അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
തിരുവനന്തപുരം: ബജറ്റിൽ സി.പി.ഐ വകുപ്പുകളോടുള്ള അവഗണനയിൽ സി.പി.ഐ സംസ്ഥാന കൗൺസിലിൽ രൂക്ഷവിമർശനം. ബജറ്റിൽ സപ്ലൈകോയെ തീർത്തും അവഗണിച്ചെന്നും പാർട്ടി വകുപ്പുകളോട് ഭിന്നനയമെന്നും വിമർശനം.
മുഖ്യമന്ത്രിക്ക് കത്തെഴുതി ഭക്ഷ്യമന്ത്രിയുടെ കൈ തെളിഞ്ഞെന്ന് സംസ്ഥാന കൗണ്സില് അംഗവും ഭക്ഷ്യ മന്ത്രി ജി.ആര് അനിലിന്റെ ഭാര്യയുമായ ആര് ലത ദേവി പരിഹസിച്ചു. മുഖ്യമന്ത്രിക്ക് ആഡംബരത്തിനും ധൂര്ത്തിനും കുറവില്ല. മുഖ്യമന്ത്രിയുടെ കാലിത്തൊഴുത്തിനും പശുക്കള്ക്ക് പാട്ടു കേള്ക്കാനും കോടികള് ചിലവിടുന്നെന്ന് വി.പി ഉണ്ണികൃഷ്ണന് കുറ്റപ്പെടുത്തി.
ആലോചനയില്ലാതെ തയ്യാറാക്കിയതാണ് സംസ്ഥാന ബജറ്റ്. ഈ സര്ക്കാരിനെ അധികാരത്തില് വരാന് സഹായിച്ച സപ്ലൈക്കോയെ ബജറ്റില് തീര്ത്തും അവഗണിച്ചു. മുന്കാലത്തെ പോലെ ബജറ്റ് തയ്യാറാക്കുമ്പോള് വേണ്ട കൂടിയാലോചനകള് ഇപ്പോള് നടക്കുന്നില്ല. ഭിന്നനയമാണ് പാര്ട്ടി വകുപ്പുകളോടുള്ളതെന്നും സംസ്ഥാന കൗണ്സിലില് അംഗങ്ങള് വിമര്ശിച്ചു.
വിമർശനം കടുത്തതോടെ സംസ്ഥാന സെക്രട്ടറി ബിനോയ് വിശ്വം ഇടപെട്ടു. അനാവശ്യ ചർച്ചയിലേക്ക് പോകരുതെന്നും ബിനോയ് വിശ്വം പറഞ്ഞു. ഭക്ഷ്യവകുപ്പിന് ബജറ്റിൽ തുക അനുവദിക്കാത്തതിൽ മുഖ്യമന്ത്രിയും വിമർശനമുന്നയിച്ചിരുന്നു. വിദേശ സർവകലാശാല മുന്നണിയുടെ നയവ്യതിയാനമാണെന്നും വിഷയം എൽ.ഡി.എഫിൽ ഉന്നയിക്കണമെന്ന ആവശ്യവും യോഗത്തിൽ ഉയർന്നു.
കടുത്ത സാമ്പത്തിക പ്രതിസന്ധിയിലൂടെയാണ് സിവിൽ സപ്ലൈസ് വകുപ്പ് മുന്നോട്ടുപോകുന്നത്. അവശ്യസാധനങ്ങൾ ലഭ്യമാകുന്നില്ലെന്ന പരാതി തുടർച്ചയായി വകുപ്പ് നേരിടുന്നുണ്ട്. അതുകൊണ്ടുതന്നെ ബജറ്റിൽ കാര്യമായ പ്രഖ്യാപനങ്ങൾ ഭക്ഷ്യവകുപ്പ് പ്രതീക്ഷിച്ചിരുന്നു.
സി.പി.ഐയുടെ മറ്റ് മൂന്ന് വകുപ്പുകളുടെയും അവസ്ഥ ഇത് തന്നെയായിരുന്നു. കടുത്ത പ്രതിഷേധമുണ്ടെങ്കിലും ലോക്സഭാ തെരഞ്ഞെടുപ്പ് മുന്നിൽനിൽക്കുമ്പോൾ അത് പൊതുസമൂഹത്തിനുമുന്നിൽ ഉയർത്താൻ സി.പി.ഐ തയ്യാറായിരുന്നില്ല. അതിനിടെയാണ് സംസ്ഥാന നേതൃയോഗത്തിൽ വിമർശനമുയർന്നത്.
Read more :
. പുതിയ കിയ സെൽറ്റോസിൻ്റെ ബുക്കിംഗുകൾ ഒരു ലക്ഷം കടന്നു.
. കാര് ഹോസ്റ്റിങ് രംഗത്തെ പുനര്നിര്വചിക്കാന് കാര്സ്24-സൂം കാര് സഹകരണം
. രാജ്യത്ത് വൈദ്യുതവാഹനങ്ങളുടെ വില്പനയിൽ 49.25 ശതമാനം വര്ധനവ്
