കാലാവസ്ഥാ മാറ്റാമെന്ന ഭീകരൻ കേരളത്തെയും തകിടം മറിക്കും

കേരളത്തിൽ മൺസൂൺ പകുതി പിന്നിട്ട് കഴിഞ്ഞു. രണ്ടാം പകുതിയിലാണ് ഇപ്പോഴുള്ളത്. എന്നാൽ ആദ്യ പകുതിയിലെ മഴക്കുറവ് രണ്ടാം പകുതിയിലും തുടരുന്ന കാഴ്ചയാണ് കാണുന്നത്. കാലാവസ്ഥാ മാറ്റം എന്നത് നാളുകൾക്ക് മുൻപേ നമ്മൾ വെറുതെ പറഞ്ഞു കേട്ടിരുന്ന കാര്യമാണെങ്കിൽ ഇപ്പോഴത് നമ്മുടെ ജീവിതത്തിന്റെ ഭാഗമായി മാറുന്ന അവസ്ഥയാണുള്ളത്. മഴക്കുറവ് സ്വാഭാവികമായും വരൾച്ചയിലേക്ക് നയിക്കും. വരൾച്ച ജീവന്റെ ശേഷിപ്പ് തന്നെ ഇല്ലാതാക്കും. എന്നാൽ ഇത് കേരളത്തിലെ മാത്രം അവസ്ഥയല്ല. 

കാട്ടുതീ, വെള്ളപ്പൊക്കം, മേഘവിസ്‌ഫോടനം, കടൽക്കെടുതികൾ ഇതെല്ലാം കഴിഞ്ഞ ഒരു മാസക്കാലത്തിനകത്ത് ലോകത്ത് സംഭവിച്ച കാര്യങ്ങളാണ്. അപ്രതീക്ഷിതമായി ഉണ്ടായ ഈ ആഘാതങ്ങൾ  പരിസ്ഥിതിക്കൊപ്പം ഏറെ മനുഷ്യനാശവും വരുത്തിവെച്ചു. നിരവധി കെട്ടിടങ്ങൾ, വാഹനങ്ങൾ, വീടുകൾ, മൃഗങ്ങൾ എന്നിവയെല്ലാം ഈ ദുരന്തത്തിന് ഇരയായി. എന്നാൽ എല്ലാത്തിനും കാരണം മനുഷ്യർ മാത്രമാണ് എന്നത് വിചിത്രമാണ്.

87 ല​ക്ഷം ജീവജാലങ്ങൾ ഭൂമിയിൽ ഉണ്ടെന്നാണ് കണക്ക്. ഇവ കണ്ടെത്തിയത് മാത്രമാണെങ്കിൽ കൂടി ഈ 87 ലക്ഷം ജീവജാലങ്ങളുടെയും നാശത്തിന് ആകെ കാരണക്കാർ ഒരേയൊരു മനുഷ്യർ മാത്രമാണ്. ജ​ന്തു​ക്ക​ളും പ​ക്ഷി​ക​ളും ഉ​ര​ഗ​ങ്ങ​ളും സൂ​ക്ഷ്​​മ​വ​ർ​ഗ​ങ്ങ​ളും സ​സ്യ​ല​താ​ദി​ക​ളും ഷ​ഡ്​​പ​ദ​ങ്ങ​ളു​മു​ൾ​പ്പെ​ടെയുള്ള മുഴുവൻ വർഗത്തിന്റെയും നാശത്തിന് നാം കാരണക്കാർ ആകുന്നു. 195 രാ​ജ്യ​ങ്ങ​ളി​ലെ കാ​ലാ​വ​സ്​​ഥ പ്ര​വ​ണ​ത​ക​ൾ സൂ​ക്ഷ്​​മ​മാ​യി വി​ശ​ക​ല​നം ചെ​യ്​​ത്, 14,000ത്തിലേ​റെ റി​പ്പോ​ർ​ട്ടു​ക​ൾ അ​പ​ഗ്ര​ഥി​ച്ച്​​ 234 ശാ​സ്ത്ര​ജ്ഞ​ർ ചേ​ർ​ന്ന്​ ത​യാ​റാ​ക്കി​യ റി​പ്പോ​ർ​ട്ട്​ ഇക്കാര്യങ്ങൾ കുറേക്കൂടി വ്യക്തമാക്കുന്നു. 

