അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.അടുത്ത സമയത്ത് സോഷ്യൽ മീഡിയയിൽ വളരെയധികം ശ്രദ്ധ നേടിയ വാർത്തയാണ് ഹേമ കമ്മീഷൻ റിപ്പോർട്ട്. സിനിമ മേഖലയിൽ പലരും യഥാർത്ഥ നടന്മാർ തന്നെയാണെന്ന് തെളിയിച്ചു തരുന്നതായിരുന്നു ഈ റിപ്പോർട്ട്..സിനിമ മേഖലയിൽ സ്ത്രീകൾ നേരിടുന്ന വലിയ പ്രശ്നങ്ങളെക്കുറിച്ചും പ്രയാസങ്ങളെ കുറിച്ചുമായിരുന്നു ഈ റിപ്പോർട്ടിലൂടെ പുറത്തുവന്നത്.. ഇപ്പോഴിതാ ഈ റിപ്പോർട്ടിനെ കുറിച്ച് ജൂനിയർ ആർട്ടിസ്റ്റും റൈറ്ററുമായ ജൂബിത എന്ന യുവതി നടത്തിയ വെളിപ്പെടുത്തലാണ് വുമൺ റോർ ഓഫ് സൈലൻസ് എന്ന ഗ്രൂപ്പിലൂടെ പുറത്തു വരുന്നത് ഈ പോസ്റ്റിന്റെ പൂർണ്ണരൂപം ഇങ്ങനെ..
ഹേമ കമ്മിറ്റി റിപ്പോർട്ട് പുറത്ത്‌ വന്ന സാഹചര്യത്തിൽ ജൂനിയർ ആർട്ടിസ്റ്റ്/റൈറ്റർ എന്നീ മേഖലകളിൽ ജോലി ചെയ്തിരുന്ന ജുബിത എന്നൊരു യുവതി നടത്തിയ വെളിപ്പെടുത്തൽ കാണുവാനിടയായി. കൃത്യമായ്‌ പേരുകൾ എടുത്ത്‌ പറഞ്ഞ്‌ തന്നെ അവർ പ്രതികരിക്കുന്നുണ്ട്‌.
‘ഇടവേള ബാബു, ഇടവേള ബാബു. അദ്ദേഹം എന്നോട്‌ പറഞ്ഞത്‌ ശരീരത്തെ കുറിച്ചുള്ള കാര്യങ്ങൾ തന്നെ ആണ്. അഡ്ജസ്റ്റ്മന്റ്‌ ഉണ്ടെങ്കിൽ A.M.M.A-യിൽ കേറാം. ഒന്നരലക്ഷം രൂപയോ ഒന്നും വേണ്ട. അല്ലെങ്കിൽ ക്യാഷ്‌ അടച്ചിട്ട്‌ കയറണം. അതിന്റെ പേരിൽ 2018-ൽ വാക്കുതർക്കം ഉണ്ടായി.’
മമ്മൂക്കോയ പറഞ്ഞതും ഒരു മകളോട്‌ പറയാൻ പറ്റിയ കാര്യമല്ല. ആക്റ്റർ സുധീഷ് പലപ്പോഴും വിളിക്കുകയും അദ്ദേഹത്തിനോടൊപ്പം കാറിൽ യാത്ര ചെയ്യാൻ ആവശ്യപ്പെടുകയും ചെയ്തു എന്നും ജുബിത പറയുന്നുണ്ട്‌. സാജു കൊടിയനുമായ്‌ ഒന്നിച്ച്‌ അഭിനയിക്കുന്ന വേളയിൽ അയാളും ഇത്തരത്തിൽ മോശമായി സമീപിച്ചിട്ടുണ്ടെന്നും പറയുകയുണ്ടായി.
ഇടവേള ബാബുവിന്റെ പേര്‌ എടുത്ത്‌ പറഞ്ഞ്‌ ഉറപ്പിച്ചിട്ടുണ്ട്‌ അവർ സ്വയം. ഇത്തരം ആർട്ടിസ്റ്റുകൾ കൂടി ചൂഷണത്തിന്‌ ഇരയാവുന്നുണ്ട്‌. അത്‌ പലപ്പോഴും വാർത്തയാകാറില്ല, വേണ്ടത്ര മാധ്യമശ്രദ്ധ കിട്ടാറില്ല. ന്യൂസ്‌ വാല്യൂ താരതമ്യേന കുറവാണല്ലോ. ഒരു നായിക വേഷം ചെയ്യുന്ന താരം ആയിരുന്നെങ്കിൽ ഈ സമയത്തിനകം whole ചാനൽ പ്രൈം ടൈം ഡിബേറ്റ്‌ ആവണ്ടുന്ന വിഷയമാണ്‌.
വെറുതേ നാലഞ്ച്‌ പേർക്കെതിരേ ഒരു ആരോപണം ഉന്നയിക്കുകയല്ല. സംവിധായകൻ ഹരികുമാർ (പ്രസ്തുത വീഡിയോയിൽ അത്‌ ഹരിഹരൻ എന്നാണ്‌ പറയുന്നത്‌, പക്ഷേ ഇതിൽ തന്നെ പറയുന്ന കാറ്റും മഴയും എന്ന സിനിമയുടെ സംവിധായകൻ ഹരികുമാർ ആണ്) നായിക ആയിട്ട്‌ തുടരണമെങ്കിൽ ഹോട്ടൽ മുറിയിലേക്ക്‌ വരണമെന്ന് പറയുന്നതും ആ പ്രശ്നം അറിയുന്ന പ്രൊഡക്ഷൻ കണ്ട്രോളർ ഇന്നും ഉണ്ടെന്നും ഇതിൽ പറയുന്നുണ്ട്‌. അവർ പറഞ്ഞതിനെപ്പറ്റി കൂടുതൽ അന്വേഷണങ്ങൾ ഉണ്ടാകട്ടെ , സത്യങ്ങൾ മറ നീക്കി പുറത്തുവരട്ടെ
Story Highlights ;junior artist jubitha talkes harassment
