അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സ്ഥിരമായി കഫക്കെട്ട് ഉള്ളവര്‍ നമ്മള്‍ക്കിടയില്‍ തന്നെയുണ്ട്. ചിലര്‍ക്ക് കഫക്കെട്ട് വന്ന് കഴിഞ്ഞാല്‍ അത് മാറ്റി എടുക്കാന്‍ വളരെ ബുദ്ധിമുട്ടായിരിക്കും. അതുപോലെ, ചിലര്‍ക്കാണെങ്കില്‍ ഇടയ്ക്കിടയ്ക്ക് കഫക്കെട്ട് വരുന്നതും കാണാം.
ഇത്തരത്തില്‍ കഫക്കെട്ട് വരുന്ന പ്രശ്‌നങ്ങള്‍ നിങ്ങള്‍ക്ക് ഉണ്ടെങ്കില്‍ നിങ്ങള്‍ക്ക് ഇത് മാറ്റി എടുക്കാന്‍ നിങ്ങളുടെ രോഗപ്രതിരോധശേഷി വര്‍ദ്ധിപ്പിക്കേണ്ടത് അനിവാര്യമായിട്ടുള്ള കാര്യമാണ്. ഇതിനായി നിങ്ങള്‍ക്ക് പ്രത്യേകം മരുന്നൊന്നും തയ്യാറാക്കി ബുദ്ധിമുട്ടേണ്ട ആവശ്യമില്ല.
പതിവായി കുടിക്കുന്ന ചായയില്‍ ഈ ചേരുവകള്‍ ചേര്‍ത്താല്‍ മതി. കഫക്കെട്ടും ചുമയുമെല്ലാം എന്നന്നേക്കുമായി നിങ്ങള്‍ക്ക് ഇല്ലാതാക്കാം.
തുളസി
നിരവധി ഔഷധ ഗുണങ്ങളാല്‍ സമ്പന്നമാണ് തുളസി. ശ്വാസകോശസംബന്ധമായ ആരോഗ്യ പ്രശ്‌നങ്ങള്‍ കുറയ്ക്കുന്നതിനും അതുപോലെ തന്നെ കഫക്കെട്ട് കുറയ്്ക്കാനും തുളസി വളരെയധികം നല്ലതാണ്. പണ്ട് കാലത്ത് കുട്ടികളില്‍ പനി, തുമ്മല്‍, കഫക്കെട്ട് എന്നിവ വരുമ്പോള്‍ തുളസി നീര് കുത്തിപ്പിഴിഞ്ഞ് കൊടുക്കാറുണ്ട്. അതുപോലെ തന്നെ വേഗത്തില്‍ കഫക്കെട്ടിന് ആശ്വാസവും ലഭിക്കും. തുളസിയില്‍ ആന്റിഓക്സിഡന്റ്സ് ധാരാളം അടങ്ങിയിരിക്കുന്നു.
ആന്റിഓക്സിഡന്റ്സ് സത്യത്തില്‍ നമ്മളുടെ രോഗപ്രതിരോധശേഷി വര്‍ദ്ധിപ്പിക്കാന്‍ വളരെയധികം സഹായിക്കുന്നുണ്ട്.
ഇതില്‍ അടങ്ങിയിരിക്കുന്ന ആന്റിഇന്‍ഫ്‌ലമേറ്ററി ഘടകങ്ങള്‍ ശ്വാസകോശ സംബന്ധമായ അസുഖങ്ങള്‍ കുറയ്ക്കാന്‍ സഹായിക്കുന്നു. അതുപോലെ നമ്മളുടെ ശ്വാസകോശത്തിലെ പേശികളെ റിലാക്‌സ് ചെയ്യിപ്പിക്കാനും ഇത് സഹായിക്കുന്നുണ്ട്. അതിനാല്‍ തുളസി നിങ്ങളുടെ കഫക്കെട്ട് കുറയ്ക്കാന്‍ വളരെ നല്ലതാണ്.