ഐ​ക്യ​രാ​ഷ്​​ട്ര​സ​ഭ​യു​ടെ ഇ​ൻ​റ​ർ​ഗ​വ​ൺ​മെ​ൻ​റ​ൽ പാ​ന​ൽ (ഐപി​സി​സി) പുറത്തുവിട്ട ഈ റിപ്പോർട്ട് മാനവ രാശിക്കുള്ള കനത്ത താക്കീത് ആണെന്നാണ് റി​പ്പോ​ർ​ട്ട്​ പ്ര​കാ​ശ​നം ചെ​യ്​​ത യു​എ​ൻ സെ​ക്ര​ട്ട​റി ജ​ന​റ​ൽ അന്റോണിയോ ഗുട്ടറസ് പറഞ്ഞത്. ഇത് കേവലം ഒരു താക്കീത് അല്ല എന്ന് മലയാളികൾക്ക് നല്ല ബോധ്യം ഇപ്പോഴുണ്ട്. 2018 ലെയും 2019 ലെയും പ്രളയം അത് നമ്മെ പഠിപ്പിച്ചിട്ടുണ്ട്. ഉരുൾപൊട്ടലും കനത്ത മഴയും പ്രളയവും ഒരു വശത്ത് നമ്മൾ അനുഭവിച്ചപ്പോൾ തന്നെയാണ് ഇക്കുറി മഴയിൽ വലിയ കുറവ് രേഖപ്പെടുത്തിയത്.

ജൂ​ൺ ഒ​ന്ന്​ മു​ത​ൽ ജൂ​ലൈ 31 വ​രെ​യു​ള്ള ക​ണ​ക്ക് പ്ര​കാ​രം കേ​ര​ള​ത്തി​ന്‌ ല​ഭി​ക്കേ​ണ്ട​ത്​ 1363 മി​ല്ലി​മീ​റ്റ​ർ മ​ഴ​യാ​ണ്. എ​ന്നാ​ൽ 985.9 മി​ല്ലി​മീ​റ്റ​ർ മഴ മാ​ത്ര​മാ​ണ് ഇക്കാലത്ത്​ പെ​യ്ത​ത്. ജൂ​ൺ മു​ത​ൽ സെ​പ്റ്റം​ബ​ർ വ​രെ​യാ​ണ്​ കാ​ല​വ​ർ​ഷ​ത്തിന്റെ ദൈ​ർ​ഘ്യം. കേ​ന്ദ്ര കാ​ലാ​വ​സ്ഥ വ​കു​പ്പിന്റെ ക​ണ​ക്ക​നു​സ​രി​ച്ച്​ ജൂ​ണി​ലും ജൂ​ലൈ​യി​ലും ശ​രാ​ശ​രി​യേ​ക്കാ​ൾ മ​ഴ​ക്കു​റ​വ്​ രേ​ഖ​പ്പെ​ടു​ത്തി​യി​ട്ടു​ണ്ട്. ജൂ​ണി​ൽ 36 ശ​ത​മാ​നം കു​റ​വാ​യി​രു​ന്നു. ജൂ​ണി​ൽ ല​ഭി​ക്കേ​ണ്ട 643 മി​ല്ലി​മീ​റ്റ​ർ സ്ഥാ​ന​ത്ത്​ ല​ഭി​ച്ച​ത് 408.4 മി​ല്ലി​മീ​റ്റ​ർ. ജൂ​ലൈ​യി​ൽ സാ​ധാ​ര​ണ​യാ​യി 726.1 മി​ല്ലി​മീ​റ്റ​ർ മ​ഴ​യാ​ണ് ല​ഭി​ക്കേ​ണ്ട​തെ​ന്നി​രി​ക്കെ ഇ​തു​വ​രെ പെ​യ്ത​ത് 575.5 മി​ല്ലി​മീ​റ്റ​ർ -20 ശ​ത​മാ​ന​ത്തിന്റെ കു​റ​വ്.

എ​ല്ലാ ജി​ല്ല​ക​ളി​ലും ശ​രാ​ശ​രി​യേ​ക്കാ​ൾ കു​റ​വ് മ​ഴ​യാ​ണ്​ ല​ഭി​ച്ച​ത്. കാ​ല​വ​ർ​ഷ​ത്തി​ൽ കു​റ​വ്​ മ​ഴ ല​ഭി​ച്ച​ത്​ പാ​ല​ക്കാ​ടാ​ണ്. ശ​രാ​ശ​രി 1022.7 മി​ല്ലി​മീ​റ്റ​ർ മ​ഴ ലഭിക്കേണ്ട ജി​ല്ല​യി​ൽ ഇ​തു​വ​രെ ല​ഭി​ച്ച​ത്​ 633.5 മി​ല്ലി​മീ​റ്റ​ർ ആ​ണ്, ​-38 ശ​ത​മാ​ന​ത്തിന്റെ കു​റ​വ്. കൂ​ടു​ത​ൽ മ​ഴ ല​ഭി​ച്ച കാ​സ​ർ​കോ​ട്​ ജി​ല്ല​യി​ൽ (1415.1 മി​ല്ലി​മീ​റ്റ​ർ) സാ​ധാ​ര​ണ ല​ഭി​ക്കേ​ണ്ട (2040.6 മി​ല്ലി​മീ​റ്റ​ർ) മ​ഴ​യേ​ക്കാ​ൾ 31 ശ​ത​മാ​നം കു​റ​വാ​ണ് രേ​ഖ​പ്പെ​ടു​ത്തി​യ​ത്.

