അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ഒ.ടി.ടി പ്ലാറ്റ്‌ഫോമിൽ നിന്നും റഷ്യൻ ടി.വി ഷോകൾ പിൻവലിക്കാനൊരുങ്ങി നെറ്റ്ഫ്ളിക്സ്. യുക്രൈനിൽ റഷ്യൻ ആക്രമണം അതിതീവ്രമായ സാഹചര്യത്തിലാണ് നെറ്റ്ഫ്ളിക്സിന്റെ നിർണായക തീരുമാനം. ഇതോടെ റഷ്യക്കു മേലുള്ള ഉപരോധം സമസ്ത മേഖലകളിലേക്കും വ്യാപിക്കുകയാണ്.
റഷ്യയുടെ 20 ഓളം ടിവി ഷോകളാകും നെറ്റ്ഫ്ളിക്സ് ഒഴിവാക്കുക. നടപടികള്‍ ഉടന്‍ സ്വീകരിക്കുമെന്നാണ് സൂചന.
നിലവില്‍ റഷ്യയില്‍ നെറ്റ്ഫ്‌ളിക്‌സിന് പത്ത് ലക്ഷം വരിക്കാര്‍ മാത്രമാണുള്ളത്. യുക്രൈനില്‍ അധിനിവേശം നടത്തുന്ന റഷ്യയുടെ മാധ്യമ വിഭാഗങ്ങളെ പിന്തുണക്കാനാവില്ലെന്നാണ് നെറ്റ്ഫ്ളിക്സിന്റെ അഭിപ്രായം.
കഴിഞ്ഞ വര്‍ഷം മേയിലാണ് റഷ്യയുടെ ടിവി ഷോ ആദ്യമായി നെറ്റ്ഫ്‌ളിക്‌സിലെത്തുന്നത്. അതിനാല്‍ റഷ്യയില്‍ നിലവില്‍ നെറ്റ്ഫ്‌ളിക്‌സിന് ജീവനക്കാരില്ല. മെറ്റാ, മൈക്രോസോഫ്ട്, ഗൂഗിള്‍ എന്നിങ്ങനെയുള്ള സ്ഥാപനങ്ങളും സമാന നടപടികളാണ് റഷ്യന്‍ മാധ്യമങ്ങള്‍ക്ക് എതിരേ സ്വീകരിച്ചിരിക്കുന്നത്.
