അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഗാസയിൽ നടത്തുന്ന ആക്രമണം അവസാനിപ്പിക്കണമെന്ന് അമേരിക്ക ഇസ്രായേലിനോട് അഭ്യർത്ഥിച്ചു. സാധാരണക്കാരെ കൊലപ്പെടുത്തുന്നതിൽ ഇസ്രായേലിനെതിരെ അന്താരാഷ്ട്ര പ്രതിഷേധവും അമേരിക്കയ്ക്കെതിരെ വിമർശനങ്ങളും ഉയരുന്നതിനിടെയാണ് ഈ അഭ്യത്ഥന.
ഇസ്രായേൽ വെസ്റ്റ് ബാങ്കിൽ കഴിഞ്ഞ ദിവസം നടത്തിയ റെയ്ഡിൽ 12 പലസ്തീനികൾ കൊല്ലപ്പെട്ടിരുന്നു. നിരവധി ഭീകരരെ പിടികൂടാൻ ഈ റെയ്ഡ് സഹായിച്ചതായി ഇസ്രായേൽ പ്രതിരോധസേന (ഐഡിഎഫ്) പറഞ്ഞു. സമീപ വർഷങ്ങളിൽ, ഇസ്രായേൽ വെസ്റ്റ് ബാങ്കിലെ വാസസ്ഥലങ്ങൾ വളരെയധികം കയ്യേറിയിരുന്നു. പലസ്തീൻ രാഷ്ട്രത്തിന് കുറച്ച് പ്രദേശം മാത്രമാണ് വിട്ടുകൊടുത്തത്.
ഹമാസ് നിയന്ത്രിത പ്രദേശത്തെ ആരോഗ്യ മന്ത്രാലയത്തിന്റെ കണക്കുകൾ പ്രകാരം നടന്നുകൊണ്ടിരിക്കുന്ന യുദ്ധത്തിൽ 18,400 പലസ്തീനികൾ കൊല്ലപ്പെട്ടിട്ടുണ്ട്. ഒക്ടോബർ 7 ന് ദക്ഷിണ ഇസ്രായേലിൽ ഹമാസ് നടത്തിയ ആക്രമണത്തിൽ 1,200 ഓളം പേർ കൊല്ലപ്പെടുകയും 240 ഓളം പേരെ ബന്ദികളാക്കുകയും ചെയ്തിരുന്നു. തുടർന്ന് നടത്തിയ ആക്രമണത്തിൽ 113 സൈനികർ കൊല്ലപ്പെട്ടതായും ഇസ്രായേൽ പറയുന്നു.
ഗാസയിലെ സാധാരണക്കാരെ സംരക്ഷിക്കാൻ ഇസ്രായേൽ കൂടുതൽ ശ്രദ്ധ ചെലുത്തണമെന്ന് അമേരിക്കൻ പ്രസിഡന്റ് ജോ ബൈഡൻ ആവശ്യപ്പെട്ടു. “സാധാരണക്കാരുടെ ജീവൻ എങ്ങനെ രക്ഷിക്കാം എന്നതിൽ അവർ ശ്രദ്ധ കേന്ദ്രീകരിക്കണമെന്ന് ഞാൻ ആഗ്രഹിക്കുന്നു – ഹമാസിനെ പിന്തുടരുന്നത് നിർത്തരുത്, എന്നാൽ കൂടുതൽ ശ്രദ്ധാലുവായിരിക്കുക.”- വാഷിംഗ്ടണിനടുത്തുള്ള ഒരു മെഡിക്കൽ റിസർച്ച് സെന്ററിൽ നടന്ന ഒരു പരിപാടിയ്ക്ക് ശേഷം മാധ്യമപ്രവർത്തകരോട് സംസാരിക്കവെയാണ് ബൈഡൻ ഇക്കാര്യം പറഞ്ഞത്.
ഇസ്രായേലിനെതിരായ യുഎന് പ്രമേയത്തെ പിന്തുണച്ച് ഇന്ത്യ
ഗാസയിൽ നടത്തുന്ന ആക്രമണത്തിൽ നിന്ന് മാറി കൂടുതൽ കൃത്യമായ യുദ്ധങ്ങളിൽ ശ്രദ്ധ കേന്ദ്രീകരിച്ച് ഹമാസിന്റെ ഉന്നത ഉദ്യോഗസ്ഥരെ ലക്ഷ്യം വെച്ചുകൊണ്ട് പ്രവൃത്തിക്കണമെന്ന് ഇസ്രായേൽ ഉദ്യോഗസ്ഥരുമായി നടത്തിയ കൂടിക്കാഴ്ചയ്ക്ക് ശേഷം യുഎസ് ദേശീയ സുരക്ഷാ ഉപദേഷ്ടാവ് ജേക്ക് സള്ളിവൻ പറഞ്ഞു.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
