അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.വെസ്റ്റ് ബാങ്ക്: അധിനിവേശ വെസ്റ്റ് ബാങ്കിലെ ജെനിൻ നഗരത്തിലെ ആശുപത്രിയിൽ ഡോക്ടർമാരുടെയും ആരോഗ്യപ്രവർത്തകരുടെയും വേഷം ധരിച്ചെത്തിയ ഇസ്രായേൽ സൈനികർ മൂന്ന് ഫലസ്തീനികളെ വെടിവെച്ച് കൊന്നു. സംഭവത്തിന്‍റെ വിഡിയോ ദൃശ്യങ്ങൾ സമൂഹമാധ്യമങ്ങളിൽ പ്രചരിച്ചു.
ജെനിനിലെ ഇബ്നു സിന ആശുപത്രിയിലാണ് ഇസ്രായേൽ സൈന്യം കൊലപാതകം നടത്തിയത്. പത്തിലേറെ ഇസ്രായേൽ സൈനികർ ഡോക്ടർമാരുടെയും മെഡിക്കൽ സംഘത്തിന്‍റെയും വേഷത്തിലെത്തുന്നതും തോക്കുകൾ പുറത്തെടുത്ത് വെടിയുതിർക്കുന്നതും സിസിടിവി ദൃശ്യങ്ങളിൽ കാണാം.
ഇന്ന് രാവിലെ അധിനിവേശ സേനയുടെ വെടിയുണ്ടകളിൽ മൂന്ന് യുവാക്കൾ വീരമൃത്യു വരിച്ചു, അവർ ജെനിനിലെ ഇബ്ൻ സിന ഹോസ്പിറ്റലിൽ അതിക്രമിച്ച് കയറി അവരെ വെടിവച്ചു,” റാമല്ലയിലെ ആരോഗ്യ മന്ത്രാലയം പറഞ്ഞു.
Watch: Israeli commandos disguised as #Palestinians carry out an operation in Ibn Sina hospital in West Bank’s Jenin. Israeli military said three #Hamas militants were killed by the undercover unit. #Israel #Palestine
Read more: https://t.co/J9pFeFtXJg pic.twitter.com/y4t1qZBGVf
— Al Arabiya English (@AlArabiya_Eng) January 30, 2024
ആശുപത്രിയിൽ ഒളിച്ചിരുന്ന, “ഹമാസ് തീവ്രവാദി സെല്ലിൽ” പെട്ടവരെ തങ്ങളുടെ സൈന്യം “നിർവീര്യമാക്കിയതായി” ഇസ്രായേൽ സൈന്യം പറഞ്ഞു.ഓൺലൈനിൽ പ്രചരിച്ച സെക്യൂരിറ്റി ക്യാമറ ഫൂട്ടേജുകൾ, സ്ത്രീകളുടെ വസ്ത്രം ധരിച്ച മൂന്ന് പേരും മെഡിക്കൽ സ്റ്റാഫിൻ്റെ വേഷം ധരിച്ച രണ്ടുപേരും ഉൾപ്പെടെ ഒരു ഡസനോളം രഹസ്യാന്വേഷണ ഉദ്യോഗസ്ഥർ ആശുപത്രിയുടെ ഇടനാഴിയിലൂടെ ആക്രമണ റൈഫിളുകളുമായി സഞ്ചരിക്കുന്നത് കാണാം.
കൊല്ലപ്പെട്ടവരിൽ ഒരാളെ മുഹമ്മദ് ജലാംനെ (27) ആണെന്ന് ഇസ്രായേൽ സൈന്യം തിരിച്ചറിഞ്ഞു, ആസന്നമായ ആക്രമണത്തിന് പദ്ധതിയിട്ടിരുന്നതായും ആയുധങ്ങളും വെടിക്കോപ്പുകളും മറ്റ് അംഗങ്ങൾക്ക് കൈമാറുന്നതായും അവർ അവകാശപ്പെട്ടു. കൊല്ലപ്പെട്ട മറ്റ് രണ്ട് പേർ, സഹോദരന്മാരായ ബേസിൽ, മുഹമ്മദ് ഗസാവി എന്നിവർ ആശുപത്രിക്കുള്ളിൽ ഒളിച്ചിരിക്കുകയാണെന്നും ആക്രമണത്തിൽ ഏർപ്പെട്ടിരുന്നുവെന്നും സൈന്യം ആരോപിച്ചു.
READ ALSO…ബിഹാറിലെ സാമൂഹിക നീതി ഉറപ്പാക്കാൻ നിതീഷ് കുമാറിന്റെ ആവശ്യമില്ല; രാഹുൽ ഗാന്ധി
ഫലസ്തീൻ അധികൃതരുടെ ഭാഗത്തുനിന്ന് കൊല്ലപ്പെട്ടവരെ കുറിച്ചുള്ള വിശദാംശങ്ങൾ ലഭ്യമായിട്ടില്ല. മൂന്ന് പേർ കൊല്ലപ്പെട്ട കാര്യം ‘വോയിസ് ഓഫ് ഫലസ്തീൻ’ റേഡിയോ സ്ഥിരീകരിച്ചു.അതേസമയം, ഗസ്സയിലും അതിക്രൂരമായ നരവേട്ട ഇസ്രായേൽ തുടരുകയാണ്. ഇന്നലെ മാത്രം 114 ഫലസ്തീനികളാണ് കൊല്ലപ്പെട്ടത്. 249 പേർക്ക് പരിക്കേൽക്കുകയും ചെയ്തു. ഇതോടെ ഗസ്സയിൽ ആകെ കൊല്ലപ്പെട്ടവരുടെ എണ്ണം 26,751 ആയി. പരിക്കേറ്റവരുടെ എണ്ണം 65,636ഉം ആയി.
