അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മുടിയുള്ളവരെല്ലാം അഭിമുഖീകരിക്കുന്ന പ്രശ്നമാണ് മുടികൊഴിച്ചിൽ എന്ന് പറയേണ്ടിവരും. ഭൂരിഭാഗം പേരും മുടി വളരുന്നില്ല എന്ന പരാതി അല്ല പറയുന്നത്. മറിച്ച് മുടി കൊഴിയുന്നു എന്നാണ്. ഇതിന് പരിഹാരം കാണാനുള്ള ഓട്ടത്തിലാണ് എല്ലാവരും. തലയിൽ എണ്ണ ഉപയോഗിച്ചും ഹെയർ പാക്കുകൾ ഉപയോഗിച്ചു ഇതിനെ നിയന്ത്രിക്കാൻ ശ്രമിക്കുന്നു. എന്നാൽ പുറമേ നിന്നുള്ള കരുതൽ മാത്രമല്ല മുടികൊഴിച്ചിൽ നിയന്ത്രിക്കാൻ വേണ്ടത്. വേണ്ടത്ര പോഷകങ്ങൾ ശരീരത്തിൽ എത്തിയില്ലെങ്കിൽ മുടികൊഴിച്ചിൽ ഉണ്ടാകാം.
മുടിയുടെ വളര്‍ച്ച ത്വരിതപ്പെടുത്താനും മുടി കൊഴിച്ചില്‍ നിര്‍ത്താനുമെല്ലാം തന്നെ ചില നട്‌സ്, സീഡ്‌സ് കഴിയ്ക്കുന്നത് ഏറെ ന്ല്ലതാണ്. മുടിയ്ക്ക് പ്രോട്ടീന്‍, ബയോട്ടിന്‍, വൈറ്റമിനുകള്‍ എന്നിവയെല്ലാം തന്നെ അത്യാവശ്യമാണ്. ഇവ വേണ്ട രീതിയില്‍ ശരീരത്തില്‍ എത്തിയാലേ ഗുണം ലഭിയ്ക്കൂ.
വാള്‍നട്‌സ്
വാള്‍നട്‌സ് ആണ് അടുത്തത്. ഇത് ബുദ്ധിശക്തിയ്ക്കും ഓര്‍മശക്തിയ്ക്കുമെല്ലാം ഏറെ നല്ലതാണ്. ഇതില്‍ വൈറ്റമിന്‍ ഇ, പ്രോട്ടീന്‍, കൊഴുപ്പ് എന്നിവയെല്ലാം അടങ്ങിയിട്ടുണ്ട്. ഫൈറ്റോകെമിക്കലുകളും ഉയർന്ന അളവിലുള്ള പോളിഅൺസാച്ചുറേറ്റഡ് കൊഴുപ്പുകളും വാൽനട്ടിൽ അടങ്ങിയിട്ടുണ്ട്. ഇതിലെ ഒമേഗ -3 ഫാറ്റി ആസിഡുകൾ മറ്റ് പല ഗുണങ്ങളും നല്‍കുന്നവയാണ് .ദിവസവും 4, 5 എണ്ണം കഴിയ്ക്കാം. മുടിയ്ക്കും ചര്‍മത്തിനുമൊപ്പം ഏറെ ആരോഗ്യഗുണങ്ങള്‍ നല്‍കുന്ന ഒന്നാണിത്. ഒമേഗ -3 ഫാറ്റി ആസിഡുകൾ കേന്ദ്ര നാഡീവ്യവസ്ഥയുടെ വികാസത്തിനും പ്രവർത്തനത്തിനും പ്രധാനമാണ്. വാൾനട്ട് കഴിക്കുന്നത് ദഹനാരോഗ്യം മെച്ചപ്പെടുത്താനും നല്ലതാണ്.
പംപ്കിന്‍ സീഡ്
അടുത്തത് പംപ്കിന്‍ സീഡ് ആണ്. മത്തന്‍കുരു മുടിയുടെ ആരോഗ്യത്തിന് ഏറെ നല്ലതാണ്. ഇതില്‍ വൈറ്റമിന്‍ ഇ അടങ്ങിയിട്ടുണ്ട്. സഹായിക്കുന്നവ കൂടിയാണ്. സിങ്ക്, മഗ്നീഷ്യം, ഫോസ്ഫറസ് എന്നിവയെല്ലാം മത്തങ്ങാക്കുരുവില്‍ അടങ്ങിയിട്ടുണ്ട്. പുതിയ മുടികള്‍ വരാന്‍ ഇതേറെ നല്ലതാണ്. ആന്റി ഓക്‌സിഡന്റുകള്‍ നിറഞ്ഞതും ഫോസ്ഫറസ്, മഗ്നീഷ്യം എന്നിവയുടെ സമ്പന്നമായ ഉറവിടം ഉള്ളതിനാല്‍ മത്തങ്ങ വിത്തുകള്‍ നമ്മുടെ ഹൃദയാരോഗ്യത്തിനും ഹൃദയാഘാത സാധ്യത കുറയ്ക്കുന്നതിനും നല്ലതാണ്. ട്രിപ്‌റ്റോഫാന്റെ സ്വാഭാവിക ഉറവിടമായതിനാല്‍ മത്തങ്ങ വിത്തുകള്‍ ഉറക്കത്തെ സഹായിക്കുന്നവ കൂടിയാണ്.
