അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഉച്ച സമയത്തെ ഊണും, മയക്കവുമൊക്കെ കഴിഞ്ഞു എഴുന്നേൽക്കുമ്പോൾ ചെറിയൊരു വിശപ്പ് വരും. അപ്പോഴേക്കും ഒരു ചായയും, കൂടെ കഴിക്കാൻ എന്തെങ്കിലുമൊരു പലഹാരവും എല്ലാവര്ക്കും നിര്ബന്ധമാണ്. ഇതാ അവൽ വച്ച് രുചിയുള്ളൊരു ലഡു തയാറാക്കാം
അവൽ ലഡ്ഡു ഉണ്ടാക്കുന്ന വിധം
ഒരു പാൻ അല്ലെങ്കിൽ ഒരു ചെറിയ കടായി ചൂടാക്കുക. തീ താഴ്ത്തി അതിൽ 1 കപ്പ് കട്ടിയുള്ള അവൽ ചേർക്കുക. ചുവന്ന പോഹയും ഉപയോഗിക്കാം.
ചെറിയ തീയിൽ, അവല്‍ വറുക്കുക. ഇടയ്ക്കിടെ ഇളക്കുക. അവല്‍ കരിഞ്ഞു പോകാതെ എന്നാല്‍ നന്നായി മൊരിഞ്ഞു വരുന്ന രീതിയില്‍ വേണം ഇളക്കാന്‍.
വറുത്ത അവല്‍ ഒരു ഗ്രൈൻഡർ ജാറിലേക്ക് ഇടുക. ഇതിലേക്ക് ⅓ കപ്പ് ശർക്കരപ്പൊടി അല്ലെങ്കിൽ ശർക്കര ചേർക്കുക. എന്നിട്ട് പുട്ടുപൊടി/ സൂചി റവ പരുവത്തില്‍ പൊടിച്ചെടുക്കുക. ശേഷം നന്നായി ഉണങ്ങിയ ഒരു പാത്രത്തിലേക്ക് മാറ്റുക.
ഒരു ചെറിയ ഫ്രയിംഗ് പാനിൽ 1 ടേബിൾസ്പൂൺ നെയ്യ് ചൂടാക്കുക. ഇതിലേക്ക് കുറച്ച് കശുവണ്ടി ചേര്‍ത്ത്, ഇളം തവിട്ട് നിറമാകുന്നത് വരെ വറുക്കുക. അതിനുശേഷം, 1 ടേബിൾസ്പൂൺ ഉണക്കമുന്തിരിയും ¼ ടീസ്പൂൺ ഏലക്കാപ്പൊടിയും ചേർത്ത് ഇളക്കുക.
നര മാറാൻ ഇതിലും മികച്ച വഴിയില്ല; വീട്ടിൽ തയാറാക്കി നോക്കു
ഈ തോരൻ കഴിച്ചാൽ മതി വണ്ണം താനെ കുറയും
ആഹാരം കഴിച്ചാലുടനെ ദഹന പ്രശ്നങ്ങളുണ്ടാകുന്നുണ്ടോ? ഈ ഭക്ഷണം ശീലമാക്കൂ
എത്ര കഴിച്ചാലും മടുക്കില്ല: ഇന്നത്തെ നാലു മണി പലഹാരം ഇങ്ങനെ ഉണ്ടാക്കിയാലോ?
കുതിർത്തു വയ്‌ക്കേണ്ട, സമയം കളയണ്ട: അരിപ്പൊടി കൊണ്ട് വേഗത്തിലുണ്ടാക്കാം ചിരട്ടയപ്പം
നേരത്തെ പൊടിച്ചു വച്ച അവല്‍- ശര്‍ക്കര പൊടിയിലേക്ക്, ഈ ഫ്രയിംഗ് പാനിലുള്ള നെയ്യും കശുവണ്ടിയും മുന്തിരിയുമെല്ലാം ഒഴിക്കാം. ഇത് ഒരു സ്പൂൺ കൊണ്ട് നന്നായി ഇളക്കുക.തണുക്കാൻ അനുവദിക്കുക. അതിനുശേഷം,2 ടേബിൾസ്പൂൺ നെയ്യ് ചേർക്കുക. വീണ്ടും ഇളക്കുക. ഇതിലേക്ക് 1 ടേബിൾസ്പൂൺ പാൽ ചേർക്കുക.
ഇത് ലഡ്ഡുവിന്‍റെ ആകൃതിയില്‍ നന്നായി ഉരുട്ടിഎടുക്കാം. പൊടിഞ്ഞു പോകുന്നുണ്ടെങ്കില്‍ വീണ്ടും നെയ്യ് ചേര്‍ക്കാം. ഇങ്ങനെ ഉണ്ടാക്കിയെടുത്ത ലഡ്ഡു അപ്പപ്പോള്‍ കഴിക്കുകയോ അല്ലെങ്കിൽ ഒരു കണ്ടെയ്നറിൽ സൂക്ഷിച്ച് ഫ്രിഡ്ജിൽ വയ്ക്കുകയോ ചെയ്യാം.
