അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.രാജ്യത്തിന്റെ വളർച്ചാ നിരക്ക് സൂചിപ്പിക്കുന്ന, മൊത്ത ആഭ്യന്തര ഉല്പാദനം (GDP) സംബന്ധിച്ച കണക്കുകൾ പുറത്തു വന്നു. ഇന്ത്യയുടെ മൊത്ത ആഭ്യന്തര ഉല്പാദനം (GDP) ജനുവരി-മാർച്ച് പാദത്തിൽ 6.1% വളർച്ച നേടി. 2022- 23 സാമ്പത്തിക വർഷത്തിൽ ജിഡിപി നിരക്ക് 7.2% എന്ന തോതിലാണ്. ആദ്യ പാദത്തിൽ 13.1%, രണ്ടാം പാദത്തിൽ 6.2%, മൂന്നാം പാദത്തിൽ 4.5% എന്നിങ്ങനെയാണ് മറ്റ് പാദങ്ങളിലെ വളർച്ചാ നിരക്ക്.
ഗ്രോസ് വാല്യു ആഡഡ് (GVA) അടിസ്ഥാനത്തിലുള്ള കണക്കുകൾ പ്രകാരം, 2022-23 സാമ്പത്തിക വർഷത്തിൽ മാനുഫാക്ചറിങ് സെക്ടർ 1.3% വളർച്ച കൈവരിച്ചു. തൊട്ടു മുമ്പത്തെ സാമ്പത്തിക വർഷത്തിൽ (2021-22) 11.1% എന്ന തോതിലായിരുന്നു വളർച്ച. കാർഷികം, ഫോറസ്ട്രി, മത്സ്യബന്ധനം തുടങ്ങിയ മേഖലകൾ 2023 സാമ്പത്തിക വർഷത്തിൽ 4% വളർച്ചയാണ് നേടിയത്. തൊട്ടു മുമ്പത്തെ സാമ്പത്തിക വർഷം ഇത് 3.5% വളർച്ചയായിരുന്നു.
മറ്റ് കണക്കുകൾ
- Q4 വ്യാവസായിക മേഖലയിലെ വളർച്ച 6.3%
- ജൂലൈ – സെപ്തംബറിലെ ജിഡിപി വളർച്ചാ നിരക്ക് 6.2% എന്നതിൽ നിന്ന് 6.3% എന്ന തോതിൽ പുതുക്കി നിശ്ചയിച്ചു
- Q4 സേവന മേഖലയിലെ വളർച്ച 6.9%
- FY23 മൈനിങ് സെക്ടർ വളർച്ച 4.6%
- FY23 നൊമിനൽ ജിഡിപി വളർച്ച 16.1% നിരക്കിൽ
- Q4 മാനുഫാക്ചറിങ് വളർച്ച : 4.5%
- Q4 ഫാം സെക്ടർ വളർച്ച : 5.5%
- 2022-23 സാമ്പത്തിക വർഷത്തിലെ പെർ ക്യാപിറ്റ ജിഡിപി 1,96,983 കോടി രൂപ
- മൂലധന രൂപീകരണം 8.9% വരെ ഉയർച്ച നേടി
- GVA വളർച്ച 10.8% നിരക്കിൽ
- കാർഷിക മേഖല 10.3% എന്ന തോതിൽ വളർച്ച നേടി
- മൈനിങ് സെക്ടർ 167.3% നിലവാരത്തിൽ റെക്കോർഡ് വളർച്ച കൈവരിച്ചു
- നിർമാണ മേഖലയിൽ 10.4% വളർച്ച
- രാജ്യത്തെ വളം ഉല്പാദനം ഏപ്രിലിൽ 23.5%, സ്റ്റീൽ ഉല്പാദനം 12.1%, സിമന്റ് പ്രൊഡക്ഷൻ 11.6% എന്നിങ്ങനെ വർധിച്ചു
- ഏപ്രിൽ മാസത്തിൽ കൽക്കരി ഉല്പാദനം 9% എന്ന തോതിലേക്ക് ഇടിഞ്ഞു
- കോർ സെക്ടർ ഡാറ്റ : വളം, സ്റ്റീൽ, സിമന്റ്, കൽക്കരി എന്നിവയുടെ ഉല്പാദനം 2023 ഏപ്രിലിൽ വർധിച്ചു. 2022 ഏപ്രിൽ മാസവുമായി താരതമ്യം ചെയ്യുമ്പോഴാണിത്
- ഇന്ത്യയുടെ ധനക്കമ്മി 6.4% നിലവാരത്തിലാണ്. ഇത് സർക്കാർ ലക്ഷ്യമിട്ട നിലവാരമാണ്
- ഏപ്രിലിലെ ഇന്ത്യയുടെ ധനക്കമ്മി 1.34 ലക്ഷം കോടി രൂപയാണ്. വാർഷിക എസ്റ്റിമേറ്റിന്റെ 7.4% നിരക്കാണിത്. കഴിഞ്ഞ വർഷത്തെ ഇതേ കാലയളവുമായി താരതമ്യം ചെയ്യുമ്പോൾ ധനക്കമ്മി 4.5% വർധിച്ചിട്ടുണ്ട്
- YoY അടിസ്ഥാനത്തിൽ, ഏപ്രിലിൽ രാജ്യത്തെ 8 കോടി വ്യവസായങ്ങളുടെ വളർച്ചാ നിരക്ക് 3.5% എന്ന തോതിലാണ്
- ഏപ്രിലിൽ ഇന്ത്യയുടെ ഇൻഫ്രാസ്ട്രക്ചർ ഔട് പുട് 3.5% നിലവാരത്തിലാണ്. തൊട്ടു മുമ്പത്തെ മാസം ഇത് 3.6% ആയിരുന്നു. ഒരു വർഷം മുമ്പ് 9.5% വളർച്ച നേടിയ സ്ഥാനത്താണ് ഏപ്രിൽ മാസത്തിലെ ഇടിവ്
- ജനുവരി-മാർച്ച് കാലയളവിൽ വളർച്ചയെ ഏറ്റവും കൂടുതൽ സഹായിച്ചത് സേവന മേഖലയെന്ന് വിലയിരുത്തൽ. എസ് & പി ഗ്ലോബൽ പർച്ചേസിങ് മാനേജേഴ്സ് ഇൻഡക്സ് 58.1 ശരാശരിയിലാണ്. തൊട്ടു മുമ്പത്തെ പാദങ്ങളേതിനേക്കാൾ ഉയർന്ന തോതാണ് ഇത്.
ഏപ്രിൽ പാദത്തിൽ ജിഡിപി വളർച്ച 5.1% ആയിരിക്കുമെന്നാണ് റിസർവ് ബാങ്ക് കണക്കാക്കയിരുന്നത്. എസ്ബിഐ റിസർച്ചിന്റെ കണക്കുകൾ 5.1% വളർച്ചയാണ് പ്രവചിച്ചിരുന്നത്. റോയിട്ടർ പോൾ പ്രകാരം 5% വളർച്ചയാണ് പ്രതീക്ഷിച്ചിരുന്നത്. എന്നാൽ പ്രതീക്ഷിച്ചതിലും ഉയരത്തിലുള്ള വളർച്ചാ നിരക്കാണ് രാജ്യത്തുണ്ടായത്.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