ചിയ സീഡുകള്‍
അടുത്തത് ചിയ സീഡുകള്‍ ആണ്. ഇത് മുടിയുടെ ആരോഗ്യത്തിന് ഏറെ നല്ലതാണ്. മുടിയുടെ നീളവും കട്ടിയും ആരോഗ്യവുമെല്ലാം കൂട്ടാന്‍ ഇതേറെ നല്ലതാണ്. ിഇവയില്‍ ഒമേഗ 3 അടക്കമുളള പല പോഷകങ്ങളും അടങ്ങിയിട്ടുണ്ട്. ഇത്തരം ഗുണങ്ങള്‍ നല്‍കുന്ന ഒന്ന് തന്നെയാണ് ഫ്‌ളാക്‌സ് സീഡുകളും. ഇവ ഒമേഗ 3 ഫാറ്റി ആസിഡുകളുടെ നല്ലൊരു ഉറവിടമാണ്. മുടിയുടെ ആരോഗ്യത്തിന് മികച്ചതാണ് ഇവ. മുടിയ്ക്ക് പായ്ക്കായി ഉപയോഗിയ്ക്കാവുന്ന ഒന്നു കൂടിയാണ് ഫ്‌ളാക്സ്സീഡ് ജെല്‍. സീഡ് 2 ടേബിള്‍സ്പൂണ്‍ കഴിച്ചാല്‍ മതിയാകും. ഇവ രണ്ടും ചേര്‍ത്ത് കഴിയ്ക്കുകയാണെങ്കിലും ആകെച്ചേര്‍ത്ത് 2 ടേബിള്‍സ്പൂണ്‍ മതിയാകും. ഇവ വയറിന്റെ ആരോഗ്യത്തിനും ചര്‍മാരോഗ്യത്തിനുമെല്ലാം ഏറെ നല്ലതാണ്. മുടിയ്ക്കും ചര്‍മത്തിനും മാത്രമല്ല, ശരീരത്തിന്റെ ആകെയുള്ള ആരോഗ്യത്തിനും ഏറെ നല്ലതാണ് ഇത്.
കപ്പലണ്ടി
നമുക്ക് സര്‍വ സാധാരണമായി കിട്ടുന്ന കപ്പലണ്ടി അഥവാ നിലക്കടല മുടി കൊഴിച്ചില്‍ നിര്‍ത്താന്‍ നല്ലതാണ്. പ്രോട്ടീന്‍, ബയോട്ടിന്‍, വൈററമിന്‍ ഇ എന്നിവ അടങ്ങിയിട്ടുണ്ട്. ബാക്കിയുള്ള നട്‌സിനെ അപേക്ഷിച്ച് നോക്കുമ്പോള്‍ ഇത് വാങ്ങാനും അത്രയ്ക്ക് വിലയില്ല. ഇത് ദിവസവും ഒരു പിടി കഴിയ്ക്കുന്നത് തന്നെ ഏറെ ഗുണം ലഭിയ്ക്കും. ഇതില്‍ അയേണും ഉള്‍പ്പെടുന്നു. ഇത് എണ്ണ വച്ച് വറുത്ത് കഴിയ്ക്കരുത്. ഇതുപോലെ മധുരം ചേര്‍ത്ത് കഴിയ്ക്കരുത്. ഇതൊന്നും ആരോഗ്യത്തിന് നല്ലതല്ല. നിലക്കടല പുഴുങ്ങിക്കഴിയ്ക്കാം. ഇതല്ലെങ്കില്‍ എണ്ണ ചേര്‍ക്കാതെ വറുത്ത് കഴിയ്ക്കാം.
ബദാം
ബദാം മുടി കൊഴിച്ചില്‍ നിര്‍ത്താന്‍ ഏറെ നല്ലതാണ്. ഇതിലെ ഒമേഗ 3 ഫാറ്റി ആസിഡുകള്‍ ചര്‍മവും മുടിയുമെല്ലാം ആരോഗ്യത്തോടെയിരിയ്ക്കാന്‍ നല്ലതാണ്. താരന്‍ പോലുളള പ്രശ്‌നങ്ങള്‍ക്കും ഇതേറെ നല്ലതാണ്. ബയോട്ടിനും ഇതിലേറെയുണ്ട്. 5-8 വരെ ബദാം കുതിര്‍ത്ത് കഴിയ്ക്കുന്നത് ഏറെ നല്ലതാണ്. ഇത് ദിവസവും കഴിയ്ക്കാം. മുടിയുടേയും ചര്‍മത്തിന്റെയും ആരോഗ്യത്തിന് മാത്രമല്ല, മറ്റ് പല ഗുണങ്ങളും നല്‍കുന്നവയാണ് ബദാം.
content highlight: Eat-these-nuts-to-avoid-hair-loss
