അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
തിരുവനന്തപുരം: സംസ്ഥാനത്ത് കൊവിഡ് അതിതീവ്ര വ്യാപനം ഉണ്ടായ സാഹചര്യത്തില് ആരോഗ്യ വകുപ്പ് മന്ത്രി വീണാ ജോര്ജിന്റെ നേതൃത്വത്തില് സ്റ്റേറ്റ് റാപ്പിഡ് റെസ്പോണ്സ് ടീമിന്റെ അടിയന്തര യോഗം ചേര്ന്നു. കൊവിഡ്, ഒമിക്രോണ് വ്യാപനത്തിന്റെ പശ്ചാത്തലത്തില് രൂപീകരിച്ച സർവൈലൻസ്, ഇന്ഫ്രാസ്ട്രക്ചർ ആന്റ് ഹ്യൂമന് റിസോഴ്സ് മാനേജ്മെന്റ്, മെറ്റീരിയല് മാനേജ്മെന്റ്, ട്രാന്സ്പോര്ട്ടേഷന് ആന്റ് ഓക്സിജന്, വാക്സിനേഷന് മാനേജ്മെന്റ്, പോസ്റ്റ് കോവിഡ് മാനേജ്മെന്റ് തുടങ്ങിയ 12 സംസ്ഥാനതല ആര്ആര്ടി കമ്മിറ്റികളുടെ പ്രവര്ത്തനങ്ങള് വിലയിരുത്തുകയും ചെയ്തു.
മതിയായ ജീവനക്കാരെ നിയോഗിച്ച് സമയബന്ധിതമായി പരിശോധനാ ഫലം ലഭ്യമാക്കണമെന്ന് മന്ത്രി വീണാ ജോര്ജ് നിര്ദേശം നല്കി. പരിശോധനാ ഫലം വൈകാതിരിക്കാന് ജില്ലാ തല ടീമിനെ നിയോഗിച്ചിട്ടുണ്ട്. പരിശോധന അടിസ്ഥാനമാക്കി സര്വൈലന്സ് ശക്തമാക്കും. ഹോസ്പിറ്റല് സര്വൈലന്സ്, ട്രാവല് സര്വൈലന്സ്, കമ്മ്യൂണിറ്റി സര്വൈലന്സ് എന്നിവയ്ക്ക് പ്രാധാന്യം നല്കും. വിദഗ്ധ ഗൃഹ പരിചരണം ഉറപ്പാക്കാന് നടപടികള് സ്വീകരിക്കാനും മന്ത്രി നിര്ദേശം നൽകുകയും ചെയ്തു.
