അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
കളക്ഷന് റെക്കോര്ഡുകള് ഭേദിച്ച് ജൈത്രയാത്ര തുടരുകയാണ് ലോകേഷ് കനകരാജിന്റെ സംവിധാനത്തില് പുറത്തിറങ്ങിയ വിജയ് ചിത്രം ലിയോ. തൃഷയായിരുന്നു വിജയ്യുടെ നായിക. കഴിഞ്ഞദിവസം ലിയോയുടെ വിജയ ആഘോഷ ചടങ്ങില് നായിക തൃഷ വേദിയില് സംസാരിച്ചപ്പോള് പങ്കുവെച്ച കാര്യങ്ങളാണ് ഇപ്പോള് ചര്ച്ചയാകുന്നത്.
സത്യ എന്ന നായിക കഥാപാത്രമാകാന് തന്നെ ലിയോയിലേക്ക് തെരഞ്ഞെടുത്തതിന് ലോകേഷ് കനകരാജിനോട് നന്ദിയുണ്ടെന്ന് തൃഷ പറഞ്ഞു. ലിയോയില് എന്നെ കൊല്ലാതിരുന്നതില് സന്തോഷമുണ്ട്. എല്സിയുവില് എന്നെയും ഉള്പ്പെടുത്തിയത് അംഗീകരമാണ്. ഹൈസ്കൂള് സുഹൃത്തിനെ കണ്ടുമുട്ടിയതു പോലെയാണ് വര്ഷങ്ങള് കഴിഞ്ഞ് വിജയ്ക്കൊപ്പം വീണ്ടും ഒരു സിനിമയില് വേഷമിടാനായത് എന്നും തൃഷ വ്യക്തമാക്കി. 14 വര്ഷങ്ങള്ക്ക് ശേഷം വിജയ്യുടെ നായികയായി തൃഷ എത്തിയപ്പോള് ലിയോ വന് ഹിറ്റായതിന്റെ ആവേശത്തിലാണ് ആരാധകര്.
വിജയ്, പാര്ഥിപന് എന്ന നായക കഥാപാത്രത്തെ ആയിരുന്നു ലിയോയില് അവതരിപ്പിച്ചത്. പാര്ഥിപന്റെ ഭാര്യ സത്യയായിട്ടായിരുന്നു തൃഷ ചിത്രത്തില് വേഷമിട്ടത്. കൊല്ലാതിരുന്നതില് സന്തോഷം എന്ന് തൃഷ പറയുമ്പോള് ആരാധകര് കണ്ടെത്തുന്ന സൂചന സത്യ എന്ന കഥാപാത്രം എല്സിയുടെ ഭാഗമാകാന് സാധ്യതയുണ്ട് എന്നാണ്. എന്തായാലും ലിയോയും സത്യയുമൊക്കെ ലോകേഷ് സിനിമാറ്റിക് യൂണിവേഴ്സില് എത്തുമ്പോള് ആവേശം വാനോളമാകും എന്ന് പ്രേക്ഷകര്ക്ക് തീര്ച്ചയുണ്ട്. ലിയോയിലേക്കാളും തൃഷയ്ക്ക് ലോകേഷ് കനകരാജിന്റെ സംവിധാനത്തില് പ്രകടനത്തിന് സാധ്യതയുള്ള ഒരു നായിക വേഷം നടിയുടെ ആരാധകര് ആഗ്രഹിക്കുന്നുമുണ്ട്.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
