അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.മലയാള സിനിമ ഇപ്പോൾ വലിയ പ്രതിസന്ധി നേരിട്ടു കൊണ്ടിരിക്കുകയാണ്. മലയാള സിനിമ ലോകത്തെ മുഴുവൻ പിടിചുലച്ചിരിക്കുകയാണ് ഹേമ കമ്മീഷൻ റിപ്പോർട്ട് എന്ന് പറയുന്നതാണ് സത്യം. വലിയ തോതിലുള്ള ബുദ്ധിമുട്ടുകൾ തന്നെയാണ് ഹേമ കമ്മീഷൻ റിപ്പോർട്ടിന്റെ പശ്ചാത്തലത്തിൽ മലയാള സിനിമ ഇപ്പോൾ നേരിട്ടുക്കൊണ്ടിരിക്കുന്നത്. സിനിമയിലെ ഒട്ടുമിക്ക ആളുകളും അമ്മ എന്ന സംഘടനയ്ക്കെതിരെ രംഗത്ത് വന്നിട്ടുണ്ട് എന്നതാണ് സത്യം. പരോക്ഷമായാണ് പലരും അമ്മയിൽ നിന്നും ഉണ്ടായ മോശം അനുഭവങ്ങളെക്കുറിച്ചൊക്കെ തുറന്നു പറയുന്നത്. നടിയായ ശ്രീദേവികയ്ക്ക് ഒരു മോശമനുഭവം ഉണ്ടായപ്പോൾ അത് അമ്മയിൽ പറഞ്ഞിട്ട് പോലും യാതൊരു പ്രതികരണവും അമ്മയിൽ നിന്നും ഉണ്ടായില്ല എന്ന് തുറന്നു പറഞ്ഞുകൊണ്ട് രംഗത്ത് വന്നിരുന്നു.
അതേപോലെ തന്നെ മറ്റൊരു വ്യക്തിയും നടൻ അലൻസിയർ മോശമായി പെരുമാറിയിട്ട് അമ്മയിൽ പരാതി കൊടുത്തപ്പോൾ പ്രതികരണം ഉണ്ടായില്ല എന്ന് തുറന്നു പറഞ്ഞിരുന്നു. ഇപ്പോൾ ഇതാ ഐശ്വര്യ ലക്ഷ്മി അമ്മ എന്ന സംഘടനയെ കുറിച്ച് പറയുന്നതാണ് ശ്രദ്ധ നേടിക്കൊണ്ടിരിക്കുന്നത്. എനിക്കെന്തെങ്കിലും പ്രശ്നം വന്നാൽ അവർ ഇടപെടുമെന്ന് അവരുടെ പ്രവർത്തനം കൊണ്ട് തോന്നിയില്ല എന്നാണ് ഐശ്വര്യ ലക്ഷ്മി പറയുന്നത്.
ഞണ്ടുകളുടെ നാട്ടിൽ ഒരിടവേള എന്ന ചിത്രത്തിലൂടെ മലയാള സിനിമയിലേക്ക് കടന്നുവന്ന നടിയാണ് ഐശ്വര്യ ലക്ഷ്മി. മലയാളത്തിൽ മാത്രമല്ല അന്യഭാഷകളിലും തന്റേതായ കഴിവ് തെളിയിക്കുവാൻ സാധിച്ചിട്ടുണ്ട് നടിക്ക്. യുവ പ്രേക്ഷകർക്കിടയിൽ വളരെയധികം ആരാധകരുള്ള നടിയാണ് ഐശ്വര്യ. പലപ്പോഴും താരത്തിന്റെ മറുപടികൾ വളരെയധികം ശ്രദ്ധ നേടുകയും ചെയ്യാറുണ്ട്. നിലപാടുകൾ എടുക്കുന്നതിൽ ഇന്നത്തെ തലമുറ കുറച്ചു കൂടി മുൻപിലാണ് എന്ന് തെളിയിക്കുന്ന തരത്തിലുള്ള രീതികളാണ് ഐശ്വര്യ ലക്ഷ്മി, പാർവതി തിരുവോത്ത് ആസിഫ് അലി തുടങ്ങിയ താരങ്ങളൊക്കെ മുന്നോട്ട് വയ്ക്കാറുള്ളത്..
Story Highlights ;Aiswarya Lakashmi talkes about amma
