അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സൗബിൻ ഷാഹിർ സുപ്രധാന വേഷത്തിലെത്തുന്ന ചിത്രം ‘ഉല്ലാസപ്പൂത്തിരികള്‍’ ഒരുങ്ങുന്നു.ഹരീഷ് കണാരന്‍ ആദ്യമായി നിര്‍മ്മാതാവിന്റെയും നായകന്റെയും കുപ്പായം അണിയുന്ന ചിത്രം കൂടിയാണിത്.സൗബിന്‍ നായകനായി അഭിനയിച്ച്‌ റിലീസിന് ഒരുങ്ങുന്ന കള്ളന്‍ ഡിസൂസയ്ക്ക് ശേഷം ഇരുവരും വീണ്ടും ഒന്നിക്കുകയാണ്. നവാഗതനായ ബിജോയ് ജോസഫ് സംവിധാനം ചെയ്യുന്ന ഉല്ലാസപ്പൂത്തിരികളില്‍ ജെമിനി സ്റ്റുഡിയോസാണ് അവതരിപ്പിക്കുന്നത്.
റിയാണോ റോസ് പ്രൊഡക്‌ഷന്‍സിന്റെ ബാനറില്‍ ജോണ്‍ കുടിയാന്‍മലയും ഹരീഷ് കണാരനും ചേർന്ന് നിർമ്മിക്കുന്ന ചിത്രത്തിൽ അവതാരകയായ ഗോപിയാണ് നായിക.അജു വര്‍ഗീസ്, സലിംകുമാര്‍, ജോണി ആന്റണി, നിര്‍മ്മല്‍ പാലാഴി, സരയു , സീനത്ത് എന്നിവരാണ് മറ്റു താരങ്ങള്‍. സംവിധായകന്‍ ബിജോയ് ജോസഫിന്റെ കഥയ്ക്ക് പോള്‍ വര്‍ഗീസ് തിരക്കഥയും സംഭാഷണവും എഴുതുന്നു. ഛായാഗ്രഹണം മനോജ് പിള്ള പി.ആര്‍. ഒ വാഴൂര്‍ ജോസ്.
