‘ടൗട്ടെ’ ചു​ഴ​ലി​ക്കാ​റ്റ് കേ​ര​ള​തീ​രം വി​ട്ടു; ബു​ധ​നാ​ഴ്ച വ​രെ മ​ഴ തു​ട​രും; നാളെ 11 ജില്ലകളിൽ യെല്ലോ അലർട്ട്

തി​രു​വ​ന​ന്ത​പു​രം: അ​റ​ബി​ക്ക​ട​ലി​ല്‍ രൂ​പം കൊ​ണ്ട ടൗ​ട്ടെ ചു​ഴ​ലി​ക്കാ​റ്റ് കേ​ര​ള​തീ​രം വി​ട്ടെ​ങ്കി​ലും ചു​ഴ​ലി​ക്കാ​റ്റി​ന്‍റെ പ്ര​ഭാ​വ​ത്താ​ല്‍ കേ​ര​ള​ത്തി​ല്‍ പ​ല​യി​ട​ത്തും ശ​ക്ത​മാ​യ കാ​റ്റും ഇ​ടി​മി​ന്ന​ലോ​ടു കൂ​ടി​യ മ​ഴ​യും ര​ണ്ടു ദി​വ​സം കൂ​ടി തു​ട​രും. അ​ത​തീ​വ്ര ചു​ഴ​ലി​ക്കാ​റ്റാ​യി മാ​റി​യ ടൗ​ട്ടേ വ​ട​ക്ക് പ​ടി​ഞ്ഞാ​റ​ന്‍ ദി​ശ​യി​ല്‍ നീ​ങ്ങി തിങ്കളാഴ്ച വൈ​കു​ന്നേ​ര​ത്തോ​ടെ ഗു​ജ​റാ​ത്ത് തീ​ര​ത്തെ​ത്തു​മെ​ന്നും ചൊ​വ്വാ​ഴ്ച രാ​വി​ലെ​യോ​ടെ ഗു​ജ​റാ​ത്തി​ലെ പോ​ര്‍​ബ​ന്ദ​ര്‍, മ​ഹു​വ (ഭാ​വ്ന​ഗ​ര്‍ ജി​ല്ല ) തീ​ര​ങ്ങ​ള്‍​ക്കി​ട​യി​ലൂ​ടെ ക​ര​യി​ലേ​ക്ക് പ്ര​വേ​ശി​ക്കു​മെ​ന്നു​മാ​ണ് കാ​ലാ​വ​സ്ഥാ നി​രീ​ക്ഷ​ണ കേ​ന്ദ്ര​ത്തി​ന്‍റ നി​ഗ​മ​നം.

ഇ​നി​യൊ​രു അ​റി​യി​പ്പ് ഉ​ണ്ടാ​കു​ന്ന​ത് വ​രെ കേ​ര​ള തീ​ര​ത്ത് ക​ട​ലി​ല്‍ പോ​കു​ന്ന​തി​ന് വി​ല​ക്കേ​ര്‍​പ്പെ​ടു​ത്തി​യി​ട്ടു​ണ്ട്. ചു​ഴ​ലി​ക്കാ​റ്റി​ന്‍റെ സ്വാ​ധീ​ന​ത്താ​ല്‍ ബു​ധ​നാ​ഴ്ച വ​രെ കേ​ര​ള​ത്തി​ല്‍ ഒ​റ്റ​പ്പെ​ട്ട​യി​ട​ങ്ങ​ളി​ല്‍ മ​ണി​ക്കൂ​റി​ല്‍ 30 മു​ത​ല്‍ 40 കി​ലോ​മീ​റ്റ​ര്‍ വ​രെ വേ​ഗ​ത്തി​ലു​ള്ള കാ​റ്റി​നും ഇ​ടി​മി​ന്ന​ലോ​ടു കൂ​ടി​യ മ​ഴ​യ്ക്കും സാ​ധ്യ​ത​യു​ണ്ടെ​ന്ന് കാ​ലാ​വ​സ്ഥാ നി​രീ​ക്ഷ​ണ​കേ​ന്ദ്രം അ​റി​യി​ച്ചു.

