അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.മലയാള സിനിമയിൽ നിരവധി മികച്ച ചിത്രങ്ങളുടെ ഭാഗമായി മാറിയിട്ടുള്ള നടിയാണ് പാർവതി തിരുവോത്ത്. വളരെ സെലക്ടീവായാണ് താരം ചിത്രങ്ങൾ തിരഞ്ഞെടുക്കുന്നത് പോലും. ഓരോ ചിത്രത്തിലും മികച്ച കഥാപാത്രങ്ങളെയാണ് താരം അവതരിപ്പിക്കുന്നത്.. അടുത്ത കാലത്ത് ഉള്ളോഴുക്ക് എന്ന ചിത്രത്തിലൂടെ വമ്പൻ തിരിച്ചു വരവ് തന്നെ ആണ് മലയാളത്തിൽ നടത്തിയത് താരം. താരം പലപ്പോഴും പലതരത്തിലുള്ള വിമർശനങ്ങൾ ഏൽക്കുകയും ചെയ്യാറുണ്ട്. അതിൽ തന്നെ ഏറ്റവും ശ്രദ്ധ നേടിയ വിമർശനം എന്നത് പല അഭിപ്രായങ്ങളും നേരിട്ട് പറഞ്ഞതു കൊണ്ട് താരത്തിന്റെ അവസരങ്ങൾ നഷ്ടമായി എന്നതാണ്. പലരും ഈ കാര്യങ്ങളെക്കുറിച്ച് പലപ്പോഴും സംസാരിക്കുകയും ചെയ്യാറുണ്ട്. എന്നാൽ ഇപ്പോൾ ഇതാ പാർവതി ഈ കാര്യത്തെക്കുറിച്ച് പറയുന്ന ചില കാര്യങ്ങൾ ശ്രദ്ധ നേടുകയാണ് ചെയ്യുന്നത്. താരത്തിന്റെ വാക്കുകൾ ഇങ്ങനെയാണ്…
“എന്നെ സംബന്ധിച്ചിടത്തോളം എന്റെ കരിയർ ഡിസാസ്റ്റർ അല്ല.. പക്ഷെ എല്ലാർക്കും അങ്ങനെയാണ് തോന്നുന്നത്.. അതായത് പടം പുറത്ത് വരുന്നില്ല എന്ന ഒരേയൊരു മെട്രിക് വെച്ച് നോക്കുവണെങ്കിൽ എത്രയോ ആക്ടെർസിന് ഡിസാസ്റ്റർ കരിയർ ആണെന്ന് പറയാം.. പക്ഷെ ഞാൻ വർക്ക് ചെയ്യുന്നുണ്ട്.. അഭിനയിക്കുന്നുണ്ട്.. ഞാൻ ആഗ്രഹിക്കുന്ന പ്രൊജക്റ്റ്സിൽ വർക്ക് ചെയ്യുന്നുണ്ട്. എനിക്ക് ജീവിക്കാനുള്ള പൈസ കിട്ടുന്നുണ്ട്.. അങ്ങനെ നോക്കുവാണേൽ ഞാൻ വളരെ സക്സസ്ഫുൾ ആയി ജീവിക്കുന്നുണ്ട്.. അതാണെന്റെ ഒരു കാഴ്ചപ്പാട്.”
അഭിനയിച്ച ചിത്രങ്ങളിലെല്ലാം തന്നെ തന്റെ കഴിവ് വളരെ മികച്ച രീതിയിൽ തന്നെ ഉപയോഗിക്കാൻ സാധിച്ചിട്ടുള്ള നടിയാണ് പാർവതി എന്നതിൽ ആർക്കും യാതൊരു തർക്കവുമില്ല. അത്രത്തോളം മികച്ച രീതിയിൽ ആണ് താരം തന്റെ ഓരോ ചിത്രങ്ങളിലും പ്രകടനം കാഴ്ച വെച്ചിട്ടുള്ളത്. അഞ്ജലി മേനോൻ ഒരുക്കിയ ബാംഗ്ലൂർ ഡേയ്സ് എന്ന ചിത്രം താരത്തിന്റെ കരിയറിൽ തന്നെ വലിയ മാറ്റങ്ങൾ കൊണ്ടു വന്ന ഒരു ചിത്രമായിരുന്നു. ഈ ചിത്രത്തിലെ താരത്തിന്റെ കഥാപാത്രം അത്രത്തോളം ശ്രദ്ധ നേടിയതും ആയിരുന്നു.
Story Highlights ;Parvathi Thiruvothu statement
