അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കോവിഡ് മഹാമാരിക്കെതിരെ ലോകത്ത് വികസിപ്പിച്ച വാക്സിനുകൾ ഹലാൽ ആണെന്ന് ലോകാരോഗ്യ സംഘടന. ലോകാരോഗ്യ സംഘടനയുടെ ഔദ്യോഗിക ഫേസ്ബുക്ക് പേജിലൂടെയാണ് വാക്സിൻ ഹലാലാണെന്ന് അറിയിച്ചിരിക്കുന്നത്.
കോവിഡ് വാക്സിനുകളിൽ പന്നി അടക്കമുള്ള മൃഗങ്ങളുടെ കൊഴുപ്പ് അടങ്ങിയിട്ടുണ്ടെന്ന തരത്തിൽ പ്രചാരണങ്ങള്‍ നടന്നിരുന്നു. പന്നി, നായ തുടങ്ങിയ മൃഗങ്ങളുടെ മാംസവും അനുബന്ധ ഉൽപ്പന്നങ്ങളും ഇസ്ലാമിക മതനിയമ പ്രകാരം ഉപയോഗിക്കൽ അനുവദനിയമല്ല (ഹറാം). ഈ സാഹചര്യത്തിലാണ് ലോകാരോഗ്യ സംഘടന വാക്സിൻ ഹലാലാണെന്ന് വ്യക്തമാക്കിയിരിക്കുന്നത്.
”മൃഗങ്ങളിൽ നിന്നുള്ള ഉൽപന്നങ്ങൾ വാക്സിനുകളിൽ ഉൾപ്പെടുത്തിയിട്ടില്ല. ലോകമെങ്ങുമുള്ള ശരിഅത്ത് വിധി പ്രകാരമുള്ള ചർച്ചയിൽ വാക്സിനുകൾ എടുക്കുന്നത് അനുവദനീയമാക്കിയിട്ടുണ്ട്”-ലോകാരോഗ്യ സംഘടന പറഞ്ഞു.
