അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.മസ്തിഷ്കത്തിന് പ്രശ്നം സൃഷ്ടിക്കുന്ന രോഗാവസ്ഥയാണ് അനോക്സിക് ബ്രെയിന് ഇഞ്ചുറി അഥവാ അനോക്സിക് മസ്ഷിക്ക ക്ഷതം എന്നത്. പലപ്പോഴും തലച്ചോറിന്റെ പ്രവര്ത്തനങ്ങള്ക്ക് അവശ്യമായ ഓക്സിജന് ലഭിക്കാതെ വരുമ്പോഴാണ് ഇത് സംഭവിക്കുന്നത്. തലച്ചോറിന് വളരെക്കാലം ഓക്സിജന് ലഭിക്കാത്ത അവസ്ഥയുണ്ടാവുമ്പോള് സ്ഥിതി ഗുരുതരമാവുന്നു. ഇതേ തുടർന്ന് ഫലമായി തലച്ചോറിലെ നാഡികോശങ്ങള് നശിക്കുകയും പ്രവര്ത്തനരഹിതമാവുകയും ചെയ്യുന്നു. ഇത്തരത്തിലുള്ള കോശമരണം സാധാരണമാണ്. എന്നാല് ഒരേ സമയം നിരവധി കോശങ്ങള് ഒരുമിച്ച് നശിക്കുമ്പോള് അത് പലപ്പോഴും തലച്ചോറിന്റെ പ്രവര്ത്തനത്തെ ബാധിക്കുകയും മസ്തിഷ്ക ക്ഷതത്തിലേക്ക് നയിക്കുന്നു.
മസ്തിഷ്കത്തിന് ആവശ്യമായ ഓക്സിജന് ലഭിക്കാത്ത അവസ്ഥയെല്ലാം തന്നെ നയിക്കുന്നത് അനോക്സിക് മസ്തിഷ്ക ക്ഷതത്തിലേക്കാണ്. കുഞ്ഞുങ്ങള്ക്കിടയില് ജനനസമയത്തുണ്ടാവുന്ന ഓക്സിജന്റെ കുറവ് പലപ്പോഴും വെല്ലുവിളി ഉയര്ത്തുന്നതാണ്. പലപ്പോഴും കുഞ്ഞിന്റെ പൊക്കിള്ക്കൊടി കഴുത്തില് കുടുങ്ങിയതായിരിക്കും. അല്ലെങ്കില് വജൈനല് കനാലില് കുഞ്ഞ് കുടുങ്ങുന്ന അവസ്ഥയിലോ ഇത് പലപ്പോഴും സംഭവിക്കാവുന്നതാണ്. ഇത്തരം അവസ്ഥയില് അല്പം കൂടുതല് ശ്രദ്ധ അത്യാവശ്യമാണ്.
ശരീരത്തില് ആവശ്യമായ ഓക്സിജന് ശരീരത്തിന് വഹിക്കാന് സാധിക്കാത്ത അവസ്ഥയിലാണ് ഇത്തരം അവസ്ഥയുണ്ടാവുന്നത്. പലപ്പോഴും തലച്ചോറിന്റെ പ്രവര്ത്തനത്തിന് ആവശ്യമായ രീതിയില് ഓക്സിജന് എത്തിക്കാന് സാധിക്കാതെ വരുമ്പോള് ഈ അവസ്ഥയുണ്ടാവുന്നു. ഈ അവസ്ഥയെയാണ് അനീമിയ അനോക്സിയ എന്ന് പറയുന്നത്. ഇത് പലപ്പോഴും അനോക്സിക് ക്ഷതത്തിന് കാരണമാകുന്നു.
ആരോഗ്യമുള്ള ഒരു ശരാശരി മനുഷ്യന്റെ മസ്തിഷ്കത്തിന് ഓക്സിജന് ഇല്ലാതെ വെറും നാല് മിനിറ്റ് മാത്രമേ പ്രവര്ത്തനക്ഷമമായി മുന്നോട്ട് പോവാന് സാധിക്കൂ. അതുകൊണ്ട് ഇത്തരം അവസ്ഥകളില് സ്ട്രോക്ക് പോലുള്ള അവസ്ഥകള് ഉണ്ടാവുന്നതിനുള്ള സാധ്യതയുണ്ട്. ഇത് വളരെയധികം ശ്രദ്ധിക്കണം. അനോക്സിന് മസ്തിഷ്ക ക്ഷതം സംഭവിച്ചിട്ടുണ്ടെങ്കില് ബോധം നഷ്ടപ്പെടുന്നത്, തലകറക്കമോ ഛര്ദ്ദിയോ അനുഭവപ്പെടുന്നത്, ആശയക്കുഴപ്പം, ഛര്ദ്ദി, സംവേദനങ്ങള് അനുഭവപ്പെടുന്നത്, പെരുമാറ്റത്തില് മാറ്റങ്ങള്, കൈകളിലും കാലുകളിലും മരവിപ്പ് അനുഭവപ്പെടുന്നത്, അതോടൊപ്പം തന്നെ അതികഠിനമായ തലവേദന എന്നിവയെല്ലാം ശ്രദ്ധിക്കണം. ഇതെല്ലാം രോഗാവസ്ഥ ഗുരുതരമാക്കുന്ന ലക്ഷണങ്ങളാണ്.
പലപ്പോഴും സംസാരിക്കുന്നതില് പ്രശ്നവും ഓര്മ്മക്കുറവും വാക്കുകള് ആലോചിക്കുന്നതിന് പ്രശ്നവും ഉണ്ടാവുന്നുണ്ട്. ഓരോരുത്തരിലും ലക്ഷണങ്ങള് വ്യത്യസ്തമായിരിക്കും. ഇത് കൂടാതെ സ്വഭാവത്തിലോ വ്യക്തിത്വത്തിലോ ഉണ്ടാവുന്ന മാറ്റങ്ങള്, ജോലി ചെയ്യുന്നതിനുള്ള ബുദ്ധിമുട്ട്, ഓര്മ്മശക്തിയില് ഉണ്ടാവുന്ന മാറ്റങ്ങള്, അമിതമായി ഉണ്ടാവുന്ന വിഷാദം എന്നിവയെല്ലാം ശ്രദ്ധിക്കേണ്ടതാണ്. ഈ രോഗത്തിന് ചികിത്സയും രോഗനിര്ണയവും ശ്രദ്ധിക്കേണ്ടതാണ്. രോഗലക്ഷണങ്ങള് കണ്ടെത്തിയാല് ഉടനെ തന്നെ ഡോക്ടറെ കാണണം.
