അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.അനശ്വരം എന്ന സിനിമയില്‍ മമ്മൂട്ടിയുടെ നായികയായി വെള്ളിത്തിരയിലേക്ക് എത്തിയ നടിയാണ് ശ്വേത മേനോന്‍. ബോൾഡായ മറുപടികളും പ്രതികരണങ്ങളും കൊണ്ട് ഇടയ്ക്കിടെ താരം വിവാദങ്ങളിൽ അകപ്പെട്ടുപോകാറുണ്ട് എങ്കിലും മലയാളി പ്രേക്ഷകർക്ക് എന്നും ശ്വേതയോട് ഒരു പ്രത്യേക സ്നേഹം തന്നെയാണ്. മകളുടെ പ്രൈവസിക്ക് മുൻ‌തൂക്കം നൽകുന്ന ഒരു അമ്മയാണ് ശ്വേത. അതുകൊണ്ട് തന്നെ മാധ്യമങ്ങൾക്ക് മുന്നിലേക്ക് കൊണ്ടുവരികയോ മകളുടെ ഒരു ഫോട്ടോ പോലും സോഷ്യൽ മീഡിയയിൽ ഷെയർ ചെയ്യുകയോ താരം ചെയ്യാറില്ല.
ഒരു അഭിമുഖത്തിൽ മകളെ കുറിച്ച് ശ്വേത മനസ് തുറക്കുന്നത് ആണ് ആരാധകർ ഇപ്പോൾ ഏറ്റെടുത്തിരിക്കുന്നത്. “അവളെ ഞാൻ വിളിക്കുന്നത് അമ്മയെന്നാണ്, അവളെന്നെ വിളിക്കുന്നത് വാവയെന്നും. അവളുടെ വാവയാണ് ഞാൻ. മകൾ അഞ്ചാം ക്ലാസിൽ പഠിക്കുകയാണ് ഇനി ആറിലേക്കാണ്. അഞ്ചാറ് ബുക്സ് എഴുതിയിട്ടുണ്ട്. ഓൺലൈനിൽ ഇട്ടിട്ടുണ്ട്. 1500 ഓളം റീഡേഴ്സ് ഉണ്ട്. അവൾക്ക് എഴുതാൻ ഇഷ്ടമാണ്. ആ ബുക്ക്സ് ഒക്കെ ഡിസൈൻ ചെയ്യുന്നതും അവള് തന്നെയാണ്. അവൾക്കിപ്പോൾ 10 വയസ്സേ ഉള്ളെങ്കിലും നാലഞ്ചു വർഷം മുൻപാണ് ഇതൊക്കെ ചെയ്തത്. കുറച്ചു ബുദ്ധിജീവിയാണ്. നന്നായി വായിക്കുന്ന കുട്ടിയാണ്. സിനിമകൾ ഒക്കെ കാണും. ഗെയിംസ് അച്ഛനും മോളും കളിക്കാറുണ്ട്. ഞാനും കൂടാറുണ്ട്.
സിനിമയിൽ അഭിനയിക്കുന്ന തരത്തിലുള്ള ചർച്ചകൾ ഒന്നും ഞങ്ങൾ വീട്ടിൽ നടത്താറില്ല. അവൾക്ക് അവളുടെ വ്യക്തിത്വം ഉണ്ട്. അവൾക്ക് എന്താണ് ഇഷ്ടം അത് ചെയ്യാനുള്ള സ്പേസ് അവിടെയുണ്ട്. അവൾ എന്ത് പഠിക്കണം ഏതൊരു രീതിയിൽ മുന്നോട്ടു പോണം സിനിമ ഡയറക്റ്റ് ചെയ്യണോ ആക്ട് ചെയ്യണോ മോഡലിംഗ് ചെയ്യണോ, അതൊന്നും ചെയ്യാതെ വേറെന്തെങ്കിലും ചെയ്യണോ, അവൾക്ക് എന്തും ചെയ്യാൻ ഉള്ള സ്വാതന്ത്ര്യം ഉണ്ട്.
