അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ന്യൂയോര്‍ക്ക്: ലോകത്ത് പതിനൊന്ന് കോടി ഇരുപത്തിയാറ് ലക്ഷം പേര്‍ക്കാണ് ഇതുവരെ കോവിഡ് സ്ഥിരീകരിച്ചത്. 24 മണിക്കൂറിനിടെ മൂന്നര ലക്ഷത്തിലധികം പുതിയ കേസുകള്‍ റിപ്പോര്‍ട്ട് ചെയ്തു. രോഗമുക്തി നേടിയവരുടെ എണ്ണം എട്ട് കോടി എണ്‍പത്തിരണ്ട് ലക്ഷമായി ഉയര്‍ന്നു. മരണസംഖ്യ ഇരുപത്തിയഞ്ച് ലക്ഷത്തോട് അടുത്തു.
ഏറ്റവും കൂടുതല്‍ രോഗികളുള്ള അമേരിക്കയില്‍ രണ്ട് കോടി എണ്‍പത്തിയെട്ട് ലക്ഷം കോവിഡ് ബാധിതരാണ് ഉള്ളത്. അരലക്ഷത്തിലധികം പുതിയ കേസുകള്‍ റിപ്പോര്‍ട്ട് ചെയ്തു. 5.14 ലക്ഷം പേര് മരിച്ചു. അതേസമയം, ഇന്ത്യയില്‍ 24 മണിക്കൂറിനിടെ 13,000ത്തിലധികം പുതിയ കേസുകളാണ് റിപ്പോര്‍ട്ട് ചെയ്തത്. രാജ്യത്ത് ആകെ ഒരു കോടി പത്ത് ലക്ഷം രോഗബാധിതരാണ് ഉള്ളത്. നിലവില്‍ 1.44 ലക്ഷം പേര് മാത്രമേ ചികിത്സയിലുള്ളു.1.07 കോടി പേര് രോഗമുക്തി നേടി. മരണസംഖ്യ 1.56 ലക്ഷമായി ഉയര്‍ന്നു. ബ്രസീലില്‍ 1.02 കോടി കോവിഡ് ബാധിതരാണ് ഉള്ളത്. 2.48 ലക്ഷം പേര് മരിച്ചു.
