തിരുവനന്തപുരം: ഉന്നത വിദ്യാഭ്യാസ മന്ത്രി ആര് ബിന്ദു കോടതിയലക്ഷ്യ പ്രസ്താവന നടത്തിയെന്ന ആക്ഷേപവുമായി സന്ദീപ് വാര്യര്. കെടിയു വൈസ് ചാന്സലറെ പുറത്താക്കിയ വിധി സംബന്ധിച്ച പ്രതികരണത്തിനെതിരെയാണ് പരാതി. സുപ്രീംകോടതി പോലും കേന്ദ്ര നയങ്ങള്ക്കൊപ്പം നില്ക്കുന്നുവെന്ന് വേണം വിധിയിലൂടെ മനസ്സിലാക്കാനെന്നായിരുന്നു മന്ത്രിയുടെ പ്രസ്താവന. ഉന്നത വിദ്യാഭ്യാസ രംഗത്ത് പിടിമുറുക്കുന്നതിനായി കേന്ദ്രീകരണം നടപ്പാക്കാനുള്ള ശ്രമമാണ് നടക്കുന്നത്. ഇത് നമ്മുടെ ബഹുസ്വരതയെ തകര്ക്കും. കേന്ദ്ര സര്ക്കാരിന്റെ ഈ നയത്തിനൊപ്പം ചേര്ന്നു നില്ക്കുന്നതാണ് സുപ്രീംകോടതി വിധിയെന്നും മന്ത്രി പറഞ്ഞു. ഈ പ്രസ്താവനക്കെതിരെയുള്ള മാധ്യമ വാര്ത്തകളുടെ റിപ്പോര്ട്ടുകളടക്കമാണ് സന്ദീപ് വാര്യര് സുപ്രീംകോടതിയെ സമീപിച്ചിരിക്കുന്നത്.
സന്ദീപ് വാരിയരുടെ ഫേസ്ബുക് പോസ്റ്റ്
മന്ത്രി ബിന്ദുവിന്റെ പ്രസ്താവന സുപ്രീം കോടതിയെ ഇകഴ്ത്തിക്കാണിക്കുന്നതും തികഞ്ഞ അനാദരവും അവഹേളനവുമാണ് . മന്ത്രിയുടെ കോടതി അലക്ഷ്യ പ്രസ്താവനക്കെതിരെ അഭിഭാഷകൻ അഡ്വ രഞ്ജിത്ത് മാരാർ മുഖേന സുപ്രീം കോടതിയെ സമീപിച്ചു . അഡ്വക്കേറ്റ് ജനറലിന്റെ അനുമതിക്കായി നടപടി ആരംഭിച്ചു .
https://www.facebook.com/plugins/post.php?href=https%3A%2F%2Fwww.facebook.com%2FSandeepvarierbjp%2Fposts%2F669722674515312&show_text=true&width=500