ഐപി​സി​സി റിപ്പോർട്ട് പ്രകാരം ആ​ഗോ​ള​താ​പ​ന​ത്തി​ലെ ശ​രാ​ശ​രി വ​ർ​ധ​ന സ​മീ​പ​ഭാ​വി​യി​ൽ​ ഒ​ന്ന​ര ഡി​ഗ്രി സെ​ൽ​ഷ്യ​സി​ന്​ മു​ക​ളി​ലേ​ക്കു പോ​കു​മെ​ന്നും 2100ൽ ​ഇ​ത്​ ര​ണ്ടു ഡി​ഗ്രി​ക്കും മു​ക​ളി​ലാ​കു​മെ​ന്നും റി​പ്പോ​ർ​ട്ട്​ ചൂ​ണ്ടി​ക്കാ​ട്ടു​ന്നു. ആ​ർട്ടി​ക്​ സമുദ്രവും ആ​ൽ​പ്​​സ്​ മ​ല​നി​ര​ക​ളും ഹി​മാ​ല​യ​വു​മെ​ല്ലാം ഉ​രു​കി​യൊ​ലി​ച്ച്​ മ​റ്റൊ​രു രൂ​പംപ്രാ​പി​ക്കാ​ൻ ഒ​രു​ക്കം തു​ട​ങ്ങി​യി​രി​ക്കു​ന്നു. ലോ​ക​ത്തെ ഏ​റ്റ​വും ഉ​ഷ്​​ണ​മേ​റി​യ സ​മു​ദ്ര​മേ​ഖ​ല​യാ​യി കട​ലുകൾ മാ​റു​ന്ന കാഴ്ച്ചയാണ് കാണുന്നത്. ​ഇ​ന്ത്യ​യി​ലു​ൾ​പ്പെ​ടെ പ​തി​നാ​യി​ര​ക്ക​ണ​ക്കി​ന്​ ഹെ​ക്​​ട​ർ വ​ന​മേ​ഖ​ല​ക​ളെ​യാ​ണ്​ കാ​ട്ടു​തീ ചുട്ടുചാമ്പലാക്കിയത്.

കാലാവസ്ഥാ മാറ്റം ഒരു ആഗോള പ്രശ്‌നമാണ്. അത് കേരളത്തിന്റെ മാത്രം പ്രശ്‌നമല്ല. എന്നൊക്കെ വാദത്തിന് പറയാമെങ്കിലും ഇത് നമ്മളെയും കൂടുതലായി ബാധിക്കുന്നുണ്ട്. അറബിക്കടൽ കരയെ തിന്ന് തീർക്കുന്നത് നാം ഇപ്പോഴും കാര്യമായി ശ്രദ്ധിച്ചിട്ടില്ലാത്ത കാര്യമാണ്. ആലപ്പാട് പോലുള്ള ഒറ്റപ്പെട്ട പ്രതിഷേധങ്ങൾ നിലനിൽക്കുന്ന സ്ഥലങ്ങൾ വല്ലപ്പോഴും ശ്രദ്ധയിൽ ഉണ്ടെങ്കിലും ബാക്കിയുള്ള സ്ഥലത്തെ സ്ഥിതി ആരും നോക്കാറില്ല. എന്നാൽ കരയുടെ കടലിലേക്കുള്ള അധിനിവേശം അത്ര ചെറിയ കാര്യമല്ല. കേരളത്തെ മാത്രമല്ല ഇന്ത്യൻ തീരങ്ങളിലെല്ലാം ഇക്കാഴ്ച കാണാം. ഹി​മാ​ല​യ​ത്തി​ലെ മ​ഞ്ഞു​രു​ക്കം സ​മു​ദ്ര​നി​ര​പ്പ്​ വ​ർ​ധി​ക്കു​ന്ന​തി​ന്​ ആ​ക്കം​കൂ​ട്ടും.

വിഴിഞ്ഞം പദ്ധതിക്ക് വേണ്ടി മല തുരക്കൽ നടക്കുമ്പോൾ തന്നെയാണ് അതിവേഗപ്പാതയെ കുറിച്ച് നാം ആഘോഷിക്കുന്നത്. ഇത് തകർക്കുന്ന മലയുടെ എണ്ണം വളരെ വലുതാണ്. ഒരു സ്ഥലത്ത് നിന്ന് കടൽ കയറിയും ഒരു സ്ഥലത്ത് നിന്ന് ഉരുൾപൊട്ടലുകളും സംഭവിച്ചാൽ തീരാവുന്ന ഭൂമിയെ കേരളത്തിനൊള്ളൂ. ഇതിനോടൊപ്പം കനത്ത മഴയും വരൾച്ചയുമെല്ലാം കൂടിയാകുമ്പോൾ ഭാവി ദുഷ്കരമാകും. എന്നാൽ ഇന്ന് തന്നെ കരുതി തുടങ്ങിയാൽ എല്ലാം നന്നാക്കാനും മതി.