അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.തിരുവനന്തപുരം റീജേണല് കാന്സര് സെന്ററില് ഓക്സിജന് ക്ഷാമം നേരിടുന്നു. സിലിണ്ടര് വിതരണത്തിലെ അപാകതയാണ് ഓക്സിജന് ക്ഷാമത്തിന് പ്രധാന കാരണം. ഇന്ന് എട്ട് ശസ്ത്രക്രിയകള് മാറ്റിവച്ചു.
ഇന്ന് ഒരു സിലിണ്ടര് പോലും ലഭിക്കാതെ വന്നതിനാലാണ് ശസ്ത്രക്രിയകള് മുടങ്ങിയത്. ഓക്സിജന് വിതരണത്തിലെ അപാകത പരിഹരിക്കണമെന്നാവശ്യപ്പെട്ട് ആരോഗ്യ സെക്രട്ടറിക്കും ജില്ലാ ഭരണകൂടം സജ്ജമാക്കിയ ഓക്സിജന് വാര് റൂമിലും ആര്സിസി ഡയറക്ടര് കത്ത് നല്കി.
കഴിഞ്ഞ ദിവസങ്ങളില് 35 സിലിണ്ടറുകള് വരെ മാത്രമേ ലഭിച്ചിരുന്നുള്ളൂ. അടിയന്തര പ്രാധാന്യമുള്ള ശസ്ത്രക്രിയകള് മാത്രം നടത്തി മറ്റ് ശസ്ത്രക്രിയകള് വെട്ടിക്കുറച്ച് പരിഹാരം കാണുകയായിരുന്നു.
