അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
ആലപ്പുഴ: സിപിഐ ആലപ്പുഴ ജില്ലാ സെക്രട്ടറിയായി ടി.ജെ. ആഞ്ചലോസിനെ വീണ്ടും തെരഞ്ഞെടുത്തു. തുടര്ച്ചയായി രണ്ടാം തവണയാണ് ആഞ്ചലോസ് ജില്ലാ സെക്രട്ടറിയാകുന്നത്.
സിപിഐ ആലപ്പുഴ ജില്ലാ സമ്മേളനത്തിലാണ് തീരുമാനം കൈക്കൊണ്ടത്. ജില്ലാ കൗണ്സിലിലേക്ക് 57 അംഗങ്ങളെ തെരഞ്ഞെടുത്തിട്ടുണ്ട്. നിലവിലുള്ള കൗണ്സിലിലെ 20 പേരെ ഒഴിവാക്കിയതിന് ശേഷമായിരുന്നു തീരുമാനം.
അതേസമയം, കെ കെ ബാലനെ കോഴിക്കോട് ജില്ലാ സെക്രട്ടറിയായി തെരഞ്ഞെടുത്തു. സിപിഐ ജില്ലാ ട്രഷററും ജനയുഗം കോഴിക്കോട് യൂണിറ്റ് മാനേജറുമായി പ്രവര്ത്തിക്കുകയായിരുന്നു.