നിങ്ങള്‍ ചായ തയ്യാറാക്കുമ്പോള്‍ അതില്‍ രണ്ട് ഇല തുളിസി ഇട്ട് തിളപ്പിച്ച് കുടിക്കാവുന്നതാണ്. പരമാവധി പാല്‍ ചായ തയ്യാറാക്കി കുടിക്കാതിരിക്കുന്നതാണ് നല്ലത്.
പ്രമേഹം കണ്ണുകളെ ബാധിക്കുമോ?
കറുവാപ്പട്ട
നമ്മള്‍ പൊതുവില്‍ കറികളിലാണ് കറുവാപ്പട്ട ചേര്‍ക്കുന്നത്. എന്നാല്‍, കറുവാപ്പട്ട നമ്മളുടെ രോഗപ്രതിരോധശേഷി വര്‍ദ്ധിപ്പിക്കാന്‍ വളരെ നല്ലതാണ്. കറുവാപ്പട്ടയിലും നല്ലപോലെ ആന്റിഓക്സിഡന്റ്സ് അടങ്ങിയിരിക്കുന്നു. അതുപോലെ തന്നെ ഇതില്‍ ആന്റിഇന്‍ഫ്‌ലമേറ്ററി ഘടകങ്ങളും അടങ്ങിയിട്ടുണ്ട്. ഇത് സത്യത്തില്‍ രോഗപ്രതിരോധശേഷി വര്‍ദ്ധിപ്പിക്കാനും ശ്വാസകോശ സംബന്ധമായ അസുഖങ്ങള്‍ കുറയ്ക്കാനും സഹായിക്കുന്നു.
അതിനാല്‍ നിങ്ങള്‍ക്ക് ചായയില്‍ കറുവാപ്പട്ട ചേര്‍ക്കാവുന്നതാണ്. ഇതിനായി വെളളം തിളപ്പിച്ച് വരുമ്പോള്‍ അതില്‍ കറുവാപ്പട്ട ചേര്‍ത്ത് ചായ തയ്യാറാക്കാവുന്നതാണ്. കഫക്കെട്ട് ഉള്ളവര്‍ പാല്‍ അധികം ഉപയോഗിക്കാതിരിക്കുന്നതാണ് നല്ലത്.
ഇഞ്ചി
കഫം വേഗത്തില്‍ തന്നെ നീക്കം ചെയ്യുന്നതിന് ഇഞ്ചി വളരെ നല്ലതാണ്. കഫക്കെട്ട് ഉള്ളപ്പോള്‍ ഇഞ്ചിനീരും തേനും ചേര്‍ത്ത് കുടിക്കുന്നത് നല്ലതാണ്. അതുപോലെ തന്നെ നമ്മള്‍ ചുക്ക് കാപ്പി കുടിക്കാറുണ്ട്. അതുപോലെ തന്നെ ചായയില്‍ ഇഞ്ചി ചേര്‍ത്ത് കുടിക്കുന്നതും നല്ലതാണ്.
ഇഞ്ചിയിലും ആന്റിഇന്‍ഫ്‌ലമേറ്ററി ഘടകങ്ങള്‍ അടങ്ങിയിരിക്കുന്നു. അതുപോലെ തന്നെ നല്ലപോലെ ആന്റിഓക്സിഡന്റ്സ് അടങ്ങിയിരിക്കുന്നതിനാല്‍ തന്നെ നമ്മളുടെ രോഗ പ്രതിരോധശേഷി വര്‍ദ്ധിപ്പിക്കാനും കഫത്തെ നീക്കം ചെയ്യാനും ഇത് സഹായിക്കുന്നുണ്ട്.
ചായ തയ്യാറാക്കുമ്പോള്‍ ഏറ്റവും അവസാനം മാത്രം ഇഞ്ചി ഒരു ചെറിയ കഷ്ണം എടുത്ത് ചതച്ച് ചേര്‍ക്കാവുന്നതാണ്. അതുപോലെ, ഇഞ്ചി നല്ലതാണ് എന്ന് കരുതി അമിതമായി ചേര്‍ക്കരുത്. ഇത് വയറ്റില്‍ പുകച്ചില്‍, അസിഡിറ്റി എന്നീ പ്രശ്‌നങ്ങളിലേയ്ക്ക് നയിക്കും. അതിനാല്‍ ശ്രദ്ധിച്ച് മാത്രം ചെയ്യുക.