സിനിമയിലേക്കാണ് അവൾ പിറന്നുവീണതൊന്നും ആരോടും അവൾ ഷെയർ ചെയ്യാറില്ല. അവളെന്റെ മകൾ ആണെങ്കിലും അങ്ങനെ ആരോടും അത്ര ഫ്രണ്ട്ലി അല്ല. ഞാൻ അവളോട് പറഞ്ഞു കൊടുക്കാറുണ്ട് സബാനയ്ക്ക് കിട്ടിയത് ഒരു ഭാഗ്യമാണ്, അത് ഓവർ ആയിട്ട് എടുക്കരുത്, ബഹുമാനിക്കുക എന്നൊക്കെ. ഞാൻ പിന്നെ പറയാറുള്ളത് ഞാൻ നിനക്ക് ഒന്നും തരില്ല നല്ല വിദ്യാഭ്യാസം തരും. കാശൊന്നും തരില്ല അതൊക്കെ എനിക്ക് അച്ഛനും ചെലവാക്കാൻ ഉള്ളതാണ്. നീ സ്വന്തമായിട്ട് കാശുണ്ടാക്കുക അതാണ് ഞാൻ അവളോട് പറയാറുള്ളത്. പഠിപ്പിക്കുക ആണ് എന്റെ ദൗത്യം. ഏതു ദിശയിലേക്കാണോ നിനക്ക് പോകേണ്ടത് അതെല്ലാം ഞാൻ നിനക്ക് ചെയ്തു തരും. ഒന്നും നീ ഞങ്ങളിൽ നിന്ന് പ്രതീക്ഷിക്കരുത്. കാശോ പ്രോപ്പർട്ടിയോ അങ്ങനെ ഒന്നും കിട്ടില്ല.
എന്തിനാണ് നമ്മൾ കുട്ടികൾക്ക് പലതും ചെയ്തുകൊടുക്കുന്നത്. അവർ തനിയെ വളരട്ടെ. എല്ലാരും ഫ്രീ ബേർഡ്സ് ആണ്. നമ്മളൊക്കെ ആരെങ്കിലും എന്തെങ്കിലും ചെയ്ത് തന്നിട്ട് ഇങ്ങനെ ആയതാണോ? ഫാമിലിയുടെ പ്രശ്നങ്ങൾ തലയിലും തോളത്തും കൊടുക്കുമ്പോഴാണ് ഒന്നും ചെയ്യാൻ കഴിയാതെ വരുന്നത്. പിള്ളേരെ പറക്കാൻ സമ്മതിക്കൂ. അപ്പോൾ അവരെന്തെങ്കിലും ഒക്കെ നേടിയെടുക്കും. നമ്മൾ ഇത്രയൊക്കെ തന്നിട്ടുണ്ട് അങ്ങനെ പറയുന്നതിൽ കാര്യമില്ല. നമ്മൾ വയ്യാതെ കിടക്കുമ്പോൾ അയ്യോ അമേരിക്കയിൽ പോയാൽ മതിയായിരുന്നു എന്ന് ചിന്തിച്ചിട്ട് കാര്യമില്ല. നമ്മൾ ജീവിതം എൻജോയ് ചെയ്യുക.
മോളും എന്നെപ്പോലെയാണ് അച്ഛൻ കുട്ടിയാണ്. ചരിത്രം ആവർത്തിക്കുകയാണ്. അവളുടെ എല്ലാ കാര്യങ്ങളും അവളുടെ എല്ലാ ബോഡി ലാംഗ്വേജ്സ് ഒക്കെ കാണുമ്പോൾ എന്റെ കുട്ടിക്കാലമാണ് ഓർമ്മ വരിക. ഞാനെന്റെ അമ്മയെ എങ്ങനെയാണ് ട്രീറ്റ് ചെയ്തത് അതുപോലെ തന്നെ അവൾ എന്നെ ട്രീറ്റ് ചെയ്യുന്നത്. ഞാൻ അമ്മയായതിനുശേഷമാണ് ഞാൻ എന്റെ അമ്മയ്ക്ക് വേണ്ടി ആലോചിക്കാൻ തുടങ്ങിയത്” ശ്വേത പറയുന്നു.
രതിനിര്‍വേദം, കളിമണ്ണ് പോലെയുള്ള സിനിമകളില്‍ അഭിനയിച്ച് വിമര്‍ശനങ്ങള്‍ നേടിയ താരം ആണ് ശ്വേത മേനോൻ. ജേണലിസ്റ്റ് ആയ ശ്രീവത്സൻ മേനോനെ ആണ് ശ്വേത വിവാഹം ചെയ്തിരിക്കുന്നത്. ശ്വേത മകൾ സബാനയെ പ്രസവിക്കുമ്പോൾ ആ ദൃശ്യങ്ങൾ കളിമണ്ണ് സിനിമയ്ക്ക് വേണ്ടി ചിത്രീകരിച്ചിരുന്നു. ഇതുകൊണ്ട് തന്നെ ഒരുപാട് വിവാദങ്ങളുയർത്തിയ ചിത്രമായിരുന്നു കളിമണ്ണ്.
