മാഡ്രിഡ് : ഹെലികോപ്റ്ററുമായി യുക്രെയിനിലേക്ക് കടന്ന റഷ്യന്‍ പൈലറ്റ് സ്‌പെയിനില്‍ വെടിയേറ്റു മരിച്ചനിലയില്‍. മാക്‌സിം കസ്മിനോവ് (28) ആണു കൊല്ലപ്പെട്ടത്. റഷ്യയില്‍ രാജ്യദ്രോഹ കുറ്റത്തിനു ഇയാള്‍ക്കെതിരെ ക്രിമിനല്‍ കേസുണ്ടായിരുന്നു. മരണ കാരണം വ്യക്തമാക്കിയിട്ടില്ല.
കഴിഞ്ഞ ആഴ്ച തെക്കന്‍ സ്‌പെയിനിലെ വില്ലാജൊയോസ പട്ടണത്തിലെ ഭൂഗര്‍ഭ ഗ്യാരേജിലാണു ശരീരമാസകലം വെടിയുണ്ടകള്‍ തറച്ചനിലയില്‍ മാക്‌സിം കസ്മിനോവിന്റെ മൃതദേഹം കണ്ടെത്തിയത്.
കഴിഞ്ഞ ഓഗസ്റ്റിലാണ് റഷ്യന്‍ വ്യോമ കേന്ദ്രത്തിലേക്ക് പോകേണ്ട എംഐ8 ഹെലികോപ്റ്ററുമായി മാക്‌സിം യുക്രെയിനില്‍ എത്തിയത്. ഇതിന് ശേഷം മറ്റൊരു പേരില്‍ യുക്രെയിന്‍ പാസ്‌പോര്‍ട്ടുമായി ഇയാള്‍ സ്‌പെയിനില്‍ കഴിയുകയായിരുന്നു.
Read more :