അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സൗദിയിൽ വരും ദിവസങ്ങളില്‍ മഞ്ഞുവീഴ്‌ചയും തണുപ്പും ശക്തമാകുമെന്ന് മുന്നറിയിപ്പ്. വടക്കന്‍ സൗദിയില്‍ ആയിരിക്കും താപനില പൂജ്യം ഡിഗ്രിയിൽനിന്നു താഴുന്നതെന്നാണ് റിപ്പോര്‍ട്ട്. ശക്തമായ മഞ്ഞുവീഴ്ചയുണ്ടാകാനുള്ള സാധ്യതയുണ്ടെന്ന് കാലാവസ്ഥ വിദഗ്തര്‍ പറയുന്നു. പ്രദേശവാസികൾ ജാഗ്രത പാലിക്കണമെന്നും വിദഗ്ദര്‍ മുന്നറിയിപ്പ് നല്‍കിയിട്ടുണ്ട്.
ബുധന്‍ ,വ്യാഴം, വെള്ളി ദിവസങ്ങളിലാണ് മഞ്ഞു വീഴ്ച അനുഭവപ്പെടാന്‍ സാധ്യതയെന്നാണ് റിപ്പോര്‍ട്ട്. വടക്കൻ സൗദിയിലെ തബൂഖ്, അൽജൗഫ് ഭാഗങ്ങളിൽ ആയിരിക്കും മഞ്ഞുവീഴ്‌ച ഉണ്ടാകുക. ശക്തമായ കാറ്റോടുകൂടി മഴ പെയ്യാനും സാധ്യതയുണ്ടെന്നാണ് നല്‍കിയിരിക്കുന്ന മുന്നറിയിപ്പ്.
അൽലോസ് പർവതനിരകളിൽ താപനില മൈനസ് 10 ഡിഗ്രി വരെ താഴേക്കു പോകുമെന്നും മുന്നറിയിപ്പില്‍ പറയുന്നു.ചെങ്കടലിലെ വടക്കുപടിഞ്ഞാറൻ മേഖലകളില്‍ 15 മുതൽ 45 വരെ കിലോമീറ്റർ വേഗത്തില്‍ കാറ്റ് വീശാന്‍ സാധ്യതയുണ്ട്. എല്ലാവരും ജാഗ്രത പാലിക്കണമെന്നും സുരക്ഷിതമായിരിക്കണമെന്നും സിവിൽ ഡിഫൻസ് മുന്നറിയിപ്പ് നൽകിയിട്ടുണ്ട്.
