അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.റിയാദ്: സൗദി അറേബ്യയിൽ ഇന്ന് പുതുതായി 186 പേർക്ക് കോവിഡ് സ്ഥിരീകരിച്ചു. ഇതോടെ സൗദിയിൽ റിപ്പോർട്ട് ചെയ്ത ആകെ കോവിഡ് കേസുകൾ 3,66,185 ആയി ഉയർന്നു.
രോഗം ബാധിച്ച് ഇന്ന് രണ്ടുപേര്‍ മരിച്ചു. ആകെ മരണസംഖ്യ 6352 ആയി ഉയർന്നു. കോവിഡ് വ്യാപനം തുടങ്ങിയ ശേഷം സൗദിയിൽ രേഖപ്പെടുത്തുന്ന ഏറ്റവും കുറഞ്ഞ മരണസംഖ്യയാണ് ഇന്നത്തേത്.
രോഗബാധിതരിൽ 211 പേർ സുഖം പ്രാപിച്ചു. 3,57,728 പേരാണ് ഇതുവരെ രോഗമുക്തി നേടിയത്.
രാജ്യത്ത് വിവിധ ആശുപത്രികളിൽ ചികിത്സയിൽ കഴിയുന്ന രോഗികളുടെ എണ്ണം 2080 ആണ്. ഇതിൽ 331 പേർ ഗുരുതരാവസ്ഥയിലാണ്. ഇവർ രാജ്യത്തെ വിവിധ ആശുപത്രികളിൽ തീവ്രപരിചരണ വിഭാഗത്തിലാണ്. ബാക്കിയുള്ളവരുടെ ആരോഗ്യസ്ഥിതി തൃപ്തികരമാണ്.
