അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ന്യൂഡല്ഹി: ഇന്ത്യയില് കോവിഡ് രണ്ടാം തരംഗത്തില്, പ്രതിദിന രോഗബാധിതരുടെ എണ്ണം കുത്തനെ ഉയരുന്ന സാഹചര്യത്തില് വരാനിരിക്കുന്ന കോവിഡ് മൂന്നാം തരംഗം കുട്ടികളെയാണ് കൂടുതല് ബാധിക്കാന് പോകുന്നത് എന്ന വാര്ത്തകള് രക്ഷിതാക്കളില് വലിയ ആശങ്കയാണ് ഉയര്ത്തിയിരിക്കുന്നത്.
അതിനിടെ 12 വയസിന് മുകളില് പ്രായമുള്ള കുട്ടികള്ക്ക് പ്രമുഖ മരുന്ന നിര്മ്മാണ കമ്പനിയായ ഭാരത് ബയോടെക്കിന്റെ കോവാക്സിന് നല്കാന് കേന്ദ്രസര്ക്കാര് അനുമതി നല്കി എന്ന തരത്തില് ഇന്റര്നെറ്റില് വാര്ത്തകള് പ്രചരിക്കുന്നുണ്ട്. എന്നാല് ഈ വാര്ത്ത അടിസ്ഥാന രഹിതമാണെന്ന് കേന്ദ്രസര്ക്കാര് സ്ഥിരീകരിച്ചു. 12 വയസിന് മുകളില് പ്രായമുള്ള കുട്ടികള്ക്ക് വാക്സിന് നല്കാന് ഇതുവരെ സര്ക്കാര് തലത്തില് തീരുമാനമൊന്നും എടുത്തിട്ടില്ലെന്ന് പ്രസ് ഇന്ഫര്മേഷന് ബ്യൂറോയുടെ അറിയിപ്പില് പറയുന്നു. 12 വയസിന് മുകളിലുള്ളവര്ക്ക് വാക്സിന് നല്കാന് അനുമതി നല്കി എന്ന തരത്തിലുള്ള ട്വീറ്റ് വ്യാജമാണെന്നും അഭ്യൂഹങ്ങള്ക്ക് പിന്നാലെ പോകരുതെന്ന് ജനങ്ങള്ക്ക് കേന്ദ്രസര്ക്കാര് മുന്നറിയിപ്പ് നല്കി.