മു​ന്ന​റി​യി​പ്പി​ന്‍റെ പ​ശ്ചാ​ത്ത​ല​ത്തി​ല്‍ തി​രു​വ​ന​ന്ത​പു​രം, പാ​ല​ക്കാ​ട്, വ​യ​നാ​ട് ഒ​ഴി​കെ​യു​ള്ള ജി​ല്ല​ക​ളി​ല്‍ ഇ​ന്നും തി​രു​വ​ന​ന്ത​പു​രം, കൊ​ല്ലം, പ​ത്ത​നം​തി​ട്ട, ആ​ല​പ്പു​ഴ, എ​റ​ണാ​കു​ളം, ഇ​ടു​ക്കി, മ​ല​പ്പു​റം, കാ​സ​ര്‍​ഗോ​ഡ് ജി​ല്ല​ക​ളി​ല്‍ നാ​ളെ​യും യെ​ല്ലോ അ​ല​ര്‍​ട്ട് പ്ര​ഖ്യാ​പി​ച്ചു. ചൊ​വ്വാ​ഴ്ച​യ്ക്കു ശേ​ഷം വ​ട​ക്ക​ന്‍ കേ​ര​ള​ത്തി​ല്‍ മ​ഴ കു​റ​യു​മെ​ങ്കി​ലും തെ​ക്ക​ന്‍ കേ​ര​ള​ത്തി​ല്‍ വ്യാ​ഴാ​ഴ്ച വ​രെ ഒ​റ്റ​പ്പെ​ട്ട ശ​ക്ത​മാ​യ മ​ഴ​യ്ക്കു സാ​ധ്യ​ത​യു​ണ്ടെ​ന്നും കാ​ലാ​വ​സ്ഥാ നി​രീ​ക്ഷ​ണ കേ​ന്ദ്രം അ​റി​യി​ച്ചു.

കേരളത്തിൽ ചുഴലിക്കാറ്റ് ഭീഷണി ഒഴിഞ്ഞെങ്കിലും വിവിധ ജില്ലകളിൽ മഴക്കെടുതികൾ തുടരുന്നു. വടകരയിൽ നാലു കിലോമീറ്റർ കടൽഭിത്തിക്ക് കേടുപറ്റി. സംസ്ഥാനത്ത് വിവിധ ജില്ലകളിലായി രണ്ടായിരത്തോളംപേരെ മാറ്റി താമസിപ്പിച്ചിട്ടുണ്ട്. തലസ്ഥാന ജില്ലയിൽ ഇന്നും കനത്ത മഴ തുടർന്നു. പലയിടത്തും വൈദ്യുതി വിതരണം തകരാറിലായി. അപ്പർ കുട്ടനാട്ടിൽ പലയിടത്തും വെള്ളപ്പൊക്കം ഉണ്ടായി. നാളെ പതിനൊന്ന് ജില്ലകളിൽ യെല്ലോ അലർട്ട് മുന്നറിയിപ്പുണ്ട്. തിരുവനന്തപുരം, പാലക്കാട്, വയനാട് ജില്ലകളിൽ മഴ മുന്നറിയിപ്പില്ല.

കനത്ത മഴയില്‍ വടക്കന്‍ ജില്ലകളില്‍ കൃഷിനാശവുമുണ്ടായി. വയനാട്, കോഴിക്കോട് ജില്ലകളിലാണ് കൂടുതല്‍ കൃഷിനാശം. വയനാട് ജില്ലയില്‍ മാത്രം 13 കോടിയില്‍ അധികം രൂപയുടെ നഷ്ടമുണ്ടായതായാണ് കൃഷി വകുപ്പിന്‍റെ പ്രാഥമിക കണക്ക്.

ലക്ഷദ്വീപിലും മഴക്കും കാറ്റിനും ശമനമുണ്ട്. ഭൂതത്താൻ കെട്ട് അണക്കെട്ടിന്‍റെ ഏഴു ഷട്ടറുകൾ തുറന്നു വിട്ടിരിക്കുകയാണ്. കോട്ടയത്ത് മീനച്ചിലാർ, മണിമലയാർ എന്നിവിടങ്ങളിൽ ജലനിരപ്പ് കുറഞ്ഞു. നിലവിൽ 8 ക്യാമ്പുകളിലായി 151 പേരെ മാറ്റിപ്പാർപ്പിച്ചിട്ടുണ്ട്.