സു​മി​യി​ലെ ഒ​ഴി​പ്പി​ക്ക​ൽ ഉ​ടന്‍; യാത്രയ്ക്ക് തയാറെടുക്കാൻ വിദ്യാർത്ഥികളോട് ഇ​ന്ത്യ​ൻ എം​ബ​സി

കീ​വ്: യു​ക്രെ​യ്ൻ ന​ഗ​ര​മാ​യ സു​മി​യി​ലെ ഇ​ന്ത്യ​ക്കാ​രു​ടെ ഒ​ഴി​പ്പി​ക്ക​ൽ ഉ​ട​നു​ണ്ടാ​കു​മെ​ന്ന് ഇ​ന്ത്യ​ൻ എം​ബ​സി. സ​മ​യ​വും തീ​യ​തി​യും ഉ​ട​ൻ പ്ര​ഖ്യാ​പി​ക്കും. നി​ർ​ദേ​ശം കി​ട്ടി​യാ​ൽ വി​ദ്യാ​ർ​ഥി​ക​ൾ പു​റ​പ്പെ​ടാ​ൻ ത​യാ​റാ​ക​ണ​മെ​ന്നും എം​ബ​സി അ​റി​യി​ച്ചു.

യു​ക്രെ​യ്ൻ ന​ഗ​രം പോ​ൾ​ട്ടോ​വ വ​ഴി​യാ​ണ് ഒ​ഴി​പ്പി​ക്ക​ൽ ന​ട​ക്കു​ക. പോ​ൾ​ട്ടോ​വ​യി​ലൂ​ടെ പ​ടി​ഞ്ഞാ​റ​ൻ അ​തി​ർ​ത്തി​യി​ൽ എ​ത്തി​ച്ച് ഒ​ഴി​പ്പി​ക്കു​മെ​ന്നാ​ണ് എം​ബ​സി വ്യ​ക്ത​മാ​ക്കു​ന്ന​ത്. വി​ദ്യാ​ര്‍​ഥി​ക​ള​ട​ക്കം ഏ​ക​ദേ​ശം 700 ഇ​ന്ത്യ​ന്‍ പൗ​ര​ന്മാ​ര്‍ സു​മി​യി​ലു​ണ്ടെ​ന്നാ​ണ് വി​വ​രം.

ഇതിനിടെ യുക്രൈനില്‍ നിന്ന് ഇതുവരെ 15900 ഇന്ത്യക്കാരെ നാട്ടിലെത്തിച്ചെന്ന് വ്യോമയാന മന്ത്രാലയം അറിയിച്ചു. ഇന്ന് 11 വിമാനങ്ങളിലായി 2135 ഇന്ത്യക്കാരെയാണ് നാട്ടിലെത്തിച്ചത്. നാളെ എട്ട് വിമാനങ്ങളിലായി 1500 പേരെ നാട്ടിലെത്തിക്കുമെന്നും വ്യോമയാന മന്ത്രാലയം വ്യക്തമാക്കി.

യുക്രൈന്‍ ഒഴിപ്പിക്കല്‍ വിജയകരമാണെന്ന് പ്രധാനമന്ത്രി നരേന്ദ്രമോദി നേരത്തേ അറിയിച്ചിരുന്നു. വലിയ രാജ്യങ്ങള്‍ക്ക് ചെയ്യാന്‍ കഴിയാത്ത കാര്യമാണ് ഇന്ത്യ ചെയ്യുന്നത്. ആയിരക്കണക്കിന് പേരെ ഇതിനോടകം ഒഴിപ്പിച്ചു കഴിഞ്ഞു. കൊവിഡിനെ കൈകാര്യം ചെയ്തത് പോലെ പുതിയ സാഹചര്യത്തെയും നേരിടുകയാണെന്നും മോദി വ്യക്തമാക്കി.