അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.തന്റെ ജീവിതത്തിൽ തനിക്ക് പറ്റിയ ചതിവിനെ കുറിച്ച് തുറന്നു പറഞ്ഞ് നടി സണ്ണി ലിയോൺ. മുൻ കാമുകനിൽ നിന്നും ഉണ്ടായ മോശം അനുഭവങ്ങളാണ് സണ്ണി ലിയോൺ വെളിപ്പെടുത്തിയത്. വിവാഹം നിശ്ചയം വരെ കഴിഞ്ഞ ശേഷം മുൻ കാമുകൻ തന്നെ ചതിച്ചുവെന്ന് താരം പറയുന്നു.
ഡെസ്റ്റിനേഷൻ വെഡ്ഡിങ് വരെ പ്ലാൻ ചെയ്തതിന് ശേഷമാണ് കാമുകൻ തന്നെ ചതിച്ചത്. വിവാഹത്തിനായുള്ള എല്ലാ ഒരുക്കങ്ങളും പൂർത്തിയാക്കിയിരുന്നു. വിവാഹ വസ്ത്രങ്ങൾ വരെ എടുത്തു. എന്നാൽ, എന്തോ പ്രശ്നമുണ്ടെന്നും അവൻ എന്നെ ചതിക്കുമെന്നും തനിക്ക് തോന്നിയിരുന്നു. തന്നോട് സ്നേഹമുണ്ടോ എന്ന് അവനോട് താൻ ചോദിച്ചപ്പോൾ. ഇല്ലെന്നായിരുന്നു അവന്റെ മറുപടി. ഇത് തന്നെ തകർത്തു കളഞ്ഞു. ജീവിത്തിലെ ഏറ്റവും മോശം അനുഭവമായിരുന്നു അതെന്നും അത്രയും മോശപ്പെട്ട അവസ്ഥയിലൂടെ താൻ അന്ന് കടന്നു പോയതെന്നും സണ്ണി ലിയോൺ വ്യക്തമാക്കി.
വിവാഹത്തിന് തൊട്ട് മുൻപ് കാമുകൻ വേണ്ടെന്ന് പറഞ്ഞത് തനിക്ക് താങ്ങാൻ കഴിഞ്ഞില്ലെന്നും താരം പറഞ്ഞു.
പിന്നീട് തന്റെ ജീവിതത്തിലുണ്ടായ നല്ല കാര്യങ്ങളെ കുറിച്ചും താരം വിവരിക്കുന്നുണ്ട്. അതിനുശേഷം ദൈവം തനിക്കുവേണ്ടി അതിശയകരമായ ഒരു കാര്യം ചെയ്തു. മാലാഖയെപ്പോലൊരു മനുഷ്യനെ തനിക്ക് ഭർത്താവായി തന്നു. തന്റെ അച്ഛനും അമ്മയും മരിച്ചപ്പോഴെല്ലാം അദ്ദേഹം തന്റെ കൂടെനിന്നു. തന്റെ സങ്കടത്തിന്റെ ഭാരം കുറച്ചു. ഒരുപാട് കാലമായി അദ്ദേഹം തന്നെ സ്നേഹിച്ച് തന്നോടൊപ്പമുണ്ട്. ഏറ്റവും അർഹതപ്പെട്ടത് നിങ്ങൾക്ക് ലഭിക്കാനായി ദൈവം പല പദ്ധതികളും നടപ്പിലാക്കുമെന്നും താരം കൂട്ടിച്ചേർത്തു.