മഞ്ഞള്‍
പലരും കഫക്കെട്ട് വരുമ്പോള്‍ ചെയ്യുന്ന ചില കാര്യങ്ങളില്‍ ഒന്നാണ് രാവിലെ വെറും വയറ്റില്‍ ചെറുചൂടുവെള്ളത്തില്‍ കുറച്ച് മഞ്ഞളും കലക്കി കുടിക്കുന്നത്. അതുപോലെ തന്നെ ചായയില്‍ മഞ്ഞള്‍ ചേര്‍ത്ത് കുടിക്കുന്നതും സത്യത്തില്‍ നിങ്ങളുടെ രോഗപ്രതിരോധശേഷി വര്‍ദ്ധിപ്പിക്കാന്‍ ഇത് സഹായിക്കുന്നതാണ്. മഞ്ഞളിലും ആന്റിഓക്സിഡന്റ്സ് അതുപോലെ തന്നെ ആന്റിഇന്‍ഫ്‌ലമേറ്ററി ഘടകങ്ങള്‍ എന്നിവ അടങ്ങിയിട്ടുണ്ട്. അതിനാല്‍ തന്നെ, ഇത് നിങ്ങളുടെ രോഗപ്രതിരോധശേഷി വര്‍ദ്ധിപ്പിക്കാനും അതുപോലെ, കഫക്കെട്ട് പോലെയുള്ള പ്രശ്‌നങ്ങള്‍ കുറയ്ക്കാനും നിങ്ങളെ വല്ലപോലെ സഹായിക്കുന്നതാണ്.
കുരുമുളക്
നമ്മള്‍ കഫക്കെട്ട്, പനി, ചുമ എന്നിവ വരുമ്പോള്‍ ചായയില്‍ പ്രധാനമായും ചേര്‍ക്കുന്ന ചേരുവകളാണ് കുരുമുളക്. ഇത് തൊണ്ടയെ ക്ലിയറാക്കി എടുക്കുന്നതിനും അതുപോലെ തന്നെ ശ്വാസതടസ്സം ഇല്ലാതാക്കുന്നതിനും വളരെയധികം സഹായിക്കുന്നുണ്ട്. അതുപോലെ ശരീരത്തെ ചൂടാക്കി നിലനിര്‍ത്താനും തൊണ്ട വളരെ സ്മൂത്താക്കി നിലനിര്‍ത്താനും വളരെയധികം സഹായിക്കുന്നുണ്ട്.
കൂടാതെ, രക്തോട്ടം വര്‍ദ്ധിപ്പിക്കാനും സഹായിക്കുന്നു. ഇത് വേഗത്തില്‍ കഫക്കെട്ടില്‍ നിന്നും ആശ്വാസം നല്‍കാനും സഹായിക്കുന്നതാണ്. അതിനാല്‍, ചായ തയ്യാറാക്കുമ്പോള്‍ അവസാനം അതില്‍ കുറച്ച് കുരുമുളക് ചതച്ച് ചേര്‍ക്കുന്നത് മൊത്തത്തിലുള്ള ആരോഗ്യത്തിനും നല്ലതാണ്.
കുരുമുളക് ചേര്‍ക്കുമ്പോള്‍ മിതമായ അളവില്‍ തന്നെ ചേര്‍ക്കാന്‍ ശ്രദ്ധിക്കണം. മൂന്നോ നാലോ കുരുമുളക് ചതച്ച് ചേര്‍ത്താല്‍ മതിയാകും. ചിലര്‍ അമിതമായി കുരുമുളക് ചേര്‍ക്കും. ഇത് വയറ്റില്‍ പുകച്ചില്‍ ഉണ്ടാക്കുന്നതിന് കാരണമാണ്. അതിനാല്‍ ശ്രദ്ധിച്ച് മാത്രം ഉപയോഗിക്കാം.മുണ്ട്
