അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൊൽക്കത്ത ;നന്ദിഗ്രാമിലെ പ്രചാരണത്തിനിടെ പരിക്കേറ്റ പശ്ചിമ ബംഗാൾ മുഖ്യമന്ത്രി മമത ബാനർജി ആശുപത്രി വിട്ടു. കൊൽക്കത്തയിലെ എസ്എസ്‌കെഎം ആശുപത്രിയിൽ ആയിരുന്നു മമത .
ആരോഗ്യനില തൃപ്തികരമാണെന്ന് അറിയിച്ച ഡോക്ടർമാർ മമത ബാനർജിയുടെ നിരന്തരമായ അഭ്യർത്ഥന പരിഗണിച്ചാണ് ഡിസ്ചാർജ് ചെയ്യുന്നതെന്നും അറിയിച്ചു.
നിയന്ത്രണങ്ങളോടെ മമതയ്ക്ക് യാത്ര ചെയ്യാം. ഒരാഴ്ചയ്ക്ക് ശേഷം വീണ്ടും പരിശോധന നടത്തുമെന്നും വ്യക്തമാക്കി. ബുധനാഴ്ചയാണ് പരിക്ക് മൂലം മമതയെ കൊൽക്കത്തയിലെ ആശുപത്രിയിൽ പ്രവേശിപ്പിച്ചത്.അതേസമയം, മമതയ്‌ക്കെതിരെ ആക്രമണം നടന്നുവെന്ന പരാതിയിൽ സമഗ്ര അന്വേഷണമാവശ്യപ്പെട്ട് ബിജെപി തെരഞ്ഞെടുപ്പ് കമ്മിഷനെ സമീപിച്ചു.
