അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വളരെ കുറച്ച് കാലം മാത്രം മലയാള സിനിമയില്‍ അഭിനയിച്ച നടിയാണ് സംയുക്താവര്‍മ്മ. എന്നാല്‍ ഉണ്ടായിരുന്ന കാലമത്രയും അതിമനോഹരമായ കഥാപാത്രങ്ങളെ അവതരിപ്പിച്ചുകൊണ്ട് പ്രേക്ഷകരുടെ മനസ്സില്‍ ഇടം നേടുകയും ചെയ്തിരുന്നു താരം. വളരെ യാദൃശ്ചികമായി ആയിരുന്നു സംയുക്ത സിനിമ രംഗത്തേക്ക് എത്തിയത്. സത്യന്‍ അന്തിക്കാടിന്റെ വീണ്ടും ചില വീട്ടുകാര്യങ്ങള്‍ ആയിരുന്നു നടിയുടെ ആദ്യ ചിത്രം. ഇപ്പോളിതാ സംയുക്തയെക്കുറിച്ച് സംവിധായകന്‍ സത്യന്‍ അന്തിക്കാട് പറഞ്ഞിരിക്കുന്ന ഒരു വീഡിയോ ആണ് വൈറല്‍ അയിരിക്കുന്നത്.
ലൊക്കേഷനില്‍ ക്ഷമയുടെ നെല്ലിപ്പലക കാണിച്ച നായികമാര്‍ ഉണ്ടായിട്ടുണ്ടെന്നും അത് സംയുക്ത വര്‍മ്മ ആയിരുന്നെന്നും പറയുകയാണ് സത്യന്‍ അന്തിക്കാട്.’ സെറ്റില്‍ ക്ഷമയുടെ നെല്ലിപ്പലക കാണിച്ച നായികമാര്‍ ഉണ്ടായിട്ടുണ്ട്. അത് സംയുക്ത വര്‍മ്മയാണ്. സംയുക്ത വര്‍മ്മ ആദ്യമായി അഭിനയിക്കുന്നത് വീണ്ടും ചില വീട്ടുകാര്യങ്ങള്‍ എന്ന സിനിമയിലാണ്. ഗൃഹലക്ഷ്മിയുടെ കവര്‍പേജിലെ ചിത്രം കണ്ടിട്ടാണ് ഞാന്‍ സംയുക്തയെ സിനിമയിലേക്ക് വിളിക്കുന്നത്. പി വി ഗംഗാധരന്‍ ആയിരുന്നു ആ ചിത്രം നിര്‍മ്മിച്ചത്. ഒരു ദിവസം ഗംഗാധരന്റെ ഭാര്യ പറഞ്ഞിട്ടാണ് ഞാന്‍ സംയുക്തയെ വിളിക്കുന്നത്. പക്ഷേ സംയുക്തയ്ക്ക് സിനിമയില്‍ അഭിനയിക്കാന്‍ താല്‍പ്പര്യമില്ലായിരുന്നു’.
‘ഞാന്‍ നിര്‍ബന്ധിച്ചാണ് അവരെ അഭിനയിക്കാനായി കൊണ്ടുവന്നത്. പുതിയ കുട്ടി അല്ലേ അവള്‍ക്ക് കാര്യങ്ങള്‍ ഒന്നും അറിയില്ലായിരുന്നു.. അന്നൊക്കെ സിനിമ ഷൂട്ട് ചെയ്തിരുന്നത് 400 അടി ഫിലിമിലാണ്, ടേക്ക് 1,2,3 എടുത്തുകഴിഞ്ഞാല്‍ പിന്നെ അടുത്ത ഫിലിം ഇടേണ്ടിവരും. ഇതൊന്നും അവള്‍ക്കറിയില്ലായിരുന്നു. അപ്പോള്‍ ഞാന്‍ പറഞ്ഞു കൊടുത്തു.. വലിയ വിലയുള്ള ഫിലിമാണ് ശ്രദ്ധിച്ചുവേണം അഭിനയിക്കാന്‍ എന്ന്. അപ്പോള്‍ ആ കുട്ടി പറഞ്ഞു.. ഞാന്‍ പറഞ്ഞില്ലല്ലോ പ്രൊഡ്യൂസറിനോട് എന്നെ വെച്ച് അഭിനയിപ്പിക്കണമെന്ന്, അതൊന്നും എനിക്കറിയില്ല എന്ന്. എനിക്കത് വളരെ രസകരമായി തോന്നി. അത്രയും ഇന്നസെന്റ് ആയിരുന്നു സംയുക്ത. പക്ഷേ ആ സിനിമയ്ക്ക് തന്നെ സംയുക്തയ്ക്ക് ആ വര്‍ഷത്തെ മികച്ച നടിക്കുള്ള സംസ്ഥാന അവാര്‍ഡും ലഭിച്ചിരുന്നു
STORY HIGHLIGHTS: Sathyan Anthikkad about Samyuktha Varma
