അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ന്യൂഡല്‍ഹി: രാജ്യത്ത് കോവിഡ് രോഗികളുടെ എണ്ണത്തില്‍ കഴിഞ്ഞ ദിവസങ്ങളെ അപേക്ഷിച്ച് കഴിഞ്ഞ 24 മണിക്കൂറിനിടെ കുറവ് രേഖപ്പെട്ടുത്തി. 3,66,161 പേര്‍ക്കാണ് കഴിഞ്ഞ ഇരുപത്തിനാലു മണിക്കൂറിനിടെ വൈറസ് ബാധ സ്ഥിരീകരിച്ചത്. കഴിഞ്ഞ ഇവസം ഇത് നാല് ലക്ഷത്തിന് മുകളിലായിരുന്നു. 3,754 പേര്‍ ഇന്നലെ കോവിഡ് മൂലം മരിച്ചു.
ഇന്നലെ 3,53,818 പേരാണ് രോഗമുക്തി നേടിയത്. ഇതുവരെ രാജ്യത്ത് കോവിഡ് ബാധിച്ചത് 2,26,62,575 പേര്‍ക്ക്. ഇതില്‍ 1,86,71,222 പേര്‍ രോഗമുക്തരായി. 2,46,116 പേരാണ് ഇതുവരെ കോവിഡ് ബാധിച്ചു മരിച്ചത്.
ഇന്നലെ വരെയുള്ള കണക്ക് അനുസരിച്ച് രാജ്യത്ത് 17,01,76,603 പേര്‍ വാക്‌സിന്‍ സ്വീകരിച്ചതായും കേന്ദ്ര ആരോഗ്യമന്ത്രാലയം അറിയിച്ചു.രാജ്യത്ത് 37,45,237 പേരാണ് ചികിത്സയിലുള്ളത്.
കഴിഞ്ഞ 24 മണിക്കൂറിനിടെ മഹാരാഷ്ട്രയില്‍ 48,401 പേര്‍ക്കാണ് കോവിഡ് സ്ഥിരീകരിച്ചത്. ഇന്ന് രോഗ മുക്തരായി ആശുപത്രി വിട്ടവരുടെ എണ്ണം 60,226 ആണ്. ഇന്ന് 572 പേരാണ് മരണത്തിന് കീഴടങ്ങിയത്.ഇതോടെ സംസ്ഥാനത്തെ ആകെ രോഗികളുടെ എണ്ണം 51,01,737 ആയി. 44,07,818 പേര്‍ക്ക് ഇതുവരെയായി രോഗ മുക്തി. ആകെ മരണം 75,849. നിലവില്‍ 6,15,783 പേര്‍ ചികിത്സയില്‍.
ഇന്നലെ കര്‍ണാടകയില്‍ 47,930 കേസുകളാണ് റിപ്പോര്‍ട്ട് ചെയ്തത്. 490 പേര്‍ മരിച്ചു. 31,796 പേര്‍ക്കാണ് ഇന്ന് രോഗ മുക്തി. അതേസമയം കേരളത്തിൽ ഇന്നലെ 35,801 പേർക്കാണ് കോവിഡ് സ്ഥിരീകരിച്ചത്. 68 മരണവും ഇന്നലെയുണ്ടായി. 28.88 ആണ് ടെസ്റ്റ് പോസിറ്റിവിറ്റി നിരക്ക്
