അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ദേവസ്വം മന്ത്രി ഇനി കേന്ദ്ര എം.പി. കേരളത്തില്‍ ഏതു മണ്ഡലത്തില്‍ നിര്‍ത്തിയാലും ജനങ്ങള്‍ അംഗീകരിക്കുന്ന ഏക കമ്യൂണിസ്റ്റുകാരന്‍ ആരെന്നു ചോദിച്ചാല്‍ ഒറ്റ പേരേ പറയാനുള്ളൂ. അതാണ് കെ. രാധാകൃഷ്ണന്‍. ചേലക്കരയുടെ സ്വന്തം രാധേട്ടന്‍. പട്ടികജാതി പട്ടിക വര്‍ഗ മന്ത്രിയും, സ്പീക്കറും, പിന്നെ ദേവസ്വം മന്ത്രിയുമൊക്കെയായി അദ്ദേഹം കേരളത്തിന്റെ രാഷ്ട്രീയ മണ്ഡലത്തില്‍ നിറഞ്ഞു നിന്നു.
ഇപ്പോള്‍ ആലത്തൂരിന്റെ സ്വന്തം എംപിയായി മാറിയിരിക്കുകയാണ്. സിറ്റിംഗ് എം.പി രമ്യാ ഹരിദാസിനെ തോല്‍പ്പിച്ചാണ് രാധാകൃഷ്ണന്റെ ആദികാരിക വിജയം. 1964 മെയ് 24ന് ഇടുക്കി പുള്ളിക്കാനം വാഗമണ്ണില്‍ ജനിച്ചു. അദ്ദേഹം നിലവില്‍ കേരള സര്‍ക്കാരിന്റെ രണ്ടാം പിണറായി വിജയന്‍ മന്ത്രിസഭയിലും കേന്ദ്രത്തിലും പട്ടികജാതി , പട്ടികവര്‍ഗ്ഗ, പിന്നാക്ക വിഭാഗ ക്ഷേമം, ദേവസ്വം, പാര്‍ലമെന്ററി കാര്യ മന്ത്രിയായി സേവനമനുഷ്ഠിക്കുന്നു.
2006 മുതല്‍ 2011 വരെ കേരള നിയമസഭയുടെ മുന്‍ സ്പീക്കറായിരുന്നു. 1996 മുതല്‍ 2016 വരെ ചേലക്കര എം.എല്‍.എ.യായി സേവനമനുഷ്ഠിച്ചിട്ടുണ്ട്. പട്ടികജാതി ക്ഷേമസമിതിയുടെ അഖിലേന്ത്യാ പ്രസിഡന്റാണ്. എസ്എഫ്‌ഐയുടെ സജീവ പ്രവര്‍ത്തകനായിരുന്നു , ശ്രീ കേരള വര്‍മ്മ കോളേജ് യൂണിറ്റ് സെക്രട്ടറി , ചേലക്കര ഏരിയ സെക്രട്ടറി, എസ്എഫ്‌ഐ നേതാവായി തൃശൂര്‍ ജില്ലാ സെക്രട്ടേറിയറ്റ് അംഗം തുടങ്ങിയ സ്ഥാനങ്ങള്‍ വഹിച്ചിട്ടുണ്ട്.
ചേലക്കര ബ്ലോക്ക് കമ്മിറ്റി സെക്രട്ടറി, ഡിവൈഎഫ്‌ഐ സംസ്ഥാന കമ്മിറ്റി അംഗം എന്നീ നിലകളിലും പ്രവര്‍ത്തിച്ച അദ്ദേഹം ഇപ്പോള്‍ സിപിഐ എം കേന്ദ്രകമ്മിറ്റി അംഗമാണ്. 1991-ല്‍ വള്ളത്തോള്‍ നഗര്‍ ഡിവിഷനില്‍ നിന്നാണ് രാധാകൃഷ്ണന്‍ തൃശൂര്‍ ജില്ലാ കൗണ്‍സിലിലേക്ക് തിരഞ്ഞെടുക്കപ്പെട്ടത്.
1996, 2001, 2006 വര്‍ഷങ്ങളില്‍ നിയമസഭയിലേക്ക് തിരഞ്ഞെടുക്കപ്പെട്ടു. 1996 മുതല്‍ 2001 വരെ പിന്നാക്ക-പട്ടികവര്‍ഗ ക്ഷേമ-യുവജനകാര്യ മന്ത്രിയായി സേവനമനുഷ്ഠിച്ചു. 2001 മുതല്‍ 2006 വരെ പ്രതിപക്ഷ ചീഫ് വിപ്പായി തൃശൂര്‍ ജില്ലയായിരുന്നു അദ്ദേഹം. 2016 മുതല്‍ 2018 വരെ സിപിഐ എം സെക്രട്ടറിയായിരുന്നു.
2013 മുതല്‍ 2018 വരെ ഇടതുപക്ഷ ജനാധിപത്യ മുന്നണി എല്‍ഡിഎഫിന്റെ തൃശൂര്‍ ജില്ലാ കണ്‍വീനറും ആയിരുന്നു . 2018-ല്‍ നടന്ന 22-ാം പാര്‍ട്ടി കോണ്‍ഗ്രസില്‍ അദ്ദേഹം സിപിഐ എം കേന്ദ്രകമ്മിറ്റിയിലേക്ക് തിരഞ്ഞെടുക്കപ്പെട്ടു.
