അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൊച്ചി: ക്രിസ്തൃൻ സമുദായത്തിന്‍റെ ജനസംഖ്യ വർധനവിന് പ്രോത്സാഹനവുമായി സിറോ മലങ്കരസഭയുടെ പത്തനംതിട്ട രൂപത. നാലിലധികം കുട്ടികളുള്ളവർക്ക് പ്രതിമാസം 2000 രൂപ നൽകുമെന്നാണ് പത്തനംതിട്ട രൂപതയുടെ വാഗ്ദാനം. ഇത്സംബന്ധിച്ച് പത്തനംതിട്ട രൂപത സർക്കുലർ പുറത്തിറക്കി. നേരത്തെ പാല രൂപത സമാന വാഗ്ദാനവുമായി രംഗത്തെത്തിയത് വിവാദമായിരുന്നു.
രണ്ടായിരത്തിനുശേഷം വിവാഹിതരായ രൂപത അംഗങ്ങൾക്കാണ് കുട്ടികളുടെ എണ്ണം കൂടുന്നതിനനുസരിച്ചുള്ള സാമ്പത്തികമടക്കമുള്ള സഹായം വാഗ്ദാനം ചെയ്തിരിക്കുന്നത്. ഇതിന് പുറമെ ഈ കുടുംബങ്ങള്‍ക്ക് സഭാ സ്ഥാപനങ്ങളിലെ നിയമനങ്ങളിൽ മുൻഗണനയുണ്ടാകും. നാലാമത്തെ കുഞ്ഞിന്‍റെ പ്രസവ ചെലവ് മുതൽ സഭ വഹിക്കും.
കൂടുതൽ കുഞ്ഞുങ്ങളെ സ്വീകരിക്കാൻ ദമ്പതികളെ ഒരുക്കുന്നതിനു വേണ്ടിയാണ് ഇത്തരം നടപടികളെന്നാണ് രൂപത അധ്യക്ഷൻ ഡോ.സാമുവേൽ മാർ ഐറേനിയോസ് പുറത്തിറക്കിയ വാര്‍ത്താകുറിപ്പ് പറയുന്നത്.
നേരത്തെ സമാനമായ നിലപാട് പാല രൂപത സ്വീകരിച്ചത് വിവാദമായിരുന്നു.കൂടുതല്‍ കുട്ടികളുള്ള കുടുംബങ്ങൾ നൽകുമെന്നായിരുന്ന സിറോ മലബാര്‍ സഭ പാലാ രൂപതയുടെ പ്രഖ്യാപനം.
