ഞെടുപ്പിൽ എൽഡിഎഫ് മികച്ച വിജയം നേടിയതെന്നു മന്ത്രി ചൂണ്ടിക്കാട്ടി.
യുഡിഎഫിന്റെ 18 എംപിമാർ കേരളത്തിനു വേണ്ടി ഒരിക്കലും സംസാരിച്ചിട്ടില്ല. കെ റെയില് പദ്ധതിക്കെതിരെയും ശബരിമല വിഷയത്തിലുമൊക്കെയാണ് അവർ ഗാന്ധി പ്രതിമയ്ക്കു മുന്നില് സമരമിരുന്നത്. കേരളത്തെ മുന്നോട്ടു കൊണ്ടുപോകാൻ ഇടതുപക്ഷം മാത്രമേയുള്ളൂ എന്നു ജനങ്ങൾ തിരിച്ചറിഞ്ഞു എന്നതാണ് ഉപതിരഞ്ഞെടുപ്പ് ഫലം തെളിയിക്കുന്നതെന്നും അദ്ദേഹം പറഞ്ഞു.
യുഡിഎഫ് ഒരു മുന്നണിയെന്ന നിലയിലും കോൺഗ്രസ് ഒരു പാർട്ടി എന്ന നിലയിലും വലിയ പ്രതിസന്ധി അനുഭവിക്കുകയാണ്. അതിലെ ഏറ്റവും വലിയ ഘടകകക്ഷിയായിരുന്ന കേരള കോൺഗ്രസ് ഇന്ന് അവർക്കൊപ്പമില്ല. ഒരു ചെറിയ കക്ഷ്ണം മാത്രമേ കൂടെയുള്ളൂ. ബാക്കിയുള്ളത് ലീഗാണ്. അതായത്, ലീഗാണ് യുഡിഎഫിനെ നിലനിർത്തുന്നത്. മൂന്നിലൊന്നു സീറ്റ് ഉണ്ടായിട്ടും മൂന്നാമതൊരു സീറ്റിനു വേണ്ടി കേഴേണ്ടി വരുന്ന അവസ്ഥയാണു ലീഗിനുള്ളത്. ലീഗ് സ്വന്തമായി വിജയിക്കുക മാത്രമല്ല, പല മണ്ഡലങ്ങളിലും കോൺഗ്രസ് ജയിക്കുന്നത് ലീഗിന്റെ കൂടി വോട്ടു കൊണ്ടാണ്. എന്നിട്ടും ഇതാണ് ആ പാർട്ടിയുടെ അവസ്ഥ. യുഡിഎഫ് വിടണോ സ്വതന്ത്രമായി നിൽക്കണോ എന്ന് ലീഗാണ് തീരുമാനിക്കേണ്ടതെന്നും രാജീവ് പറഞ്ഞു.
Read more…
- സത്യനാഥന്റെ കഴുത്തിലും നെഞ്ചിലും വെട്ടേറ്റു, ആഴത്തില് ആറ് മുറിവുകള്; കൊലയ്ക്കുപയോഗിച്ച കത്തി കണ്ടെത്തി
- പി.കെ.കുഞ്ഞനന്തൻ ജയിലിൽ ഭക്ഷ്യവിഷബാധയേറ്റ് മരിച്ചത് അന്വേഷിക്കണം; എവിടെ പോയി നില്ക്കുമെന്ന് എല്ലാവര്ക്കും അറിയാം: വി.ഡി.സതീശൻ
- പ്ലസ് വൺ പുസ്തകത്തിലെ ഭരണഘടനാവിരുദ്ധത തിരുത്തും; പിശക് ശ്രദ്ധയിൽപ്പെട്ടത് ഇപ്പോൾ: മന്ത്രി വി ശിവൻകുട്ടി
- ലോക്സഭാ തിരഞ്ഞെടുപ്പിന് മുന്നോടിയായി ഒരുക്കങ്ങൾ വിലയിരുത്തി തിരഞ്ഞെടുപ്പ് കമ്മീഷൻ
- ഞങ്ങളുടെ നേതാവ് രാഹുൽ ഗാന്ധി : അഭ്യൂഹങ്ങൾക്ക് വിരാമമിട്ട് കൊണ്ട് കമൽ നാഥ്
