അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ന്യൂ ഡല്‍ഹി: പെഗാസസ് ഫോണ്‍ ചോര്‍ത്തല്‍ വിവാദം സുപ്രീം കോടതി ജഡ്ജിയുടെ നേതൃത്വത്തില്‍ അന്വേഷിക്കണമെന്ന് ശശി തരൂര്‍. വിഷയം ഇന്ത്യയുടെ പ്രതിച്ഛായയെ തന്നെ ബാധിക്കുമെന്നും പെഗസസ് വാങ്ങിയെന്ന ആരോപണം സര്‍ക്കാര്‍ നിഷേധിച്ചിട്ടില്ലെന്നും തരൂര്‍ പറഞ്ഞു. ഒരു സ്വകാര്യ ചാനലിന് നല്‍കിയ അഭിമുഖത്തില്‍ സംസാരിക്കുകയായിരുന്നു അദ്ദേഹം.
അതേസമയം, പെഗസസ് ഫോണ്‍ ചോര്‍ത്തലുമായി ബന്ധപ്പെട്ടുളള ഐടി പാര്‍ലമെന്ററി സ്റ്റാന്‍ഡിംഗ് കമ്മിറ്റി റിപ്പോര്‍ട്ട് ആഗസ്റ്റില്‍ സമര്‍പ്പിക്കുമെന്ന് അദ്ധ്യക്ഷന്‍ ശശി തരൂര്‍ അറിയിച്ചു. പെഗസസ് ഉപയോഗിച്ച് നിരീക്ഷണം നടത്തിയിട്ടില്ലെന്നാണ് കേന്ദ്ര സര്‍ക്കാര്‍ പറയുന്നത്. പെഗസസ് സര്‍ക്കാരുകള്‍ക്ക് മാത്രമേ നല്‍കാറുള്ളൂ. ചൈനയോ പാകിസ്ഥാനോ ഇന്ത്യയിലെ പ്രമുഖ വ്യക്തികളുടെ വിവരങ്ങള്‍ ചോര്‍ത്തിയെന്ന് വിശ്വസിക്കാന്‍ സാധിക്കുമോയെന്ന് ശശി തരൂര്‍ നേരത്തെ ട്വീറ്റ് ചെയ്തിരുന്നു.
